واش حوالكم مع الباك

عطر السماء · 2012-11-15, 16:31

السلام عليكم اخواتى نتمنى تكونو بخيير
ونتمنى تكون تحضيراتكم للباك راهى مليحه
المهم انا كتبت هذا موضوع باش كل واحد يقوللنا وين وصل فى مراجعه المنزليه
واش لحوايج اللى ماشي فاهمها مليح باش نساعدوه على استعابها
انا بالنسبه ليا رياضيات كانت ما نفهمهاش على اول عام وكانت عاملتلى عقده مى درك مع كملنا دوال اسيه وليكور الحمدلله بديت نفهمها بالعقل
بالنسبه للعلوم نفهم دروس بشكل جيد لكن ما نقدرش نحل بعض تمارين متل كتاب احم امين خليفه فيه تمرينات صعاب ما قدرتش نحلهم
فيزياء رانى ماشيه مليح وفاهمه كلش الحمدلله
انجليزيه وفلسفه لا علاقه
مواااد الحفظ كل ما نحل نحفظ يجينى النوم :d
اسفه على ايطاله نشاءالله تتفاعلو مع موضوع
سلام

MK**bac2013 · 2012-11-15, 16:55

ana na9ra gestions machi sience mais ma3lich ncharak m3ak ana wlh ghir rani chwia lahfida rani ghir m3a i9tisad tarikh wdjoughrafia walou math!! allaho a3lam f wenglish wfalsafa rani aaaaaaaaawttt rani mba7ra

عطر السماء · 2012-11-15, 17:19

مرحبا بيك اختى وشكرا على مشاركه وربى يسهلك نشاءالله مام اانا نفس مشكل مع لحفاضه

zineb.alg · 2012-11-15, 17:31

هههههههههه انا كيفك فلسفة لاعلاقة

ولماات مازالت عقدة قوليلي كيفاش تهنيتي منهاا ربي يخليك ويوفقناا كاملين ان شاء الله

marwa miri · 2012-11-15, 17:35

السلام عليكم
انا نقرا لغات........
انا راني الحمد لله مع الباك مي في الفلسفة والوا ما رانيش نفهم راني حايرة واش رح ندير وتانيك في الجغرافيا المصطلحات بليز ادا تقدروا تعاونوني .................

عطر السماء · 2012-11-15, 17:36

اولا مرحبا بيك
المات كنت كل ما نروح نجبد كراس ونعاود واش درنا اى سؤال ما نفهموش نديه معايا للكور + سلاسل تاعنا اللى يعطيهملنا شاملين وفيهم كلش
عاونونى بزااف وما تكتريش عليك الكتب الخارجيه

عطر السماء · 2012-11-15, 17:37

marwa miri اهلا بيك اختى فلفسه مشكلتنا الكل
مصطلحات جغرافيا درك نحاول نرفعهملك

marwa miri · 2012-11-15, 17:39

اوكي اختي شكرا بارك الله فيك

نادية14 · 2012-11-15, 17:39

والله انا المواد كامل لاباس غير الفيزياء الاستاذ هذا اول عام يدرس قسم نهائي من التناقص الاشعاعي بدأ تروحي معدتش قادر نفهم راهو غي يدزلنا بصح الدروس الاخرة الحمد لله.والرياضيات رانا لسع في خطوات دراسة تغيرات دوال والقسم الاخر في الدالة الاسية استاذ يروح واستاذ يجي ...............................................ملا حظة متى اختبارات الفصل الاول عندك نحن 25/11/2012

عطر السماء · 2012-11-15, 17:42

نحنا 2 ديسمبر

marwa miri · 2012-11-15, 17:42

اسفة اختي نادية14 انا نقرا لغات ما نقدرش نساعدك
وبالنسبة للاختبارات مازال ما قالوناش....

zineb.alg · 2012-11-15, 17:43

اقتباس:

المشاركة الأصلية كتبت بواسطة jojo annaba

اولا مرحبا بيك
المات كنت كل ما نروح نجبد كراس ونعاود واش درنا اى سؤال ما نفهموش نديه معايا للكور + سلاسل تاعنا اللى يعطيهملنا شاملين وفيهم كلش
عاونونى بزااف وما تكتريش عليك الكتب الخارجيه

Merciiiiiiiii lahbibaa

sah défaut nta3iii man9rach bezf fdar

zineb.alg · 2012-11-15, 17:45

اقتباس:

المشاركة الأصلية كتبت بواسطة marwa miri

السلام عليكم
انا نقرا لغات........
انا راني الحمد لله مع الباك مي في الفلسفة والوا ما رانيش نفهم راني حايرة واش رح ندير وتانيك في الجغرافيا المصطلحات بليز ادا تقدروا تعاونوني .................

https://www.mediafire.com/?ac38xnnaj9p3e0x

ن شاء الله يفيدك هدااا

عطر السماء · 2012-11-15, 17:45

حتى انا لكان كترت نقرى ساعه نجى من دار تعبانه كل نهار نخرجو على 5 مى اليوم معوله نوض بكرى على جال لحفاضه قبل ما تتراكم عليا

marwa miri · 2012-11-15, 17:46

شكرا اختي ربي يعطيك ما تتمناي ربي يوفقك