وعلاه جاتني يابسة

[Meriemchawiya]

اااااه السلام عليكم يا خواتاتي انا جربت لعشية هذه فطيرة البطاطا و البذنجان للرائعة مقدسية و جاتني هباااااااااال روعة بصح مكان بضنجال درت السلق داويتو و قليتو و درتو طبقة بين البطاطا
و جربت خبز بلا دليك للاخت وهرانية و المشكل من تحت جاني ياااااااااااااااابس حجرة كنت منقصة في الكوشة عادي يعني موالفة نطيب هكذا و من داخل جاني هشوش و مليييييييييييييح غاضتني كي يابس من تحت جاني روعة لكان جا طري برك من تحت الي جرباتو محصتلهاش هذه المشكلة,’.؟ نتمنى تجاوبوني راني حتى لميتو في منديل و حطيتو في ساشي

[khadidja"h]

انا بالنسبة لييا ماجربتهومش ................انشاء الله ايفيدوك........

[*ام رامي*]

اختي الخطا من عندك طيبتيه ياسر وعلى نار هادية حتى نشف من الماء وجاك ياببس
لازم تسخني الفرن مليح وكي تلوحي الخبز حطيه في الرف الاوسط وبعدها نقصي الحرارة واقل من ربع ساعة طفي من تحت وشوفي اذا ما حمارش من فوق حمريه
بالتوفيق المرة الجاية

[مقدسية]

اولا بصحتك الفطيرة والسلق اكيد يزيدها روعة
اما الخبز كيما ذكرت اختي ام رامي لازم الفرن يكون سخون مليح وبعدما يشيح الخبز من فوق نقصي باه يطيب من داخل وياخذ لون من برا
دايما الخبز بانواعه يحب حرارة عاااااالية
موفقة ان شاء الله في المرة الجاية

[الوهرانية 1]

السلام عليكم اختي الكريمة اضافة ال ما قالوه الاخوات عن درجة حرارة الفرن حبيت نسالك
دهنتي الصنية بالزيت اختي الكريمة ممكن هادا هو السبب على كل الاخوات جربوه ونجحو فيه وهاهي الروابط
https://www.djelfa.info/vb/showthread.php?t=1151115
https://www.djelfa.info/vb/showthread.php?t=1146792
تحياتي

[ام ساجد]

بلاك قوتي في النار انا درت ماجاش يابس سخنت الفور وحطيت الخبز وبعد شوي نقصت في النار معليش
زيدي حاولي مرة اخرى

[الأمنيات]

السبب من النار اختي لازم الفرن يكون سخون كيما قالت لك ام رامي
انا جربتهم خرجوا هايلين بصح ما صورتهمش المره الجاين نحط واحد اخرين

[ام سامي15]

انا ما جربتوش
و لكن ب غطيه بعد ما تخرجيه من الفرن و خليه ربع ساعة

المعجنات بصفة عامة نغطيها بسربيتة او اثنان بعد اخراجها مباشرة من الفرن

[جيجلية]

اختي كتطيبي الخبز خليه شوية فالصينية وغطيه من فوق حتى يطرى من تحت