حاجة معجبتنيش صراحة

اسعى لرضى الله · 2012-11-05, 16:18

سلام عليكم ورحمة الله وبركاته

لبارح كتبت الموضوع وحدفوه ايا عاودت كتبتو كيعاد تبالي مش مخالف ولا راني نقول في كاش حاجة ميش مليحة

المهم الموضوع كما قلتلكم البارح هو انو كاينة حاجة معجبتنيش في بعض الاشخاص هنا في المنتدى وهو تذمرهم من بعض الاعضاء -اللي قدر ربي عليهم وفقدو بعض االاحباب تاعهم وهدي سنة الحياة -

بغيت نقولكم يا ناس اتقيو الله

هد الاعضاء كتب عليهم ربي يفقدو احبابهم اموان قولولهم كلمة مليحة مشي تجرحوهم وتزيدو عليهم قدرو مشاعر الناس , صحا معجبكش واش راهم يحكيو متردش هكا على الاقل تحترم مشاعرهم ومتزيدش عليهم وحاجة اخرى كي راهم يحكيو ويفرغو قلوبهم مش معناتها قصدهم يزيدو عليكم لكن مجرد فضفضة

وانت اللي راك تتذمر ومش عاجبك الحال راك ضامن متصرالكش كيفهم؟ قبل متحكي كلمة حط روحك سع في الموقف وشوف هل ترضى يردو عليك بالاسلوب الخايب هداك ولالالا؟

وزيد وين رانا من حديث الرسول عليه الصلاة والسلام
مثل المؤمنين في توادهم و تراحمهم و تعاطفهم مثل الجسد؛ إذا اشتكى منه عضو تداعى له سائر الجسد بالسّهر والحمّىّّ

ان شاء الله تكون وصلت رسالتي وان شاء الله مناوهك نشوفو الاعضاء يد وحدة واسرة وحدة ونوقفو مع بعضانا

والسلام عليكم

مريم الصابرة · 2012-11-05, 16:29

السلام عليكم
هههههههه ضحكتيني إنت كيما انا كما يحظروني نولي وكلما ينحو موضوع ليا نزيد نولي هههههه
اختي كيما قتلك الصباح في ردي انا انا قاسيت من ردود كيما هذو ووصلو وين قالولي راكي تتسولي وكاين إشكاو للإدارة وقال كذابة ودجالة ثاني من فوق ربي وكيل كل واحد وما نتمنى حتى واحد يمرض مرضي لأانو صعيب انا حلفت ما نحكيش على وضعي لكن في اطراف الحديث نقول كلمة ولما يسألني اي عضو هلى حالي نقول مريضة والحمد لله على كل شي كبروها وضخموها
وزيد موضوعي ذكريات ملموسة ماكانش قصدي نفتح جراح لا عرفت من خلالو كاين اعضاء رافدين هم كبير في قلوبهم تخيلي جاو وكتبو لناس ما يعرفوهمش عارفة بكاو وتألمو لكن إرتاحو متأكدة انا وحدة منهم وصدقيني لما نكون مريضة ونشوف سنابل مجروحة دخلت وكتبت نفرح وندي القوة منها هكذا اعضاء اخرين
العالم الإفتراضي ربطنا بناس حبيناهم وبكينا معاهم وفرحنا معاهم
واللي راه يقول على ناس متألمين عليا او على سنابل مجروحة او مسلم سني او اي واحد هنا خسر واحد من اهلو نقولو من خلال موضوعك ربي وكيلك وبالك الدنيا يوم ليك ويوم عليك واليوم إحنا بكينا غدوى إنت شكرا وبارك الله فيك.

ام محمد منتصر · 2012-11-05, 16:34

انا عجبني موضوعك
هدرتي غير الصح ختي
مشكورة

شمعة امل · 2012-11-05, 16:46

للاسف درت مشاركة في موضوعك في الصباح
كانت عبارة عن سؤال
انتظرت الاجابة
لكن بعدها اصدم بحذف الموضوع
اخشى ان يكون قد حذف بسبب سؤالي الذي طرحته لكِ
ربي قدر الخير المهم
اردت الآن من خلال موضوعكِ
ان اعتذر للاخت مريم و للاخ مسلم سني
وفقط
ارجوا ان يقبلا اعتذاري
وان رفضا
ساعتبرهما ليسا من عائلتي في المنتدى بعد اليوم

