ما رايكم....

[مشكلتي]

بسم الله الرحمن الرحيم ....في حقيقة الامر اريد مشورتكم في امر يخص اخي
فقد طلب مني اخي التحدث مع فتاة اعجبته ادا كانت مخطوبة ام لا ولكي لا يحرجها في الجامعة
وكان دلك بعد ما سال عنهاالمهم اني سالتها ولم تكن مخطوبة واخدت رقمها وكان هدا مند يومين
اي يوم الاربعاء
لم اتصل بها لان اخي لا يزال يدرس الموضوع ....
لكن الغريب انها اليوم وجدتها اتصلت بي وقالت لي متى ستاتون (واش درت فيها )
في الحقيقة تلبكت ولم اعرف مادا اقول لها
امي اعتبرت الامر وقاحة زائدة وانه من المفروض لا تتصل ابدااا حتى وان لم نتصل نحن ابدااا
فكل شئ بالمكتوب
واخي ايضااا حائر في التصرف


فما رايكم هل نحن ضخمنا الامور وان الامر لا يستحق التفكير بهده الطريقة ( وهدا راي)
ام انها وقاحة وعلى اخي نسيان امرها

ارجو اجابتكم اعلم انها ليست مشكلة كبيرة لكني ارى اخي متعلق بها وامي لا ترغب بدلك بسبب مكالمتها
لدا لا تسخروا مني رجاءاا

[زموري 34 وأفتخر]

أختي رأي والله أعلم أن يصلي أخاك صلاة استخارة لانه هو المعني
بالأمر قبل أن يقدم غلى أي خطوة والله تعالى اعلم وأجل

[شاملة لينة]

عادي جدا .........................
الفتاة إن كانت ذات علا قات استنكرتم هذا .
و أن كانت مؤدبة تستغربون أتصالها.
يا أختي ربما هي رغم أدبها وتربيتها تنتظر فرصة الزواج... وأنت سألتها أليس من حقها التمسك بهذا الأمر...


حيرتوني اللي في الشارع تطارد الشباب لالالا و العاقلة الي تستنى في مكتوبها رغم كثرة المنافسين لها كي تسأل لالالالا. على واش تحوسو ا ؟؟؟؟؟؟؟؟؟؟؟؟؟ظ على وحدة بلهاء يجيها واحد كامل من كلش وتقعد تتفرج وتقول كبرياء وعزة نفس ................... حيرتونــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــي

[وردة أمل]

بصراحة البنت تسرعت و كي اتصلت بيك و سقساتك على الموعد لي تجو فيه لانو الامور بالنسبة لخوك ماكانتش باينة يلا يقبل بيها و لالا ,,,العادة عندنا انو اهل الشاب هوما لي يتصلوا ماشي العكس و هي كان عليها تصبر حتى تعيطيلها و امك مانلومهاش انو زعفت من الشي لي دارتوا هاذ البنت لانو راكي تعرفي عقلية الامهات يا يحبوش الطفلة لي تقدم روحها و تبانلهم """ماتحشمش""" هاذي بكل صراحة لانها صرات قدامي و شفت ردة فعل الام و قالتها بصريح العبارة""" هاذي ما تحشمش كيفاه تعيط و تقول ارواحوا ليا واش بيها و زيد شكون قال بلي رانا جايين ليها اصلا حنا سقسينا عليها و مازال ما قررناش """

الاحسن خوك يصلي صلاة استخارة و يشوف خصوصا اذا كانت البنت عاجباتو,,,,,,,,,,,,و ممكن تكون البنت جاها طلب زواج من ناس أخرين و حبت تسقسي و تشوف ,,,,,,,,,انتوما ما تكبروش القصة خصوصا اذا كانت البنت عاقلة و بنت ناس

الله يسهل ان شاء الله

[aihemsara]

تسرعت بزاااااف كي اتصلت بيكي و قاتلك وقتاش تجيو!!!
لكن هذا ليس بالضرورة وقاحة يمكن الطفلة من الفرحة دارت هكاك
خلي خوكي يدير استخارة.. و مع الوقت اذا كانت وقحة راح يبان هاد الشيء لا داعي للخف

[~ ســارة ~]

