الي راه فاهم يجاوبني

[soso sirin]

والله هذا الموضوع خممت فيه بزاف و ترددت باه نكتبو منبعد قلت نكتبو و كيما جات تجي فهموني صح برحمة والديكم .راح نهدر على وحد الظاهرة و انا كنت مقتنعة بلي ماهيش نيشان مي لحقت ماعرفتش انو صح و لا ماشي صح.الواحد لما يلقى وحدا و تعجبو مي مايعرفهاش و يقلها مديلي الرقم تاع التيليفون تاعك انت كرجل تقدر ديرها و اذا تحطيت في موقف كيما هذا واش دير و اي راجل يقول هذا الكلام راه يتمسخر مع انو كاين حالات تكمل بالزواج ماشي حالة وحدا .و انتي كون تصادفي هذا الشي واش راح يكون الموقف تاعك و اذا بانلك الشخص انو ماراهش يكذب و ماتقولوليش انتي في دقيقة عرفتي بلي مليح.الله غالب وقتنا ماراهش تاع روح اخطب و منبعد تعرف لانو حاجة صعيبة بزاف باه الوحدا تتخطب و منبعد تبطل لانو لسانات الناس ماترحمش.انا مانيش نقول انو يطول معاها مي وقتنا راه هاك ماتقدرش تخطب وحدا ماتعرفهاش و الوحدا ماتقدرش تقبل بواحد ماتعرفوش.انا مانيش موافقة على العلاقات قبل الزواج مي تاني مانقدرش نقبل بواحد مانعرفوش كامل زيدلها انا مانقبلش نكون فارة تجارب لاي راجل مهما كانت مواصافاتو.علابالي بلي طريق الصح باين و طريق ربي معروفة مي هذا واش كاين عندنا في مجتمعنا.انا اختكم فهمو واش راني قاصدة و بلاك هذا الموضوع راكم خممتو فيه من قبل علابالي التعبير ركيك مي ان شاء الله الفكرة تكون وصلت .علابالي راكم تقولو هاذي راهي تناقض في روحها كيفاه ماتقبلش العلاقات و كيفاه ماتقبلش بواحد ماتعرفوش مي والله هذا الموضوع راه مهبلني لانو هذا التساؤل ماراهش غير عندي راه عند ناس بزاف نعرفهم.اذا فهمتوني جاوبوني اليكم الخط

[soha1987]

سلام سوسو
لميساج راهي وصلتني وانا نقولك نعم يخي فهمتي وانا راني مانقدرش نيعثلك ميساج لانو مازال ماوصلتش لحد المسموح باش نبعث رسالة
وعلى الموضوع نتاعك انا كون يجيني واحد يطلب النوميغو نتاعي نقولهالو مانمدش ومانقبلش يهدر معايا بدون علم اهلي نقولو روح للدار لا تنازل
والمراة كرامتها اغلى مالديها و نقولك حاجة رجال درك لقاوها سبة لانو النسا تنازلو بزاف وكل تلك التنازلات من اجل الزواج واي زواج بعدما تضيع الكرامة ولي قالك مانديش وحدا مانعرفهاش انا عندي هادا كذاب رام كامل الرجال يحبو وحدا مايعرفهاش والواقع شاهد كفانا تنازلا المراة راحت كرامتها من اجل رجال مايسوواش والله ملينا من هاد لحكايات يوجعو الراس ربي يهدينا ويرد شبابنا وشباتنا لطريق الحق قولو امين
دمتي متميزة سوسو

[مراد12345]

يا أختي

هو الأمر صعب في الحالتين

قد تثقين فيها ويسجلك في الهاتف ويبهدلك بك

وأيضا أنا معك لا بد للإنسان أن يتعرف على الخطيبة بل الزواج

أنا أنصح بنصيحة وحيدة إذا كنت تعرفين الخشص الذي طلب منك الهاتف هو شخص لا بأس به

ومعروف في المنطقة وهو ناوي الخير أعطيه الهاتف

غير ذلك لا لأي شخص مهما كان

[ayadat81]

حب الهاتف ليس الحب و ليست علاقة واعدة بل هي تسلية يمكن أن تنتهي ب مشاكل كبيرة.المشاعر وحدها لا تبني علاقة واعدة هي تلعب دورا بعد الزواج فقط أما قبله فمن تريد بناء علاقة مثمرة و طريقها الزواج انشاء الله عليها أن تتفاهم على أمور أساسية في الدين و الدنيا .أما الهاتف ف 99بالمائة من علاقاته تافهة.
ولكنها هي التي تجازف بسمعتها وسمعة عائلتها، وبالتالي فهي المسئولة الأولى، وعندما ترتكب مثل هذه الخطأ يجب أن تتحمل مسئوليته بمفردها.
اما بالنسبة للرجل فاقول له
انما الزنا دين فان اقرضته كان الوفي من اهل بيتك

تقبلي مروري

[mohamed160]

شكران على الموضوع انا ما نقدارى نقلها اعطيلى الرقم لانى نحاس بروحى طيحة القدارى بالك ما تقبل بلك تقلك كلام مو مليح املا نروح نخطبها من دارهم خير هدا رائى انا

[knives55]

