الحل للضيف المفاجئ

[oum radja]

اخواتي الكريمات
من منكم ما وقعتش في هده المشكلة؟
يجوك ضياف و توقفي حايرة في الكوزينة ما تلقي من تقدميلهم
بالنسبة لي انا الحل الوحيد هو
المجمد و الميكرو اوند
انا كل ما نصنع حلوى او اي شيء اخرمثل المسمن. الملوي,البغربر,او حتى المطلوع نحط منو كمية في المجمد و هكدا ادا احتجت ليهم على غفلة ما عليا الا نخرجهم و نحطهم في الميكرواوند 2 دقايق و يكونو جاهزين
و ادا كان الوقت غير مناسب لشرب القهوى او الشاي
احرصي دائما ان يكون موجود عندك التمر و الحليب او اللبن
وهكدا عمرك ما تحصلي
نتمنى اني نكون افدتكم ولو بالقليل