الشيكولاطة المجمدة

عائشة حسان · 2010-11-10, 12:59

السلام عليكم اخواتي
حبيتكم تعطوني رايكم
خدمت قاطو ونورمالمو نغلفه بالشيكولاطة
شريت الشيكولاطة وموالفة نخدم بيها عادي في القلاصاج وتجيني مليحة
اليوم محبتش تتخدم تبقى مكتلة متدوبش حتى نقدر نخدم بيها
ساعدونييييييييييييييييييي بارك الله فيكم
والله راني حايرة واش ندير والقاطو راه لازمو قلاصاج
ولي تعرف طريقة نخدم بيها الشيكولا في الدار مكان لاه نشري الجاهزو
جزاكم الله خيرا

محبة القرآن · 2010-11-10, 13:02

اختي لازم تحطي كاس حليب و كاس سكر قلاص 3 مغ كبار كاكاو حركيهم مليح حطي فوق النار و حركي حتى تصبح مثل الشيكولا

و نشالله تتوفقي فيها

asma_83 · 2010-11-10, 13:10

اعمليلها حمام مائي. اضيفي قليل من الزبدة و الحليب . انا ثاني صراتلي في عرس اختي و اكتشفت انه كمية الحليب المضافة لا تتناسب مع الشيكولا بقيت نضيف الحليب حتى وصلت للقوام المناسب. جربي و رديلي الخبر.بالتوفيق.

عائشة حسان · 2010-11-10, 13:11

شكرا لك اختي لمشاركتك

عائشة حسان · 2010-11-10, 13:24

اقتباس:

المشاركة الأصلية كتبت بواسطة asma_83

اعمليلها حمام مائي. اضيفي قليل من الزبدة و الحليب . انا ثاني صراتلي في عرس اختي و اكتشفت انه كمية الحليب المضافة لا تتناسب مع الشيكولا بقيت نضيف الحليب حتى وصلت للقوام المناسب. جربي و رديلي الخبر.بالتوفيق.

اختي اسماء راني جربتها ونجحتلي ربي جزاك كل خير
جزاك الله الجنة واسكنك الفردوس يااااااااااااارب
راكي خدمتيني خدمة كبيييييييرة ربي يثبت اجرك

ريتاج الجلفة · 2010-11-10, 13:52

تعرفي عائشة مون تجربي شيكولا بيمو روعة القاطوا يقعد سبوع وهو يلمع
ديري حمام مائي كيما قالت اسما مدزيديلها والو جربيها ورديلي لخبر

عائشة حسان · 2010-11-10, 13:57

اقتباس:

المشاركة الأصلية كتبت بواسطة ريتاج الجلفة

تعرفي عائشة مون تجربي شيكولا بيمو روعة القاطوا يقعد سبوع وهو يلمع
ديري حمام مائي كيما قالت اسما مدزيديلها والو جربيها ورديلي لخبر

ربي يجازيك اختي ان شاءالله نجربها بصح كيفاه هده شيكولاطة بيمو انا نعرف قاطو بيمو برك
وكيفاه شكلها وكيفاش تتباع بالباكي ولا بالكيلو؟؟؟؟؟؟؟؟؟؟؟ اسمحيلي كثرت عليك وقيلا
ربي يجازيك خيرا

ريتاج الجلفة · 2010-11-10, 14:08

مشهورة بأسم منى عادي باكي كاين كبيرة 30دج وكاين ضغيرة 15 دج
لا والله راني غير واحدي وما عندي مندير اذا حابة تسألي اي حاجة زيدي سألي

ليوم خالتي رايحة للحج خلاوني وحدي

عائشة حسان · 2010-11-10, 14:27

ايه خلاص عرفتها الان
جزاك الله خير الجزاء اختي وبلغك مرادك
وجمعني واياك في الفردوس ان شاءالله
وزيارة مقبلة لخالتك ان شاءالله
والعاقبة لينا نحن ايضا بزبارة بيته الحرام وزيارة مقام الحبيب

asma_83 · 2010-11-10, 15:52

لا شكر على واجب اخت عائشة. يا اخت رتاج ما تقدريش تصوريلنا شيكولا البيمو جامي شفتها

عائشة حسان · 2010-11-10, 16:00

اقتباس:

المشاركة الأصلية كتبت بواسطة asma_83

لا شكر على واجب اخت عائشة. يا اخت رتاج ما تقدريش تصوريلنا شيكولا البيمو جامي شفتها

اختي اسماء راهي امي دعتلك بكثثرة قتلك راكي انقضتينا الله ينقضك
اما على الشيكولا تاع بيمو هي الي تتباه للكل ب 3000 العلبة وفيها قطع صغيرة ولون الكاغط تاعها ازرق يكون صح انا نعرفها وحتى في الماكلة بنينة ياسر طعمها

asma_83 · 2010-11-10, 16:15

راكي حشمتيني بدعواتك انت و امك .ديري مزية و قوليلها تدعيلي نجيب صغير. كيفاش مداير هذا القاطو لي درتيه

عائشة حسان · 2010-11-10, 16:29

ان شاءالله ياربي ندعيلك انا وامي
وننصحك اختي بالاستغفار طول اليوم ما تحبسيه من على لسانك وخلي ثقتك بربي كبيرة وراح تبشرينا ان شاءالله بحملك

اما القاطو الي خدمتو .... قاطو النيسكافيه .......اكيييييييييييييد راكي تعرفيه

asma_83 · 2010-11-10, 19:37

شكرا على النصيحة . لا والله ما نعرفه. اعطيني الوصفة. راني نسناك

بسمة حنان · 2010-11-10, 20:02

اختي عائشة انا نقرا في مدرسة تعليم الحلويات و قالتنا الاستاذة باه تتحصلي على شيكولا مليحة ذوبي ملعقة جيلاتين المرحي في فنجان حليب دافي حتى يتخمر من بعد اضيفيها للشكولا نتاعك و تكون في حمامي مائي و نصيحة اختي باش تتحصلي على شيكولا مليحة تاني لازم لازم الماء المغلي ميقيسش الصحن الي فيه الشيكولا يعني يكون بعيد عليه هكدا ما تتحرقش الشيكولا نتاعك