مريم الصابرة · 2012-11-05, 17:24

اقتباس:

المشاركة الأصلية كتبت بواسطة شمعة امل

للاسف درت مشاركة في موضوعك في الصباح
كانت عبارة عن سؤال
انتظرت الاجابة
لكن بعدها اصدم بحذف الموضوع
اخشى ان يكون قد حذف بسبب سؤالي الذي طرحته لكِ
ربي قدر الخير المهم
اردت الآن من خلال موضوعكِ
ان اعتذر للاخت مريم و للاخ مسلم سني
وفقط
ارجوا ان يقبلا اعتذاري
وان رفضا
ساعتبرهما ليسا من عائلتي في المنتدى بعد اليوم

السلام عليكم اختي
تبريتي منا
والله العظيم ما ظعفت من ردك ولا درتو في راسي على العكس ردك هايل وجاوبتك في موضوعي والناس اللي قصدتهم فالرد الآن والله ما إنت تعرفيني صريحة كيما يعرفوني كامل الأعضاء لو إنت نقولك وانا من زمان وليت ما نعمرش راسي ونتقلق بلا فائدة اللي حب يهدر خلي يهدر المهم اليوم عليا وغدوى عليه
شوف اختي كاين عضو إستهزا بمشاعري وتمسخر بيا وقال كلام حسبي الله ونعم الوكيل وجرحني لكن عادي اختي اللي ليا وقاسوني كيفاه باللي ما يعرفونيش
لكن المنتدى هنا فيه اهلي خوتاتي وخاوتي وناس ساعدوني ويحبوني قد ما نحبهم وأكثر على جالهم ما نزعفش من فئة قليلة ما غندهمش القلب الله غالب الإحساس ميت
المهم عزيزتي والله راكي مسامحوعلاه اصلا تطلبي السماح والله ما جرحتيني او زعفت من كلامك وراني عاءلتك فالمنتدى بالسيف ربي يخليك شكرا

شمعة امل · 2012-11-05, 17:44

اقتباس:

المشاركة الأصلية كتبت بواسطة مريم الصابرة

السلام عليكم اختي
تبريتي منا
والله العظيم ما ظعفت من ردك ولا درتو في راسي على العكس ردك هايل وجاوبتك في موضوعي والناس اللي قصدتهم فالرد الآن والله ما إنت تعرفيني صريحة كيما يعرفوني كامل الأعضاء لو إنت نقولك وانا من زمان وليت ما نعمرش راسي ونتقلق بلا فائدة اللي حب يهدر خلي يهدر المهم اليوم عليا وغدوى عليه
شوف اختي كاين عضو إستهزا بمشاعري وتمسخر بيا وقال كلام حسبي الله ونعم الوكيل وجرحني لكن عادي اختي اللي ليا وقاسوني كيفاه باللي ما يعرفونيش
لكن المنتدى هنا فيه اهلي خوتاتي وخاوتي وناس ساعدوني ويحبوني قد ما نحبهم وأكثر على جالهم ما نزعفش من فئة قليلة ما غندهمش القلب الله غالب الإحساس ميت
المهم عزيزتي والله راكي مسامحوعلاه اصلا تطلبي السماح والله ما جرحتيني او زعفت من كلامك وراني عاءلتك فالمنتدى بالسيف ربي يخليك شكرا

ان شاء الله بالسيف

كان مجرد تهديد ومزحة مني فانا احب المزاح كثيرا تحملوني لانكم مازلتم لم تعرفوني بعد :d
انا اعرفك اختي مريم طيبة جدا وقلبك كبير و واسع
لكن مين درت هذاك الرد جاو بعض الاعضاء للاسف وبداوا اقولولك كملي الموضوع امدريش في بالك ردود الي ميحسوش وكانوا انا قلت غير ذلك الكلام
لم اجد فرصة اكثر لادافع عن نفسي ففضلت ان ابتعد عن هذا القسم وعدم المشاركة فيه
لكن قلت ساعتذر منكما في هذا الموضوع وان لم اخطا في حقكما
لاجل ان يعلم الجميع انكما لم يزعجكما ردي ذاك
وفي المرة القادمة لا يفعلون ذالك التصرف
اما الاخ مسلم فيبدوا انه فضل ان يسكت لم افهم في الحقيقة تصرفه ذاك
الحمد لله انك قبلت اعتذاري
ربي يخليك لينا وللمنتدى يااارب

