حابة نفهم برك ؟

كاميلا · 2012-09-04, 17:02

السلام عليكم
اليوم جيتكم بموضوع حبيت ناقشوا معاكم اخواتي اخوتي في الله موضوع حساس الا وهو الوالدين كي يكباروا من يتكفل بهم هل الابناء الرجال ولا البنات يعني نقصد رح يعيشوا في دار ولدهم او في حالة الابن راهو عايش عندهم في دار والديه وحاسب روحوا ورث الدار وهو المالك ام يعيشو عند النسيب ؟ اي زوج البنت والله انا على حسب علمي هذا من واجب الابناء الذكور وليس الاناث يعني يعيش والديه عندوا بصفته هو رب المنزل والبنت متقدرش راهو راجلها اللي يتصرف وممكن جدا يرفض هاد الوضعية ؟
وقضية اخرى هي العقلية اللي كاينة في مجتمعنا تقديس الذكر ويسكنوه في الدار حتى يحط روحو هو مالكها بدون منازع الى درجة انه من بعد يطيش والديه في دار العجزة وهاد الفعل الشنيع اللي يقوموا بيه الابناء يعني مفهمتش حاجة كيفاش يطيش امه وباباه على جالت .......................... استغفر الله العظيم اللي مافيهش خير في والديه واهله مرحش يكون فيه خير
اريد مناقشاتكم

belaifa boukhari · 2012-09-04, 17:09

صدقت ياأخت ....... في إعتقادي أن الولد -ذكر- هو الذي يتوجب عليه رعاية والديه ....

djeriou · 2012-09-04, 17:11

والله يا أختي لا يوجد تحديد، الأبناء كلهم مسؤولون رجالا كانو أم نساء متزوجين أم لا، و زوج البنت عليه القبول بهذا الأمر، أما عن الذين يرمون أولياءهم في دار العجزة فأولئك ملعونين بظني، و سيرمون بدورهم عند كبرهم فكما تدين تدان، و الذي يفعلها لأجل..... فذلك عندي لا يستحق صفة الإنسانية فما بالك بالرجولة

نيل المنى · 2012-09-04, 17:30

هو المنطق و العرف يفرض على الذكر التكفل بوالديه الكبيرين بحكم أن الأخت لما تتزوج لا يمكنها أن تفرض على زوجها تحمل والديها داخل منزله و لكن في الحالات الشاذة يمكن للبنت أن تتكفل بوالديها خاصة أذا كانت متمكنة ماديا...لكن أغلب الأباء و الأمهات يرفضون فكرة الاقامة عند زوج البنت.
ربي يهدينا.

soso sirin · 2012-09-04, 17:31

الوالدين كي يكبرو يريحو في دارهم عايشين و الاكثرية سوغتو عندنا الجزايريين ولادهم يعيشو معاهم.اما الي يتكفل بيهم فالذراري و لبنات هوما للزوج مسؤولين عليهم و الراجل بزيادة لانو راه عايش معاهم كثر من الطفلة الي تكون بعيدة على والديها مي من واجبها انو تتهلى فيهم و على راجلها انو يقبل هذا الشي و يعاونها فيه لانو كيما هو يبغي والديه و باغي مرتو تتهلى فيهم كيما هي من حقها تتهلى في والديها .والي يقيس والديه في دار العجزة دور ليام و يتقاس حتا هو و المراة الي تفرح انو راجلها خيرها هي على والديه كون ماجاتش غبية عمرها و لا تفرح لانو الي يقيس والديه على جال مراة غدوة يقيسها هي على جال مراة وخدخرى.و قعاد الوالدين مع النسيب و كاين الرجال و الله عيب كبير جداتي كانت تقولنا نقعد للنسيم و مانقعدتش عند النسيب لانو مهما النسيب يرفد راح يجي نهار و يكره و ربي يهدينا ان شاء الله

