بم تفسرون......

مسلم سني · 2012-09-18, 12:33

السلام عليكم
أتمنى أن يكون الجميع بخير
إخوتي الأفاضل بم تفسرون هروب التلاميذ وكثرة غيابهم وتسربهم من المدارس في حين نجد شيوخا وعجائزا كبارا يسعون للإلتحاق بمراكز محو الأمية ألا يعد هذا تناقضا ؟شاب ينتظره مستقبل وهو مقبل على الحياة والدراسة ربما تعد من الاسباب التي تساعده على بناء مستقبله نجده يتهرب منها
في حين نجد عجوزا كبيرة في السن تحاول أن تتعلم وفي بعض الأحيان تجد عند هؤلاء إرادة قوية وحبا لما يقومون به.
هل لأن التلميذ في المتوسط والثانوي يحس أنه مراقب ومحاصر مثلا ومجبرا على الدراسة ؟
(ولو أننا نعلم الحرية التي يتمتع بها تلامذة اليوم عكس تلامذة الأمس ربما هناك من يرى العكس طبعا.)
في حين ان دروس محو الامية الوضع مختلف فيها؟
أم أن الجو السائد ومعاملة التلاميذ من قبل الاساتذة هي السبب؟
أم هناك أسباب أخرى؟
باختصار أتمنى أن نتحدث عن:
1/أسباب التسرب المدرسي.
2/ما الحلول التي ترونها للتقليل من هاته الظاهرة؟
3/هل عزوف الصغار عن الدراسة وحب الكبار لها هو تناقض أم هوأمر عادي؟
لا أدري هاته الفكرة خطرت على بالي فأردت مشاركتكم فيها من خلال تقديم آرائكم ووجهات نظركم .
في انتظار تفاعلكم مع الفكرة
احترماتي للجميع

كاميلا · 2012-09-18, 12:39

في رايي انه دور الآباء والامهات خاصة في السبع سنوات الاولى الطقل في هاديك السبع سنوات ورقة بيضا تكتب عليها ماشئت تربيه على الدين والعلم والاخلاق صدقني السبع سنوات هاديك يكمل بيها حياته كاملة خاصة رانا في عصر فتن واعلام يفسد الصغار التلفاز الانترنت الخ انا لا افهم علاش الوالدين ميديروش هكدا انا وليت نفجع كي نقوت على متوسطة او ثانوية يخوفوني صح سواء في هندامهم او في سلوكاتهم انا نرجع السبب للوالدين ربي يهدي هاد المجتمع ينجبون الاولاد باش يربيهم الشارع ام ماذا؟
شكرا جزيلا للموضوع

كاميلا · 2012-09-18, 12:42

الوالدة وبكل فخر ربتنا على حب العلم والحمد لله رانا في 5 خريجي جامعات وجامي جات في بال واحد منا نحبسو لقراية كتعقيب على واش قتلك ترجع للتربية والاهتمام

~~knives55~~ · 2012-09-18, 12:45

وعلاه عدنا مدارس تقول يربوا فيهم كباش العيد خلينا طابلة مكسرة حيط مشقق باب مكانش في شتاء البرد يقطع تلاميذ واش من تعليم عدنا

تاع صح يهربوا

مريم الصابرة · 2012-09-18, 12:48

السلام عليكم اخي
قولي كلمة من بعد نجاوب على موضوعك هل من جديد راني من الصباح هنا نستنى والله كنت راحا عندي امر مستعجل بقيت نستنى وإنت جاي تقلوي هربو وين يروحو
انا نقولك الهروب من المدرسة الشباب او التلاميذ يسمعو
الكالام هذا اللي قرا واش دار قرينا ورانا نبيعو فالخضرة
الخدمة ماكانش لاليسونس وماجستير ومريح فالقهوة كيفاه حبيتو يقرا وويشوف فالمسستقبل اخي عبد الشافي كرهو خلاص لا مستقبل لا والو هذا ذنب دولتنا بالدرجة الاولى
بالنسبة للحلول انا نظن واجب الاستاذ يلعب دور زمان كاين اساتذة يخلونا نحبو الحصص نجرو نتلهفو نقراو عند ذاك الاستاذ وكاين والله انا كنت كل يوم نجيب خطة من لتلفاز نطبقها المهم عند ذاك الاستاذ ما نقراش علاه على جالو نكره المادة ونكره ليكول كامل يعني الأاستاذ يلعب دور كبير في جذب التلاميذ والوالدين يفهمو ولادهم يحطولهم نقطة جبيت توصل هناك اقرا
دير سيارة أقرا دير دار اقرا تتزوج وراسك مرفوع اقرا تولي الناس تشاور عليك ثم الطالب يحطها في راسو
الكبار يحبو يقراو ممكن نقولك يكسلو رجليهم تروحلهم الروماتيزم يتلاقاو يقرعجو يخرجو من الدار حير من يحكمهم الزهايمر خلينا خويا الكبير يشد صلاتو وما ينوضش منها وينصح الصغارتروح تقرا دخل عمر وخرج حتى هرب عمر من البلاد وجا رضا بنظام بن بوزيد ايا الشح يخرج عليهم رضا وجماعتو شكرا