سنابل مجروحة · 2012-11-05, 18:45

اهرب من واقع اليم الى قلوب رحيمة

هذا كل ما في الامر

اسعى لرضى الله · 2012-11-05, 21:54

اقتباس:

المشاركة الأصلية كتبت بواسطة مريم الصابرة

السلام عليكم
هههههههه ضحكتيني إنت كيما انا كما يحظروني نولي وكلما ينحو موضوع ليا نزيد نولي هههههه
اختي كيما قتلك الصباح في ردي انا انا قاسيت من ردود كيما هذو ووصلو وين قالولي راكي تتسولي وكاين إشكاو للإدارة وقال كذابة ودجالة ثاني من فوق ربي وكيل كل واحد وما نتمنى حتى واحد يمرض مرضي لأانو صعيب انا حلفت ما نحكيش على وضعي لكن في اطراف الحديث نقول كلمة ولما يسألني اي عضو هلى حالي نقول مريضة والحمد لله على كل شي كبروها وضخموها
وزيد موضوعي ذكريات ملموسة ماكانش قصدي نفتح جراح لا عرفت من خلالو كاين اعضاء رافدين هم كبير في قلوبهم تخيلي جاو وكتبو لناس ما يعرفوهمش عارفة بكاو وتألمو لكن إرتاحو متأكدة انا وحدة منهم وصدقيني لما نكون مريضة ونشوف سنابل مجروحة دخلت وكتبت نفرح وندي القوة منها هكذا اعضاء اخرين
العالم الإفتراضي ربطنا بناس حبيناهم وبكينا معاهم وفرحنا معاهم
واللي راه يقول على ناس متألمين عليا او على سنابل مجروحة او مسلم سني او اي واحد هنا خسر واحد من اهلو نقولو من خلال موضوعك ربي وكيلك وبالك الدنيا يوم ليك ويوم عليك واليوم إحنا بكينا غدوى إنت شكرا وبارك الله فيك.

مرحبا اختي مريم المهم انا مفهمتش حاجة برك كاينين مواضيع تافهة يخليوها وموضوع هكا يحكي الصح ميعجبهمش ويحدفوه سبحان الله
وزيد كون شت موضوعي مخالف القوانين والله منعاود نحطو

على كل اختي مريم ان شاء الله ربي يهديهم العباد هدو ويقدرو ظروف اي واحد لانو ممكن هو عايش في ظرف مش قادر يخليه يحس بالعباد او يخليه يظن انو يكذبو او يتظاهرو وكما قلت لبارح ميحس بالجمرة غير اللي عافس عليها

ومتشوفيلهمش اختي مريم المهم الواحد نيتو تكون مليحة مع ربي سبحانو وشكرا لك

اقتباس:

المشاركة الأصلية كتبت بواسطة souzanne

انا عجبني موضوعك
هدرتي غير الصح ختي
مشكورة

الله يعيشك اختي الواحد كما يقولو لازم كي يشوف حاجة معوجة يهدر وينصح خاوتو وخواتاتو بارك الله فيك

اقتباس:

المشاركة الأصلية كتبت بواسطة شمعة امل

للاسف درت مشاركة في موضوعك في الصباح
كانت عبارة عن سؤال
انتظرت الاجابة
لكن بعدها اصدم بحذف الموضوع
اخشى ان يكون قد حذف بسبب سؤالي الذي طرحته لكِ
ربي قدر الخير المهم
اردت الآن من خلال موضوعكِ
ان اعتذر للاخت مريم و للاخ مسلم سني
وفقط
ارجوا ان يقبلا اعتذاري
وان رفضا
ساعتبرهما ليسا من عائلتي في المنتدى بعد اليوم

اهلا اختي الفاضلة لا اظن انو حدف الموضوع بسبب سؤالك لانو كون معجبهمش السؤال ينحيو السؤال مشي الموضوع

واسفة مشتش السؤال اللي طرحتيه كون جاوبتك عليه بارك الله فيك

وان شاء الله ميكون والو اي واحد يغلط والمهم ميكملش في غلطتو وان شاء الله يتقبلو اعتذارك

اقتباس:

