طمينة السميد ولا الفرينة

[ام شيمو]

السلام عليكم ورحمة الله تعالى وبركاته

شوفوا انا لوستي زيدت لعقوبة لكل مشتاقة يارب

وهي من تلمسان كيفي ههههههههه ومتزوجة مع واحد من العاصمة

حبيت نعرف واش من طمينة ديروها في العاصمة بزاف نتاع السميد ولا الفرينة

هي تحب بزاف نتاع الفرينة درتهالها في زيادتها الاولى وراجلها قالها قوليلها تكثر شوية باه يمد لاصحابه

بصح انا قلتلها اصحاب العاصمة يديروا نتاع السميد

واش قلتوا يا العاصميات تحبوا نتاع الفرينة ولا نتاع السميد

[fella food art]

نتاع السميد

مبروك عليها

[أم ياسين الزهراء]

شوفي تاع السميد مليحة بصح ناس العاصمة يحبو يذوقو ويشوفو العوايد ديريلهم تاع الفرينة راح يعجبهم الحال بصح ويريلنا كيفاش ديريها ماشي تطفر فينا لا دينا الطمينة ولا شفنا كيفاش ديروها نضحك برك معاك


حقى مبروك مازاد عندكم ربي يصلحو ويعيشو

[natacabell]

lala hanouna han ndirouha b smid ou zabda lah lah ji hayla mabrouk mazad andha tarabih besaha ou lahna

[imadwlidi]

نتاع السميد

[liliane24]

اختي ديريلهم أنتاع الفرينة باه يعرفوا عوايدكم ، و أنتاع السميد راهم يعرفوها

[الأمنيات]

انا لو ديري شوي تاع فرينة وشوي تاع السميد هاكاك الي يحب من واحدة فيهم يختار
مبروووووووووووووك حطيهم لنا كيما قالت الاخت ام ياسين الزهراء

[fadilasor]

اكيد نتاع السميييييييييييييييد

[ملاك العاصمية]

أنا من العاصمة وموالفين بتاع السميدتعملي مزية لوكان توريلنا بالتفصيل كيفاش دايرة طمينة الفرينة
وشكرا

[zaklam]

أختي ديري 2 انواع بالشان و الطبع
هاكدا ماتهملي عوايدكم ما يقولو ماداتهاش في عوايدنا
و ما تنسايش تورينا تاع الفرينة
مبروك ما زاد عندكم