يا اختي هادي ماهيشي وقاحة لانو حابة تفهم راكم بالصح و لا راكم تتمسخرو
و اتصلت بكم لانها هي من تعرفكم و لو كنتم تعرفون امها او اختها لاتصلت اختها او امها
نورمالمون خوك كي بعثك راه ديجا سقسا و كمل كلشي بقي فقط يبعث اختو و تتم الاجراءات و بعدها تروحو لدارهم
المشكل فيكم و ديري حالك بحالها .............و الله اعلم
أنتم دوكا ربطتو الطفلة فهمو رواحتيكم
تحوسو تصارحوها و تجيبو التيليفون ؟؟؟
و لى راكم باغين تصارحوها باش تخطبوها ؟؟؟
و كي يجوهم الخطابة يقولولهم راهم ناس اداو التيليفون الطفلة و بعث اختوو !!!!!!!!!!!!
اماجيني راكي في بلاستها هذا تمسخييييييييييييييييييييييييييير

[بنت الرّحّل]

الناس تختلف أختي الكريمة
البعض يراه فعلا سيئا والبعض يراه عاديا
كلٌ حسب رؤيته .. مع أني أراه مخالفا نوعا ما للعادة وتسرعا شديدا منها حتى أن الأيام قليلة جدا
تسرعت بالفعل !

أنا حدثت معي قصة مثل هذه ولم أتصل ولم أسأل فيما بعد تفاجأت أنهم تقدموا لخطبة زميلة لي ولما سألتني : قلت لها هم الذين يتصلون ولست أنا
قالت لي زميلتي : أنهم قالوا عني متكبرة ؟؟؟؟


هيا أعطنا حلا في نظرة الناس .. التي اتصلت وقحة والتي لم تتصل متكبرة !
مع أني أرى أنه مخالف للأولى فأنتم الذين يجب أن تتصلوا لا هي

لكنه لا يعتبر سببا للتراجع

فقط المشكلة في الوالدة ... أنت وأنا أعرف البنات المشاكسات (مثلي ) طبعا قادرات على التأثير على الوالدة بتطييب خاطرها
ومحاولة بيان أنه شيء عادي بذكر الاحتمالات

كأن تقولي لها : ربما أقول -ربما - هناك من يخطبها وأرادت أن تعرف إن كنا قادمين أم لا.. يعني شيء من هذا القبيل على أن لا يكون كذبا .
حاصريها بكل الاحتمالات الممكنة وإن شاء الله تنسى حين تجدها طيبة وملائمة

فقط لا بد من الاستخارة والتوكل على الله وسؤاله الخير


أتمّ الله لكم بالخير والبركة

أتمنى لك ولأسرتك التوفيق

[wafa16]

هي تسرعت كي عيطتلك
بصح كيما قالو الاخوة بالاك جاوها خطاب اخرين و حبت تعرف واش ادير
و الا صغيرة و ماكاش اللي يعلمها واش ادير امالا تصرفت بعفوية
هدا ماشي دليل بلي وقحة

[هدى الجيجلية]

اختي
ديرو النية
في قلوبكم
واتوكلو اعلى ربي
إن شاء الله ربي ايتمم
على خير

[Lydia istanboul]

ولما أخاك مزال يدرس في الأمر علاش تروحي تهدري معاها..؟؟؟؟ اكيد هي من فرحتها بكم او ان لها خطاب اخرين وتقع الفتاة في حيرة...لكن سبحان الله الرجل خطأ خطوته وبعثلك ليها ثم تقولي مازال يدرس ؟؟ وش يدرس؟؟ البنت ليست بوقحة لكن فقط صريحة ومباشرة...تقبلي رأي...وليوم نتي أخت الزوج غدوا تولي نتي الكنة مالا حاولي تطيبي الاجواء مع أمك وقلها عادي البنت مبسوطة بنا مش أكثر...وكلمة وقحة لا تصلح لوصفها ,,هدانا الله واياكم....واخيرا نقولك ربي يهني كل طالب للحلال.

[الصحة النفسية]

المشاركة الأصلية كتبت بواسطة lydia istanboul

ولما أخاك مزال يدرس في الأمر علاش تروحي تهدري معاها..؟؟؟؟ اكيد هي من فرحتها بكم او ان لها خطاب اخرين وتقع الفتاة في حيرة...لكن سبحان الله الرجل خطأ خطوته وبعثلك ليها ثم تقولي مازال يدرس ؟؟ وش يدرس؟؟ البنت ليست بوقحة لكن فقط صريحة ومباشرة...تقبلي رأي...وليوم نتي أخت الزوج غدوا تولي نتي الكنة مالا حاولي تطيبي الاجواء مع أمك وقلها عادي البنت مبسوطة بنا مش أكثر...وكلمة وقحة لا تصلح لوصفها ,,هدانا الله واياكم....واخيرا نقولك ربي يهني كل طالب للحلال.