المشاركة الأصلية كتبت بواسطة سنابل مجروحة

اهرب من واقع اليم الى قلوب رحيمة

هذا كل ما في الامر

اهلا اختي امنة نورتي الموضوع بارك الله فيك ومرحبا بيك في اي وقت

رانا كي خواتاتك هنا ان شاء الله نكونو عند حسن ظنك

وان شاء الله ربي يرزقك السعادة في الدارين

~~knives55~~ · 2012-11-05, 22:06

يعطيك الصحة ربما السبب حدفه هو أنه يزيط الطين بلة أو يوسع جرح أعضاء الذين تحدثي عنهم

هذي هيا الدنيا يوم لك ويم عليك لاكن لا تقسي على مسكين

SOUSOU. DZ · 2012-11-05, 22:13

السلام عليكم ورحمة الله

يعطيك الصحة اختي جزاك الله كل خير

شكرا على الموضوع

MIWAKE · 2012-11-05, 22:51

شكرا على الموضوع

اسعى لرضى الله · 2012-11-06, 04:37

اقتباس:

المشاركة الأصلية كتبت بواسطة knives55

يعطيك الصحة ربما السبب حدفه هو أنه يزيط الطين بلة أو يوسع جرح أعضاء الذين تحدثي عنهم

هذي هيا الدنيا يوم لك ويم عليك لاكن لا تقسي على مسكين

لا اظنه يا اخي يزيد الطين بلة بالعكس نيتي تغيير هدي العقلية ونرجعو عائلة وحدة وشكرا ليك

اقتباس:

المشاركة الأصلية كتبت بواسطة sousou. Dz

السلام عليكم ورحمة الله

يعطيك الصحة اختي جزاك الله كل خير

شكرا على الموضوع

وعليكم السلام ورحمة الله

الله يسلمك ختي وجزانا واياكم الفردوس االاعلى

اقتباس:

المشاركة الأصلية كتبت بواسطة miwake

شكرا على الموضوع

العفو

رجاها 22 · 2012-11-06, 10:07

للاسف اختي هناك من حشر انفه فيما لايعنيه ليزيد الم وهم الناس ضعفا مضاعفا
اسال الرحمة والهناء لكل مصاب المت به جروح الحياة

♥' سندس الفردوس ♥" · 2012-11-06, 10:16

السلام عليكم أختي .. موضوع رائع ..بارك الله فيك ♥♥

مريم الصابرة · 2012-11-06, 13:50

[quote=اسعى لرضى الله;12091753]مرحبا اختي مريم المهم انا مفهمتش حاجة برك كاينين مواضيع تافهة يخليوها وموضوع هكا يحكي الصح ميعجبهمش ويحدفوه سبحان الله
وزيد كون شت موضوعي مخالف القوانين والله منعاود نحطو

على كل اختي مريم ان شاء الله ربي يهديهم العباد هدو ويقدرو ظروف اي واحد لانو ممكن هو عايش في ظرف مش قادر يخليه يحس بالعباد او يخليه يظن انو يكذبو او يتظاهرو وكما قلت لبارح ميحس بالجمرة غير اللي عافس عليها

ومتشوفيلهمش اختي مريم المهم الواحد نيتو تكون مليحة مع ربي سبحانو وشكرا لك

الله يعيشك اختي الواحد كما يقولو لازم كي يشوف حاجة معوجة يهدر وينصح خاوتو وخواتاتو بارك الله فيك

السلام عليكم اختي
انا سبق وقلت للمشرفين لما يحذفو مواضيعي لو تدخلو أقسام اخرى او حتى قسم المجتمع تلقاو مواضيع اتفه من أنو نسموها موضوع لكن يخلوها تبقاي حايرة ولما تشكي على حقك يحذفوه فكروني كي يكون حوار فالتلفاز اللي يقول كلمة حق يقطعوخ يقولك عذرا نقطع الإرسال
انا يا اختي اللي قدر ظروفي ربي يخليه ويجازيه اي حاجة فالدني ما تخليني ندع المرض او وفاة اهلي محال فربي يجازي اللي وقفو معايا بكلمة طيبة بمساعدة ربي يجازيهم بالجنة واللي حكى عليا في ظهري او في غيابي ربي وكيلو شكرا غاليتي على إحساسك العالي شكرا