الغيبة

مشكلتي · 2012-11-24, 21:07

السلام عليكم
مشكلتي انني ندير الخير في الناس مع صديقاتي خصوصا لكن وجدتهم يمنشرو فيا و كي شافتني صديقتي دارت روحها ماهدرتس فيا
صراحة انفجرت و زعفت و دارت روحها واش زعفك تتمسخر بيا
قولولي كيفاه نتعامل مع هاذي الفئة نتاع الخباثا بليييييييييييييييز

منهاج · 2012-11-25, 19:35

السلام عليكم

ادا تلاقيتيهم يحكو عليك حاجة ما دات ما جابت ديري روحك ما سمعتيهمش وجبدي روحك منهم بالشوية لانو اذا

درتي راسك براسهم راهم يعقدوك ويزيدو فيها وراح تخسري قرايتك بسبة قالو فيا وما قالو فياااااا.

بصح اذا كانو يهدرو ووصلو لمواصيل مشي ملاح في هادي لازمك تواجهيهم وما تسكتيلهمش باش توقفيهم عند حدهم.

الله يهدينا جميع من مرض الغيبة ويثبتناااااااااا بالدين

sabi.k · 2012-11-25, 20:12

السلام عليك يا ابنتي
أقول ابنتي لأنك أكيد في عمر ابنتي
لا تهتمي فمن تكلم فيك واغتاب أكيد أنه أنقص من ذنوبك وزادها في رصيده
فلماذا تتنرفزين وتقلقي روحك على حاجة مليحة ليك
راهم ينحيو من ذنوبك فالأحرى أن تفرحي
والله لوكان نلقى اللي ينحيلي ذنوبي نسلملوا على راسو
لا تهتمي يا ابنتي وربي راهم وراهملك على حقيقتهم ولكن ما تقوليلهم ولا تجاوبيهم
إنسحبي من حياتهم شيئا فشيئا
ربي يوفقك في دراستك وربي يعينك

prince of desert · 2012-11-25, 21:33

هي صحيفتهم فل يملأوها بما يشاؤون أيضا يجب على الانسان الا يكون سهل الاستفزاز ويرضخ بل على العكس في نظري أحسن رد على أمثال هؤلاء هو الصمت وعدم الاهتمام وهذا في حد ذاته أقسى رد لأنه يزيد من هيبتك أمامهم (من الثقة بالنفس عدم الرضوخ للاستفزازت ) السلام عليكم .

بنت الجسور · 2012-11-29, 23:58

السلام عليكم اخواتى حكايتى انى جربت فى هده الدنيا الصالح والطالح والكل لقيتهم مايخرجوش عليا بلاك العيب فيا انعزلت على الكل وماعتش نخرج من الدار حتى الجيران مانشوفهمش ما بقيتولى غير انتوم تنصحو نى لوجه الله لانى راح نمرض بحالة اكتئاب انجدونى

اسعى لرضى الله · 2012-11-30, 00:05

قالو للحسن البصري ان فلانا قد اغتابك فبعث اليه بطبق حلوى وقال له لقد سمعت انك اهديت الي حسناتك فكافاتك بهذا ...

mitrochka · 2012-11-30, 11:33

بسم الله الرحمن الرحيم
و الصلاة و السلام على خير خلق الله سيدنا محمد
عزيزتي : لا أدري كم عمرك لكن أظنك في مرحلة المراهقة

و منها : شوفي أحسن طريقة لرد كلامهم عليهم هي تديري روحك ما تفهميش بلي يهدرو عليك
و حتى كيما تلقايهم جايبين في سيرتك اضربي النح و اعطيهم تبسيمة

و الحاجة المهمة هي حاولي تجبدي روحك منهم و شوفي صحابات تاع الصَّح لي ينصحوك و يعاونوك كيما تغلطي
و لي كيما تعجبهمش حاجة يجيو ليك أنت ماش يطيحو فيك بالمنشار

و ديري في بالك بلي رايحة تشوفي من هاد النوع بزززززززززززززززززاف خاصة في هذا الوقت

امَّلا تعملي على ربي سبحانه و تهلاي في قرايتك

mimi best · 2012-11-30, 13:24

يااااا اختي انا اول مرة نشارك في موااضيع مشكلتي
باااين عليك طفلة قدي ورانا في فترة المراهقة وانا نعرف هاذ الشعووور وجربتو وعرفت قيمتي عند كل واحد وصراتلي نفس مشكلتك خليتهم يتحدثو عليا حتى سكتو وحدهم لاني عمبالي بلي خاطية ومادرت والو وهوما ينحو عليا في الذنوب ويزيدوها في سيئاتهم لذلك نقلك ابعدي عليهم واعملي روحك ما سمعتي حتى حاجة واذا تلقيهم جايبين سيرتك انظري فيهم وابتسمي في وجهم
لانو كيما يقول المثل
ابتسامة المهزوم تفقد لذة الانتصار لذلك امني بربي راو معاك دائما وما تخليهمش في بالك
باااين بلي طولت

عطر الدنيا · 2012-12-02, 15:42

النميمه راهي منتشره بكثره وما تقدريش تقفلي افام الناس النمامه واش نقولك انتي حاولي ديما اديري الصحيح وتمشي بما يرضي الله موش على جالهم مي على جالك انتي باه تكوني مرتاحه وكي ترضي رب العباد ما يعود يهمك حتى عبد

Abdou83 · 2012-12-02, 23:41

إفعلي الخير لوجه الله

والغيبة ما هي إلا حمام ساخن لصحائفنا

wawaa · 2012-12-03, 13:34

ليكيدي اختي هاذو هوما النسا حاشا البعض التمنشير خدمتهم

~~knives55~~ · 2012-12-03, 13:41

شيئ عادي مدام منشرت فيك وعلبالك بيها

خلاص اقطعي علاقتك معها

ناس كيما هذوم مايصلحشوا صاحب

عطوفة · 2012-12-05, 19:04

وحتى هدوءنا قد يزعج البعض ...فارضاء الناس غاية لا تدرك .. حسبنا الله ..