ساعدوني نوم ابنتي غير منضم

مريومة دودي · 2013-01-13, 12:43

الى كل ام خبيرة ارجوكي عاونيني بنتي عمرها عام و 2 اشهر من الولادة لحد الساعة نومها خفيف خاصة ف الليل نحطها في سريرها بصح تنوض ترضع شحال مرة مما يضطرني نرقدها معايا ولوكان منرضعهاش مترقدش حتى و نعشيها نشبعها بصح تنوض ا و هاد الشي تعبني بزاف الله يخليكم تفيدوني بتجاربكم

~~لينة نور~~ · 2013-01-13, 12:55

السلام عليكم

الله يكون في عونك مررت بهذه التجربة المتعبة مع ابنتي الكبرى, ولما لم أعد قادرة على التحمل ,اضطررت للفطم الاجباري .

أخذتها جدتها وسافرت بها لمدة نصف شهر تقريبا . وعند

عودتها أصبحت ابنة جدتها وانتهت معاناتي .

مريومة دودي · 2013-01-13, 13:00

شكرا اختي على الرد بصح انا ما يساعدنيش لاني نسكن بعيدة على اهلي و ماهيش متعلقة بيهم بزاف و تاني نضن بلي هاد الطريقة تاثر على نفسية الطفل

ines_dz · 2013-01-13, 13:14

هذا المشكل معروف يا اختي خاصة في حالة الرضاعة الطبيعية، انا وليدي كان كيما راكي تحكي وانا وحدي في الغربة، حتى وليت مقلقة من قلة النوم، كي دار عام وشهر قتلو خلاص، صح 3 ليالي وهو يبكي، ودوكا عندو عام و 3 شهر الحمد لله مللي نحطو في بلاصتو حتى للصباح، ربي يشدلك بنتك

~~لينة نور~~ · 2013-01-13, 13:22

اقتباس:

المشاركة الأصلية كتبت بواسطة مريومة دودي

شكرا اختي على الرد بصح انا ما يساعدنيش لاني نسكن بعيدة على اهلي و ماهيش متعلقة بيهم بزاف و تاني نضن بلي هاد الطريقة تاثر على نفسية الطفل

السلام عليكم

العفو أخية نحن هنا لنساعد بعض .معك حق اذا لم تكن متعلقة بالاهل فالامر صعب .

في حالتي أعيش مع أم زوجي يعني لا فرق بيني وبينها ( المشكل كان في الرضاعة ليلا فقط )

وكما قالت الاخت بعدي عليك بفطمها والصبر على ذلك سوف تتعبين لايام وتتعب ابنتك أيضا وربما

تصاب بالحمى . ( هذا اذا كانت لديك الرغبة في الفطم ) والله أعلم .

amouna.sem · 2013-01-13, 13:34

chofi khti balak hna talgay jawab min el mjarbat
https://www.djelfa.info/vb/showthread.php?t=590949
ana waldi andou 13mois hamdouAllah 3jouzti ma nhar lawal 3almatni rabitou bien mnahyatlou rda3a ta3 lil khlass nmadoulou ghir tizana ma darech 5mois wala yargad fa lile , tbali diri kima gatlek el okht khalih yabki 3jr wa tathanay , ani hassa bik khti Allah y3inek

imane-2020 · 2013-01-13, 13:35

أختي انا مش متزوجة لكن شفت اختي بنت خالتي كي تحب تفطم صغيرها تدير حاجة في صدرها باه تكرهه مثلا دواء احمر او حناء غبرة كي يحطها الصغير في فمه يلقاها مرة يرميها وربي يحفظهالك وربي يسرلي انشاء الله وللجميع