ورقة وقلم
[align=center]
في اللحظة ديه عايزأنا ورقة وقلم
أنقل مشاعري كلها
فرحة دي كانت أو ألم
في اللحظة ديه
*****
أنقل همومي على الورق بين السطور
أنقل حقيقة من جوة صدري
أو أخرج حقيقة الناس من جوة الصدور
في اللحظة ديه
*****
أكتب بقلمي قصتي من الميلاد حتى الممات
أوصف فيها دنيتي
كتير تعيس.. فرحان ساعات
في اللحظة ديه
*****
قلبي من بين ضلوعي انفطر وجه وبان على الورق
هنا هلاقي فرحتي وأرجّع عمري اللي انسرق
في اللحظة ديه
*****
أصرخ وأقول الآه..
أو أقول "الله" بصوت دفين جوه الحروف
أضحك على شيء يبكّي
أو حتى إني أنا أبكي لما يكون الفرح
وتدق الدفوف
في اللحظة ديه
عايز أنا ورقة وقلم [/align]
( تقرير عن مشاركة سيئة )، و الموجودة أسفل كل مشاركة .
2007-03-21, 15:38
ورقة وقلم
العرض العادي