بصرحة ناس ترسكي وتقمر أول رجال اليوم همهم الزين برك وقليل ليحكم على عقلية كي شوف وحدة شابة روحلها بلا مايخمم

وهذي أنا ضدها أنا ضدها نهائيا

أما بنسبة لزواج واحد ماتعرفيهش وهو مايعرفكش هذي خليها على ربي

واش حابة قلتي علاقة قبل الزواج حرام و مكيش حابة تزوجي واحد متعرفيهش هذي حلها مخابرات حطي واحد يعس عليه

والله دنيا تخلطة انانقولك تزوجي وخليها على ربي ولا ريحي بلا زواج هذي هيا راه عليك وعليه هو مايعرفكش وانت ماتعرفيهش

أذ راكم متعادلين

وربي يسهل

[حضنية28]

انا منحبش هذو المواقف الانسان لازم يكون جدي شاف طفلة يروح يخطبها من دارهم

[Lydia istanboul]

للأسف صرات لي في خطبتي الأولى.....الشاب لم اكن أعرف لكن لما خطبني و أبي سأل عنو الكل يمدح فيه.....و أصارحك كان جد غني ووسيم....لكن بعد التملاك صرت لا اتفق معه في اي شي..وشخصيتي و شخصيتو لا يلتقيان كالخطين المتوازيين......واستغفر الله ندمت لي ماحكيتش معاه قبل اعلان الخطبة...ٌلت لتجنب احراج كبير مع الناس لكن يا أختي وش نديرو...رانا في وقت لحرام ساهل ولحلال واعر .....

[منهاج]

السلام عليكم

هي صح هاد الضربة مشي صحيحة بصح الصراحة راها شايعة بزاف الشير ولا يمشي ويمد نيميروه والشيرات

ما راهمش يمتانعو ديراكت يمدو علابيها الشاشرا والفو العقلية ،والمشكلة الغلط كثر حتى ولى قاعدة

الناس بنات عليها حياتهاااااااااااااااا

[مريم الصابرة]

السلام عليكم اختي
شوفي اختي فالحقيقة والله صراتلي لكن انا ما نمدش رقمي إلا للي اثق فيه هي راني معاك ما نقدرش نتزوج بإنسان ما نعرف عليه والو على الأقل نسقسي عليه لكن لما شخص طلب مني رقم الهاتف قتلو وين يمكن يلقى امي هذا فقط الباقي ما مديتلو ما حكيت معاه هذي هي يجي للدار ويخطبني رسمي ونشوفو كان نقبل او لا وهو كان يقبل او لا عادي هذي هي الخطبة فيها القبول والرفض عادي
وفترة الخطوبة نعرف فيها خطيبي مليح واش راحلي فالناس اختي لما ننخطبو ونعرف عقليتو نبطل وعادي وين المشكل انا نرضي ربي ووالديا والناس عمرهم ولا راحين يرضاو شكرا على الموضوع

[assia81]

اخواتي كلهن تزوجن زواج تقليدي والان هن في احسن حال ولكن الان كل شيء تعقد لا ادري ان كان المشكل في الرجل ام في المراة ام في كليهما بالنسبة لي انا ارفض هذه الطريقة مهما كان هذا الرجل المتقدم وارفض الزواج اصلا الا في حالة واحدة اذا كان المتقدم لا يتكلم كثيرا ولا يشترط كثيرا ولايدخل معي في نقاشات مبهمة بدعوى الثقافة يعني يدير دار وولاد ويسكت عليا

[مـجيد]

المشاركة الأصلية كتبت بواسطة assia81

اخواتي كلهن تزوجن زواج تقليدي والان هن في احسن حال ولكن الان كل شيء تعقد لا ادري ان كان المشكل في الرجل ام في المراة ام في كليهما بالنسبة لي انا ارفض هذه الطريقة مهما كان هذا الرجل المتقدم وارفض الزواج اصلا الا في حالة واحدة اذا كان المتقدم لا يتكلم كثيرا ولا يشترط كثيرا ولايدخل معي في نقاشات مبهمة بدعوى الثقافة يعني يدير دار وولاد ويسكت عليا

يدير دار و ولاد و يسكت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اولا لولاد بيد ربي اللهم ارزقنا ذرية صالحة
ثانيا هذا النوع من الازواج غير موجود و ان وجد فلا يمكن ان نسميه رجل اطلاقا

[assia81]

بالنسبة رجل بل سيد الرجال

[السي محمد]

طبعا لن افعلها ان شاء الله

تعجبني نخطب

او ننساها تماما

[sarl02]

الامر واضح والمسموح باين والممنوع باين ...يعني الهاتف من اجل التعارف الي حين هذا غير شرعي وانقولوها بصراحة وماشي مليح في حق البنت وللاسف هذا هو الشائع الان لكن هذا لا ينفي وجود تعارف جاد بنية الزواج في اطار سليم ولو لفترة قصيرة وكثير هي الزيجات التي تمت بهاته الطريقة ..وانا بالنسبة لي شخصيا لا استطيع التقدم الى فتاة مباشرة دون التعرف عليها ولو بصفة سريعة ووقت قصير على الاقل االواحد يعرف الخطوط العريضة للشخصية التي امامه وبعدها تاتي تتمة بقية الاجراءات.