رثاء خليل

[عمر سباعي]

يامشين هذا الخبر كي طاح عليا*****ويقولو خليل مابقاش أقبالي
يأخي و علاه درتها بيا***** خليتني وحدي ماشفك حالي
البارح كنا في ساعة هنيه ***** واليوم كي صد أكثر تخبالي
القلب محروق نارو مقديا**** والخاطر مهموم ماعاد يصفالي

يامن لا يعرف خليل أصرش ليا****أنحدثك عليك و أفهم أقوالي
راح المسكين و في قلب كيا****يشكي للرحمان أنو زوالي
ماطلب كثير غيرها هيا****بنت العز والجاه سومها غالي


قالتو : ياغلط أنا ماني دونيه******متنعمة وساكنة في العلالي
مانهبط للتحت مانوسخ رجليا****مايديني غيراللي هو كي مثالي
يدفع في المال و الذهبيه****ويبني لي قصر شانة على جالي
ياواهم فوق لاتغرك دنيا******* أنا ماني ليك و أنت ما ك حلالي

قالها:ياقلبي وعلاه تقساي عليا****عندك أيامات مكيش أتسالي
أسمحتي في اللي حبك بالنية*****وأعطاك القلب والروح بلا سؤالي
أنتي اللي عاهديني تكوني ليا****واليوم أتقولي غير أنسى خيالي
ماظنيت يجي يوم تغدري بيا****وتسمعيني كلام إمرض حالي

قالت لو: بركيك من الهدره ذيا*****وإذا كنت تفهم إسمع منتالي
أناشريفة ماناطح والديا*****ونقبل باللي إختاروه أخوالي
وأنت راجل أصبرعلىلبليه*** وأنا الولية نشكي للعالي
ياربي ياخالقي يامولاي****ماأقدرت نحمل وأكثر تهوالي
بجاه محمد خاتم الأنبيا*****تغفر ليا وليه وتطفي مشعالي