هل الزواج عبر الانترنيت جيد

[hocine101]

لقد تعرفت على انسة في الانترنيت و تحدثنا كثيرا و أعجبت بها
هل اتكل على الله و اتزوج بها ما رأيكم

هي من ولاية غير ولايتي

[اسعى لرضى الله]

اخي النت هي وسيلة فقط لا غير

كما واحد يلقا وحدة برا تعجبو يتقدم يخطبها كذلك النت المهم تكون النية صافية

اذا شفت فيها الدين والاخلاق وصليت صلاة الاستخارة وارتحت تقدم

[amokrane_malik]

أخطيك من المعرف والمعرف به وأداة التعريف

[sarl02]

عادي جدا يا اخي ..اتكل على ربي اذا شفت هذه البنت تستهل وما تهتمش بشوارد الامور على حساب لب الموضوع ..يعني الاهم هو هذه البنت ماشي كيفاش عرفت هذه البنت ..يعني خلاص امر النت انساه ذرك وحط الامور في الواقع ومدام عجباتك ديبلاسي ليها لولايتها وسقسي عليها ثم باش اتكونفرمي مليح وبالتوفيق اخي.

[moh_abdo]

الزواج بالمكتوب نت ولا التلفون أو أي تعارف هو مجرد صدفة يعني كي تكون كاتبتلو تجي عن طريقها
اذا كانو ناويين حلال وين راه المشكل تبالي ينجح عادي كيفو كيف أي زواج ومكتوب حد ما ينحو حد

[mohamed160]

سلام عليكم اخى لزام تكون النية من الطرفين وصلى صلاة الاستخارى ان شاء الله يكون الخير ومبروك عليك

[ترنيمة الأمل]

انا من رأيي تاكد من الطفلة مليح قبل ما تقدم على الزواج بيها ..

يعني اذا تتحدث مع الرجال .. والا لا ؟؟

واذا نعم بأي صفة ... ؟؟ وأسئلة هكذا


اوما تنساش تسأل عليها في ولايتها

واسأل الثقات ولا تسأل الشباب .. نصيحة من مجربة هههههههههه



ربي يعطيك الهنا ان شاء الله

[maitre manel]

المهم النية الصافية اخي وما تخدعهاش صل صلاة الاستخارة قبل
ربي يوفقكم ويسعدكم

[tinahnan]

عادي خويا اتكل اعلا ربي وروح اخطبها و انشاء الله تتفاهمو ومبروك اعليك

[مؤمل النهر]

بصراحة لا أؤيد الزواج عن طريق النت بشكل عام ,,, أسأل الله لك التوفيق

[aldorrah]

يا اخي استخر وسقسي عليها مليح وفي كل مكان تقدر تسقسي فيه حومتها مكان قرايتها أو عملها اهلها الصغار الكبار .... وربي يرزقك زوجة صالحة

[اناناسة]

السلام عليكم ، صراحة لا احب هذه الطريقة لكن نجاح علاقتكما يعتمد على مدى صدق كل منكما تجاه الاخر اولا و مدى ثقة أحدكما بالآخر فهناك من تتبادر الى ذهنه أمور بعد الزواج مثل : هل عرفت رجال قبلي ؟ هل لا تزال تحدثهم ؟ او يحدث انه و لأتفه الاسباب عندما يحدث شجار لا سمح الله يذكر أحدكما الطريقة التي تعرف بها على الاخر و هنا تحدث المشكلة
بغض النظر عن هذا ما دمت تريد الحلال أتكل على الله و ربي يجيب اللي فيه الخير لكما

[zizou93]

اهلا اخي
انا رايي لازم تستخر الله
من بعد اذا عجبتك العقلية روح للولاية نتاعها وسقسي عليها
لازم تسقسي وحاول تجمع اكثر معلومات من اشخاص مختلفة و يا حبذا
لو كان اشخاص تعرفهم مثلا لانو كاين ناس بزاف مايحبوش الخير للناس
وقادر يقولولك فيها وفيها واخطيك منها
شوف نتا سقسي مليح لانو لازم تتاكد من اخلاقها
لانو قادر كانت تمثل عليك انها شخصية وهمية و فيها جميع الصفات
اللي يتمناها اي رجل من بعد كي تجيبها لدارك تظهر شخصية اخرى
ربي يوفقك خويا
ان شاء الله اللي فيه الخير يقدمهولك ربي

[**الفارسة الملثمة **]

هناك من تنجح معه الفكرة لعلك واحدا منهم

[فتـ حييةـاة]

فيه اللي ينجح وفيه اللي لا كيما اللي مشي عن طريق الانترنت