تعيشو يالبنات عاونوني

نسرين اياد · 2012-12-10, 14:14

راني هاوية خياطة .... و حابة نتعلم نفصل قندورة
forme soutien ........تعيشو لي تعرف متبخلنيش
شكر مسبقا لبنات بلادي

ام عدي · 2012-12-10, 14:42

راح نرسملك ونشرحلك وان شاء تفهمي وكان مفهمتيش قوليلي نعاودلك وادعيلي

ريونة04 · 2012-12-10, 16:36

اللله يبارك ام عدي راكي في المساعدة ديما الله يعطيك صحتك ويخليك ديما منورة المنتدى

ميمي مانو · 2012-12-10, 16:47

دخلت ونيتي المساعدة لكن للاسف اعشق الخياطة ولكن لااعرف الحمد لله وراتلك الاخت

نسرين اياد · 2012-12-11, 13:01

شكرا ام عدي....لكن بصراحة مافهمتش مليح ......الله يسترك ويلا مافيهاش ثقل عليك . عاودي اشرحيلي مرة اخرى بطريقة ابسط.....
و شكر ثاني للاخت ميمي مانو ع نية المساعدة .....
و جزاكم الله خيرا يا بنات بلادي

ام عدي · 2012-12-12, 16:53

اطوي القماش على اربعة وحطي قياسك وفصلي دورة الضبوط والرقبة كيما تحبي ومن مبعد هيا تحت الضبزط وقيسي اربع اصبع مفتوح وقمري بالطبشور ومن بعد هيا تخت بطة الرقبة وقيسي اربع صباع مضمومةوقمري بالطبشور ورسمي خط مقوس من لقمارة تحت الضبوط الى القمارة تحت الصدر كيما رسمتلك في الصورة ومن بعد قصي بالمقص ومن بعد الي قصتيه عاودي خيطيه اي رجعيها مجمولة كيما كانت ومن بعد ماتجملي هيا للربع صباع المضمومة الي خليتيها تحت بطة الرقبة وكمشيها بالمشينة ومن بعد اجمل روبتك عادي راح يجيك فورم ستيان مبلي بين الصدر وكان مفهمتيش عاوديني نزيد نرسملك ونفهمك

نسرين اياد · 2012-12-13, 19:45

merci و ربي يسترك ام عدي
نورمالمون فهيمت ..دوك نقولك لي فهمت و قوليلي صح ولا لالا
بعد منطبق لقماش ع 4 نقص الرقبة و التحت الطابق بحساب لمودال لحابا
و مبعد نمركي 4 صوابع مفتوحين تحت الطابق )الظبوظ( و نزيد 4 صوابع مغلوقين تحت الرقبة..... و مبعد نربط بيناتهم بقوس... و نقص القوس لي رسمت و نعاود نخيطو في بلاصتو ..... راني

فايزة1207 · 2012-12-14, 08:00

[quote=ومن بعد قصي بالمقص ومن بعد الي قصتيه عاودي خيطيه اي رجعيها مجمولة كيما كانت ومن بعد ماتجملي هيا للربع صباع المضمومة الي خليتيها تحت بطة الرقبة وكمشيها بالمشينة ومن بعد اجمل روبتك عادي راح يجيك فورم ستيان مبلي بين الصدر وكان مفهمتيش عاوديني نزيد نرسملك ونفهمك

شكرا على الشرح حبيبتي ولا انو مافهمتش بعض المصطلحات ومافهمتشش هاذ الجزء المقتبس

ام عدي · 2012-12-13, 22:58

صح هذا هوالفورم ستيان وكي تخيطي وريلي

ام سارة ورقية · 2012-12-13, 23:09

اختي حابة نستفسر برك كي نقصو كيما قلتيلها ومبعد نعاودو نخيطو الطول تاعنا راح ينقص من الامام يعني يولي الخلف اطول من الامام
وعذرا على المداخلة

نسرين اياد · 2012-12-14, 15:50

ok نعدك يا ام عدي نهار نخيطها و نخلصها نحتهالك تشوفيها ..... لكن صحيح كيما قالت الاخت ام سارة و رقية رح يولي طول القندورة اطول من القدام .......و شكرا على وقت و نشا الله يضافلك في ميزات حساناتك ....

ام عدي · 2012-12-15, 02:45

نعطيك نصيحة لكل الخوات دائما كيما تهزي طول الروبة زيدي فوق الطول اربع صباع وبعد ماتخيطي روبتك وتكمليها عاودي هزي الطول وقصي ازايد اي عندما تجملي روبت راح يجيك الامامي اقصر من الامام بما انك انت اصلازايدا عن طولك فهاك الانقص راح يروح في المقص

نسرين اياد · 2012-12-15, 12:17

شكرا يا ام عدي راح نعمل بنصيحتك