اوقات الفراغ

نافلة · 2012-11-27, 22:54

البسملة1

حبيت نطرح هذ الموضوع الي هو:
واش ديري في اوقات فراغك ؟

ياريت كل وحدة تقول لنا واش دير في اوقات فراغها باش نستفادو من بعضنا لانو كل دقيقة نتحاسبو عليها عند الله و لهذا نتمنى كل وحدة تحط فكرتها تفيد بها غيرها و تستفاد من غيرها

اللهم اني قد بلغت
ادعولي

سمراء الدنيا · 2012-11-28, 10:45

مشكورة اختي فطيمة على طرح هاذ الموضوع
وين راه هاذ الوقت نتاع الفراغ مع المسؤولية نتاع البيت و الاولاد
و ما يخفاش عليك نهار الشتا راهو قصير بزاف........
انا نسرق بعض الوقت نخفف بيه من ضغوطات الحياة و نقعد في
الميكرو .... نروح على نفسي و ما يقتلنيش الروتين...
لكن في الصيف و في العطل يكون متسع من الوقت
نمتهن الخياطة منها ما نضيعش الوقت و منها نوفر دخل لنفسي

it's me · 2012-11-28, 10:55

ماعندييييش وقت فراغ نخدم كل يوم عندي غير الجمعة كي نكمل شغلي كامل نقعد نصنع اشغال يديوية للبيت و الا نخيط حوايج خفاف للبنات
عندي افكار لااا تعد بصح الله غالب الوقت مكانش

Lili Rose · 2012-11-28, 14:05

أنا ثاني معنديش وقت فراغ ياسر
وكي يكون عندي نخيط كروشيه ولا نقرا كتاب

~ حراير ~ · 2012-11-28, 16:06

السلام عليكم و رحمة الله تعالى و بركاته
يعطيك الصحة يا فطيمة على الموضوع
أنا أجبت من قبل و هو خليط من ليلي و منى و سمراء
و لكني أردت المشاركة معك بهذا السؤال
ماذا تفعل فطيمة في أوقات فراغها؟؟؟
جاوبيني حبوبة راني نستنى مش في إجابتك بل نستنى في نصائحك لأني أثق كثيرا في نصائحك و في تصرفاتك
ربي يبارك فيك و يجازيك بالخير و الهناء و ربي يفرح قلبك بوليداتك و ربي يرزقك برهم و ينجح مقاصدهم اللهم آمين

ام عبيدة · 2012-11-28, 16:25

نشكر الاخت فاطمه علي هدا الطرح الجميل وكيما سبق و قالو خواتاتي وراه الفراغ الي يكون عندها الاولاد

و ادا بالي شويه وقت نقرا القران او نخدم لزيقوي تريكو لوليدي لي حكيتلك عليه الووووواعر

وفاء سعاد · 2012-11-28, 16:57

انا في الشتاء النهار قصير ماعنديش اوقات فراغ بزاف الوقت اللي عندى ندير فيه تمارين للاولاد قبل مايجيو ونحب الطياب بزاف خاصة الحلويات اللي يتشربو مع قهوة العصر ونفنى على قراءة الجرائد والكتب والميكرو بالطبع الاشغال اليدوية مانعرف والو من القراية للزواج اما في الصيف نشتى نحوس البحر هوالاول ونروح لعند دارنا وفي داري قاعدة متل النملة نفض الدار تنفيض عميق غسيل الفراش كامل ندير الشخشوخة والتريدة ونخبيهم ونتفرج على التلفاز ونقري شوية الاولاد في المواد الاجنبية باه نحسلنهم اللغة وهدا مكان

بصيرة11 · 2012-11-28, 18:03

اختي فاطمة موضوعك رائع والاروع منه صفاء قلبك
الفراغ وما ادراك ما الفراغ كيما قالو الاخوات الشتاء النهار قصير ما عندك ماديري فيه ومع ه>ا الواحد يقدر يتكمش وخدم الكروشي ولا اي عمل ما يطلبش الجهد والحركة بزاف

نبض الفؤاد · 2012-11-29, 17:46

نعمتان مغبون فيهما كثير من الناس :الصحة والفراغ
يا ريت ننتبهو مليح بلا ما نشرح على خاطر راني عارفة بللي راكم فاهمين ما شاء الله عليكم
المشكلة مش في ربات البيوت سواء عاملات او غير عاملات لان هؤلاء الوقت لا يكفيهن
ولكن حبيت ننبه يا ريت بجانب الخياطة والهوايات ما ننساوش حفظ القرآن آتين على الاقل كقاعدة يومية

مواطنة · 2012-11-29, 18:15

السلام عليكم ورحمة الله
فكرة رائعة و مثلما قالت اختي لي سبقتني اين هي حصة القران والدكر و السنة و صلة الرحم اين مكان العبادة في قلوبناا فيه اشياء لا تعد ولا تحصى لنستفيد ولكن فيه اولويات فلا يجب ان نكون من الغافلات صحيح يجب ان نرتاح و نسلي انفسنا لكن الاولى ان نقوم بالواجب الدي لم نقدر ان نقوم به اثناء انشغالنا .

مواطنة · 2012-11-29, 18:26

السلام عليكم ورحمة الله
فكرة رائعة و مثلما قالت اختي لي سبقتني اين هي حصة القران والدكر و السنة و صلة الرحم اين مكان العبادة في قلوبناا فيه اشياء لا تعد ولا تحصى لنستفيد ولكن فيه اولويات فلا يجب ان نكون من الغافلات صحيح يجب ان نرتاح و نسلي انفسنا لكن الاولى ان نقوم بالواجب الدي لم نقدر ان نقوم به اثناء انشغالنا .

فراشات العمر · 2012-11-30, 09:51

والله يا اختي فاطمة شكرا على هذا الموضوع القيم
نحب الاعمال اليدوية بزاف بزاف لاكن الله غالب ولادي يهبلوني هدي قداش نسيجة نسجت وفسدوهالي الان النت هو وقت الفراغ واللتلفاز الرسوم مع ولادي

ام نافع · 2012-12-04, 22:21

مشكورة اختى عى اموضوع وراه الوقت الفراغ انا نحوس عايه

نافلة · 2012-12-05, 12:21

اقتباس:

المشاركة الأصلية كتبت بواسطة سمراء الدنيا

مشكورة اختي فطيمة على طرح هاذ الموضوع
وين راه هاذ الوقت نتاع الفراغ مع المسؤولية نتاع البيت و الاولاد
و ما يخفاش عليك نهار الشتا راهو قصير بزاف........
انا نسرق بعض الوقت نخفف بيه من ضغوطات الحياة و نقعد في
الميكرو .... نروح على نفسي و ما يقتلنيش الروتين...
لكن في الصيف و في العطل يكون متسع من الوقت
نمتهن الخياطة منها ما نضيعش الوقت و منها نوفر دخل لنفسي

يعطيك الصحة على هذ الكلام الي راني حاساتو صادق بارك الله فيك

نافلة · 2012-12-05, 12:28

اقتباس:

المشاركة الأصلية كتبت بواسطة it's me

ماعندييييش وقت فراغ نخدم كل يوم عندي غير الجمعة كي نكمل شغلي كامل نقعد نصنع اشغال يديوية للبيت و الا نخيط حوايج خفاف للبنات
عندي افكار لااا تعد بصح الله غالب الوقت مكانش

اختي منى شكرا لكي عزيزتي حاولي تخلقي وقت راكي مقبلة على زواج وعودي نفسك على الاستفادة اكثر