Rose19 · 2012-09-04, 17:31

واله يا لأختي واش نقولك
الرجل هو المسؤول عن والديه و هذي لا نقاش فيها لان المرأة اذا تزوجت تصبح تحت طوع زوجها و الذي هو غير مجبر نهائيا التكفل بغير والديه (الا كرما منه) و هو مسؤول عن زوجته لا عن اسرتها.
و الرجل الذي يرمي والديه في دار العجزة ارضاء لزوجته يستحق ما سيحدث له في الدنيا قبل الاخرة لان الله يمهل و لا يهمل و لو كان جا رجل يقول لزوجته: نأخذ والديك و والديا معا الى دار العجزة و لا خوك راجل و انا.....و ما ننساوش نحجزو غرفة لينا باه كي يرمينا ولدنا نلقاوها.
السؤال الي حابة نطرحو (اذا سمحتي لي يا صاحبة الموضوع التطفل) ماذ تفعل المرأة اذا خيرها زوجها بينه و بين والديها اللذان رفضهما اخوها ؟

soso sirin · 2012-09-04, 17:42

السؤال الي حابة نطرحو (اذا سمحتي لي يا صاحبة الموضوع التطفل) ماذ تفعل المرأة اذا خيرها زوجها بينه و بين والديها اللذان رفضهما اخوها ؟
اصعب موقف ممكن تتحط فيك اي وحدا سوغتو اذا كانو كاينين الذراري لانو كون مكانش ساهلة نقولو باي باي و الي خلاني نتزوج بيك رايح يمدلي عشرة خيرمنك لانو كون جا عاقل مايخلينيش اصلا نختار بينو و بين والديا حتى و كون خويا ماقبلهمش لانو هو مايقبلش باه نخيرو بينو و بين والديه .مي والله حاجة صعيبة بزاف بزاف انا راح ندير المستحيل باه مانخسر حتا واحد فيهم مي اذا كان لازم عليا نختار مانسمحش في والديا و انا و هوما و ولادي كاين ربي الي مايظلم حتا عبد من عبادو

Rose19 · 2012-09-04, 17:48

Bravo soso
انا نخير الي ما يتعوضوش (الوالدين) لان ربي كاين و يعوض كيما اعطالي الرجل و الاولاد قادر ينحهملي و قادر يعوضني باخرين اما الوالدين اذا راحوا ما يجي غيرهم.

السي محمد · 2012-09-04, 18:51

و لكن اغلبية النساء يُردن السكن المُستقل

فكيف يبقى الرجل مع والديه؟؟؟؟

واغلبيتهم يردون الخروج للعمل

فمن يهتم بهما و يرعاهُما؟؟؟

و الاغلبية تقول للخاطب مانيش خديمة عند والديك

فكيف يبر بهما؟؟؟؟

الله يهدينا و يصلح احوالنا

ادعولي رب يرزقني زوجة تكون صالحة

و تبر بوالدتي

لان ما رايتُه في الايام الماضية خوّفني كثيرا

تصوّرو عجوزة صايمة شوال

و كنتها معاها لم تطبخ لها ( صحن جواز) تفطر بيه؟؟؟

ماذا يكلف افطار شخص صائم؟؟؟

حبة بطاطا و رُبع بصلة و حبات حمص او جلبانة و قطعة لحم صغيرة فقط

شوية ملح و ملعقة زيت و ملعقة صغيرة من الطماطم المصبرة في نص ساعة يكون جاهز

والله اليهودية لا تفعل هذا بحماتها

و الابن الغبي الذي كان نائم على اذنه

و امه لم تجد الافطار

للعلم الام هاذي سكتت و لم تشتكي او تتحدث إلى احد

السي محمد · 2012-09-04, 18:57

اقتباس:

المشاركة الأصلية كتبت بواسطة soso sirin

الوالدين كي يكبرو يريحو في دارهم عايشين و الاكثرية سوغتو عندنا الجزايريين ولادهم يعيشو معاهم.اما الي يتكفل بيهم فالذراري و لبنات هوما للزوج مسؤولين عليهم و الراجل بزيادة لانو راه عايش معاهم كثر من الطفلة الي تكون بعيدة على والديها مي من واجبها انو تتهلى فيهم و على راجلها انو يقبل هذا الشي و يعاونها فيه لانو كيما هو يبغي والديه و باغي مرتو تتهلى فيهم كيما هي من حقها تتهلى في والديها .والي يقيس والديه في دار العجزة دور ليام و يتقاس حتا هو و المراة الي تفرح انو راجلها خيرها هي على والديه كون ماجاتش غبية عمرها و لا تفرح لانو الي يقيس والديه على جال مراة غدوة يقيسها هي على جال مراة وخدخرى.و قعاد الوالدين مع النسيب و كاين الرجال و الله عيب كبير جداتي كانت تقولنا نقعد للنسيم و مانقعدتش عند النسيب لانو مهما النسيب يرفد راح يجي نهار و يكره و ربي يهدينا ان شاء الله

الله يرحم جدتك و كُل اموات المُسلمين

=============

يا ريت النساء كلهم مثلك

zizou93 · 2012-09-04, 18:58

لا يا اختي

انا في رايي الابناء في زوج و لكن في مجتمعنا الذكر هو اللي يعتني بيهم

♫ وهج الأمـل ♫ · 2012-09-04, 19:55

السلام عليكم

أختي هل الأمر يحتاج إلى معرفة رأي أحد

أكيد الكل مسؤول عن والديه

الولد الذكر هو برك جاباتو أمه و رباتو

هو برك كبر بين أمه و الأب تاعو

للأسف أفراد المجتمع اليوم صاروا يحملون أفكارا خاطئة عن الكثير من الأمور المهمة

و البنت إذا رفض زوجها أن تعتني بوالديها

فلم أصلا تبقى معه

هل ستنال الجنة ببر و رضى من ينهاها عن رعاية من في رضاهما رض الخالق جل و علا ؟‼

موفقة أختي

سلآ~~مـ

aminahassiba · 2012-09-04, 20:02

الوالدين عندما يكبران يتحمل الولد الدكر مسؤولية رعايتهما لان البنت هي ايضا مسؤولة عن اسرة اخرى وزوجها من واجبه ان يعتني بوالديه وان كانت البنت مقتدرة وجب عليها العناية بوالدييها وهدا ليس معناه ان ان تتخلى عن واجبها اتجاههما وانما لا بد عليها ان تسعى لكسب الاجر

السي محمد · 2012-09-04, 20:08

اقتباس:

المشاركة الأصلية كتبت بواسطة aminahassiba

الوالدين عندما يكبران يتحمل الولد الدكر مسؤولية رعايتهما لان البنت هي ايضا مسؤولة عن اسرة اخرى وزوجها من واجبه ان يعتني بوالديه وان كانت البنت مقتدرة وجب عليها العناية بوالدييها وهدا ليس معناه ان ان تتخلى عن واجبها اتجاههما وانما لا بد عليها ان تسعى لكسب الاجر

اذا طلب منك زوجك ان يعيش معكما والداه

فهل ستقبلين ام تُطالبين بالخصوصية و الاستقلالية؟؟؟

كاميلا · 2012-09-04, 20:50

اقتباس:

المشاركة الأصلية كتبت بواسطة djeriou

والله يا أختي لا يوجد تحديد، الأبناء كلهم مسؤولون رجالا كانو أم نساء متزوجين أم لا، و زوج البنت عليه القبول بهذا الأمر، أما عن الذين يرمون أولياءهم في دار العجزة فأولئك ملعونين بظني، و سيرمون بدورهم عند كبرهم فكما تدين تدان، و الذي يفعلها لأجل..... فذلك عندي لا يستحق صفة الإنسانية فما بالك بالرجولة

والله يا اخي الكريم انا حددت وشمن مسؤولية بالضبط اللي طرحت فيها السؤال