احتاج وصفة الناجحة للغريبية

[afaf_jata]

مساء الخير
من فضلكم اريد ان اطيب الغريبية نحبها ونموت عليها لكن اخاف تجيني يابسة لي عندها الوصفة المجربة و الناجحة يا ريت تتكرم عليا بيها اريد ان اصنعها غدا الجمعة ان شاء الله

[fouedscorpion]

يعطيك الصحة هايل............

[ام ملاك.]

ديري 3 كيلات فريتة وكيلة سكر قلاصي ولافني شوية ولميها بالزيت حتى تولي تتلم في يدك
هذي الوصفة اللي تديرها ماما من زمان وتعلمتها عليها وتجي تذوب في الفم
واذا عندك كتوكتو مرحي ولا الجلجلان تقدري تزيديلها
تخرج هايلة جامي تيبس قد ماتطول
جربي وقوليلي

[أم عبير]

هدي وصفة ساهلة ماهلة اعتمدها دائما. 250غ سكر+نصف لتر زيت+لفاني+فرينة باش تلمي العجينة و تقدري تزيدي الجنجلان في العجينةو تكوري و تضعي القرفة فوقها.

[oum anas 69]

nanshak okhti b wasfatt okht yarasmine26 ani dartha fi had l3id jatni hayla w tdoub fi fam

[malak errahma]

وصفتي ناجحة بادن الله نستعمل كيلة سمن مدينة+كيلة سكر رطب نطلع بالباطور حتى تصبح كريمة نحط ايضا كيس لافاني وندخل الفرينة بالشوية حتى نحصل على عجينة متماسكة نعمل اشكال بالطوابع التي عندك وادا ما كانتش متوفرة ديري حربوش بالعجينة زينيه بالفورشيطة وقصي معينات تجي روعة هدي وصفة تاع مدينة جيجل اتمنى ان تجربيها

[titina]

السلام عليكم ورحمة الله وبركاته
هذي طريقتي للغريبية
ان شاء الله تعجبك

https://www.djelfa.info/vb/showthread.php?t=896370

[nanou blastro]

يعطيك الصحة على السؤال استفدنا معاك و شكر كبير للاخوات اللي ردو.

[afaf_jata]

المشاركة الأصلية كتبت بواسطة malak errahma

وصفتي ناجحة بادن الله نستعمل كيلة سمن مدينة+كيلة سكر رطب نطلع بالباطور حتى تصبح كريمة نحط ايضا كيس لافاني وندخل الفرينة بالشوية حتى نحصل على عجينة متماسكة نعمل اشكال بالطوابع التي عندك وادا ما كانتش متوفرة ديري حربوش بالعجينة زينيه بالفورشيطة وقصي معينات تجي روعة هدي وصفة تاع مدينة جيجل اتمنى ان تجربيها

يعطيك الصحة اختي الغالية هذه هي الوصفة لي جربتها جات ناااااااااااااااااااااااااجحة 200_100
المعذرة لم اتمكن من الرد في الوقت المناسب كانت عندي مناسبة هامة و اخذت مني الكثير من الوقت

الف الف شكر لكل الاخوات

[zaklam]

انجح وصفة صدقتلي هي

تخلطي ¾ كاس سكر+ 1 كاس زيت ملييييييييييييح و تزيديلهم 3 كيسان فرينة من الأحسن تكون محمصة شوية و لميه و شكليها كيما تحبي

[malak errahma]

الشكر لك اختيafaf_jataؤالله اختيارك لوصفتي فرني بزاف وكانني فزت في مسابقة تاكلها بالصحة ولهنا