كلام صائب لا داعي للأحكام المتسرعة على الناس

[أم معاذ أم معاذ]

أنا نشوف أنكم أنتم من أخطأتم
أولا نورمالمون خوك درس و سقسا عليها قبل لا تجيبي الهاتف ملالا لماه جايباتو ؟
ثانيا كنتي تردي عليها و تتفهمي وعلاه عيطت قبل لا تروحي تحكي لأمك
ثالثا أمك غالطة و ما عذرتش الطفلة
أنا كي تخطبت أيضا زوجي طول ما رد حتى خبر و الكل مرة يجي واحد يخطب
يعيطلو خويا إذا راه جاي يدير خطوة ولا لا
يقولو لالا مازالني معول نديها غير ظروف


و كون يجيها هي خطاب و توافق عليه راح تقولو ياك حكينا معاها إحنا الأولين


إرضاء الناس غاية لا تدرك

كيما قالت الأخت طيبي خاطر أمك أنت و إربحي فيهم أجر
نعرفو باللي الكبار فهامتهم مش كيما فهامة الصغار


و ربي يسر و كي تكون من مكتوبو راهو يديها بإذن الله

[saafia]

السلام عليكم

والله امر محير جددددددددددددددددددددددددددددددددددددا
الا ترون ان الاخ هو من اخطا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

يا اخي ان لم تكن متأكد من رغبتك بما في دالك رغبة اهلك لما تبعث للفتاة ؟؟؟؟؟؟؟؟؟؟؟؟؟؟؟؟؟؟؟؟؟؟ظ
الا تعلم انك تعلقها فيكككككككككككككككككككك؟؟؟؟؟؟؟؟؟؟؟؟؟؟؟؟

علي الاقل تاكد ثم بادر بسؤالها بواسطة اختك
و انا ارى شيء من الجرأة في موقف الفتاة لكن ما يشفع لها ان تصرفها نتيجة لخطأ انسان متردد ضنها منطقي ,,,,فهي ضنت انا السيد واثف من نفسه و من موقف اهله ,,,,,,الاتصال بالبنت من المفرروض ان يكون اخر شيء ,,,,,,علي هدا الاساس الفتاة اتصلت ....تفكيرها صحيح ولكن سلوكها خاطأ فقد اخطأت في حق نفسها ,,,,,وانكان من يلام فهو انتم لا الفتاة ,,,,فالوقاحة بدأت من طرف المتصل الاول .......اسمحي لي اختي لكني رايت من جانبها ود رست دوافعها و اسباب سلوكها لدلك اعلمو انكم انتم المحطئن ......ما ادراكم عل احدا قصدها من بعدكم و فضلتكم انتم علي من تقدم و طال جوابكم فارادت ان تتأكد من موقفكم ,,,,,,,قد تكون هناك عدت اسباب تجهلونها ......فلا تنعتوها بالوقاحة ....الوقح الاول هو من طرق الباب و هو ليس متأكد من نفسه ,,,,وكانها اصبحت الان هي من تخطبه ليس هو والله لو فعلهابي احد لو ينعدم الرجال ما قبلت به ......الرجل المتردد ليس رجل ,,,,,الرجل الحقيقي يدرس جيدا قراراته قبل ان يقدم على شيء,,,,ولكم النتيجة المسكينة تنتضره و هو ما زال يستخير


الللللللله يهديكم

[أمة محمد]

السلام عليكم أختي في الفاضلة قلت لنا واخدت رقمها وكان هدا مند يومين اي يوم الاربعاء لما تستغربين اتصالها إذن لما تستغربين اتصالها إذن وانت من اخذ رقمها نستغرب لو اتصلت بأخاك وكان الأولى بك أن لا تخبري عائلتك والله أعلم

[assia81]

اختي اخبرها بالحقيقة حتى وان كانت مرة وحاولوا ان تسالوا عنها وماهو السبب الذي جعلها تفعل ذلك وبعدها احكموا ان كانت تصلح ام لا حتى لاتظلمونها وفي نفس الوقت انتم لا تندموا ان وافقتم او رفضتم