soriaalg · 2012-09-18, 12:54

السلام عليكم ورحمة الله وبركاته
اعتقد ان كبار السن بعدما كبرو احسو بقيمة العلم ومكانته ويحاولو يستدركو هذا من خلال محو الامية من جهة اخرى الصغار لا زالو لم يدركو هذا بعد وسيدركون بعدما يفوت الاوان في هذا السن تشغلهم الكثير من الامور ويبدو لهم ان الدراسمة مضيعة وقت واض الى هذا مترسخة عندهم فكرة انو القراية من اجل الحصول على ديبلوم ثم الحصول على وظيفة وليس العلم من اجل العلم للاسف هذا الواقع ثم يرون ناس مش قارية حاكمة مناصب مهمة يتأكد لهم هذا الاعتقاد المهم من واجب الاولياء توجيه افكار ابنائهم لعلم ينفع به امته وليس من هو صغير يفهموه ويحفظوه اقرا باش تلقى خدمة
هذي وجهة نظر قد تكون صحيحة وقد تكون خاطئة شكرا للموضوع المميز بارك الله فيكم

كاميلا · 2012-09-18, 12:56

اقتباس:

المشاركة الأصلية كتبت بواسطة soriaalg

السلام عليكم ورحمة الله وبركاته
اعتقد ان كبار السن بعدما كبرو احسو بقيمة العلم ومكانته ويحاولو يستدركو هذا من خلال محو الامية من جهة اخرى الصغار لا زالو لم يدركو هذا بعد وسيدركون بعدما يفوت الاوان في هذا السن تشغلهم الكثير من الامور ويبدو لهم ان الدراسمة مضيعة وقت واض الى هذا مترسخة عندهم فكرة انو القراية من اجل الحصول على ديبلوم ثم الحصول على وظيفة وليس العلم من اجل العلم للاسف هذا الواقع ثم يرون ناس مش قارية حاكمة مناصب مهمة يتأكد لهم هذا الاعتقاد المهم من واجب الاولياء توجيه افكار ابنائهم لعلم ينفع به امته وليس من هو صغير يفهموه ويحفظوه اقرا باش تلقى خدمة
هذي وجهة نظر قد تكون صحيحة وقد تكون خاطئة شكرا للموضوع المميز بارك الله فيكم

~~♥ المتفائل ♥~~ · 2012-09-18, 12:57

انهم يكرهون المعلم و الاستاذ
لان المعلمين و الاساتذة تاوع ليوم صراحة ما يتعاشروش و ماكانش اللي يقدر يلاويهم
عندهم عقلية صامطة
التلميذ مسكين مجبر باش يقعد مع واحد كيما هذاك 3 سوايع
يكره بالسيف عليه

مسلم سني · 2012-09-18, 13:05

اقتباس:

المشاركة الأصلية كتبت بواسطة كاميلا

في رايي انه دور الآباء والامهات خاصة في السبع سنوات الاولى الطقل في هاديك السبع سنوات ورقة بيضا تكتب عليها ماشئت تربيه على الدين والعلم والاخلاق صدقني السبع سنوات هاديك يكمل بيها حياته كاملة خاصة رانا في عصر فتن واعلام يفسد الصغار التلفاز الانترنت الخ انا لا افهم علاش الوالدين ميديروش هكدا انا وليت نفجع كي نقوت على متوسطة او ثانوية يخوفوني صح سواء في هندامهم او في سلوكاتهم انا نرجع السبب للوالدين ربي يهدي هاد المجتمع ينجبون الاولاد باش يربيهم الشارع ام ماذا؟
شكرا جزيلا للموضوع

السلام عليكم
أهلا بك وبتدخلك القيم
أكيد من شب على شيء شاب عليه
الربية لها دور كبير ودور الآباء ايضا فتأثير الوالدين تكون له آثار على شخصية الأولاد فعلا
بارك الله فيك

SOUSOU. DZ · 2012-09-18, 13:13

السلام عليكم ورحمة الله

والله موضوعك في بلاصتو هروب المدرسي والله كوارث تلاميد اصلا ماشي جاية تقرا صراحة لوكان غير يعبرو وخلاص المشكل يدورو على اقسام ويفوضو على لخرين مي والله غير يفوت عليهم الوقت ويندمو كيما جدواتنا لي راهم في محو الامية منهم جداتي والله حارصا على قرايتها اكتر منا وتعيطلي نفهمها و و و

1/أسباب التسرب المدرسي.
في راي يشوف لي راهم بشهداتهم وقاعدين في الحيط مع انو انا معلى بالي بهادي الكلمة اقرا وربي يجيب الخير

2/ما الحلول التي ترونها للتقليل من هاته الظاهرة؟

اول حاجة يقيمو تلميد تخيل المراقب العام ديالنا يمد كف لشاب طويل وعريض بلحيتو و ووزيد استاد يفوت عليه والله مايعبرو علاش هكدا واش الفرق بينو وبين استاد ....... عندنا استاد فرونسي والله في قمة بقوة محبوب عند كل تلاميد يجو من اقسام اخرى يقراو عندو حصتو ماتتملش خلاص بغتون جان كيما هوما ومراقب تاني وا و و و كلام كثير
3/هل عزوف الصغار عن الدراسة وحب الكبار لها هو تناقض أم هوأمر عادي؟

في راي الكبار كي كبرو عرفو قيمتلقرايا وصغار مزال مفقولها مي يجي نهار وييندمو

اسفة هدرت بزاف

شكرا على موضوع وجزاك الله كل خير

karim vovinam · 2012-09-18, 13:27

السلام عليكم أختي لعل من الأسباب هم الأساتذة وضع في التفكير هنالك بعض الأستذة كي دجي تدخلي وين الكتاب باررررررررررر يا حبيبي نجيبو كامل الكتب تاع صباح و عشية وكذلك خطأ التلميذ ما يعرفش صلاحو

حضنية28 · 2012-09-18, 13:35

السلام عليكم موضوعك مهم جدا الجيل هذا مهوش كيما جيل بكري الجيل هذا واعر بزاف وميحترموش الاساتذة الا من رحم ربي والله انا نحشم كي كلمة نهرب من واش يهرب الفايدة للتلميذ ميش للاستاذ التلميذ هو الل ييضيع مستقبلوبكري كانت للمعلم قيمة كنا كي نمشو ونتلاقاو بيه نبدلو الطريق من الحشمة صحيح كمايقال قف للمعلم تبجيلا كاد المعلم ان يمون رسولا المعلم لديه شئ نبيل يوصله للتلاميذ لكن هم لايبالون ان تصل الامور الىضرب الاستاذ كارثة حقيقية

مسلم سني · 2012-09-18, 16:12

اقتباس:

المشاركة الأصلية كتبت بواسطة كاميلا

الوالدة وبكل فخر ربتنا على حب العلم والحمد لله رانا في 5 خريجي جامعات وجامي جات في بال واحد منا نحبسو لقراية كتعقيب على واش قتلك ترجع للتربية والاهتمام

السلام عليكم
ماشاء الله ونعم التربية الله يطول في عمرها إن شاء الله
شكرا لك
احترماتي

soheib+206 · 2012-09-18, 16:18

التسرب المدرسي سببه الأول هو عدم وجود أنشطة مفيدة

في المدرسة مثل رحلات أو دورات في كرة القدم... لخ

الملل و الرتابة هوما اللي يخلو التلميذ يهرب و يتسرب

راني كنت تلميذ و نشفى كنت ندخل خطرة في السمانة

باش الأساتدة ما ينساونيش برك ههههههههههههههه

خطرة المعلمة نتاع الانجليزية حسبتني تلميذ جديد هههه

مسلم سني · 2012-09-18, 16:21

اقتباس:

المشاركة الأصلية كتبت بواسطة knives55

وعلاه عدنا مدارس تقول يربوا فيهم كباش العيد خلينا طابلة مكسرة حيط مشقق باب مكانش في شتاء البرد يقطع تلاميذ واش من تعليم عدنا

تاع صح يهربوا

السلام عليكم
هل هاته هي المشاكل التي من أجلها تعاني الجزائر من التسرب المدرسي وكره التلاميذ لها؟
إذا كان كذلك فالأستاذ إذن له الحق أيضا أن يهرب إذا ما وجد السبورة مكسرة هل هذا يعقل؟
وأقول لك شيئا من كسر الكراسي والطاولا ت ويكتب على الكراسي والجدران ؟
أنا هنا لا أحمل التلاميذ المسؤولية وحدهم وإنما هاته المشاكل تتدخل فيها أسباب عدة
لكن أنا شخصيا مرة درست في قسم لم ينظف بسبب خلاف بين عمال النظافة والمدير لم أهرب أخي بل قدمت الدرس لأجل التلاميذ وذاك القسم العام الماضي كله تحصل على شهادة البكالوريا قسم ادبي ما عدا 5 تلاميذ فقط
كنت قادرا أن أخرج من القسم إذن في رأيي ان هذا ليس بالسبب الرئيسي لترك مقاعد الدراسة
أما مسألة البرد صدقني كما يعاني التلميذ كذلك الاستاذ لأنهم في قاعة واحدة
لا أدري هذه وجهة نظري
شكرا لتدخلك أخي
احترماتي