لي يــ(ت)ـخاف ما يــ(ت)ـدخلش هههههه

[aihemsara]

بعد موضوع الاخ knives55تذكرت بعض الحكايات المرعبة ههههههه
الاكيييييييييييد و المفروغ منو انو كل واحد فينا عندو حكاية سواء سمع بيها او صراتلو او صرات لقريب ليه
و الاغلب انها حكايات عن الجن ..
البعض يصدقها.. و اليعض الاخر يقولك ما كانش منها و كلها كذب.. و البعض حتى يجرب باش يحس هههههه
فقلت علاش مش كل واحد فينا يحطلنا بعض من هذه القصص؟
مع انو انا تاني خوافة و الدنيا راهي ليل ههههههه بصح ماعليش اذا نبدا بحكايات صراولنا في عايلتنا
و كل واحد يدخل يحكيلنا واش عندو

*اول حكاية هي عن ابن اختي الصغير.. يقولو الكبار انو الدراري صغار يشوفو الملائكة..
و الله اعلم لا ادري ان كان هذا صحيح ام لا.. المهم ولد اختي هادا كان تما وين بدا يمشي
و كي يجي وقت الرقاد ترفدو اختي في غرفتها و كان دااااائما يشوف في زاوية الغرفة و يضحك
كل مرة هكا لفترة طويييلة حتى بدا يهدر كلمات.. و مرة كانت في الصالون و غرفتها بعيدة عليها حتى قالها
"ماما اششششت" كانو سمع حاجة...و شدها على يدها و اداها لغرفتها و دخلو و بقا يقرب ن الزاوية هاديك و يطلب منها تقرب معاه و يشير بصبو للحيط ... و ماهوش خايف يعني يشوف في حاجة و فرحان بيها ههههه
المهم اختي طبعا خوافة غير رفداتو و الهربة تسلك ههههههه

*الحكاية التانية انو كانو دار عمي يسكنو فوقنا من بعد نقلو و قعدت الدار فارغة لحوالي 10 سنين
يعني مغلوقة و واحد ما يسكن فيها ,, على الاكثر نطلعولها مرة او مرتين في الشهر نطلو و نهبطو
و الوقت هاداك كانو خواتاتي البنات كاااامل متزوجات غير انا و خويا الكبير و الصغير
فتقريبا كل ليلة نسمع المشي فوقي عادي مرات نسمع صوت تاع كرة كي تطيح و تبقى ترتد.. و كي نسقسي خويا يقولي و الله غير انا تاني سمعت و كذبت هههههه
طبعا هو بارد القلب .. اما انا فكنت نبات في جحيم هههههه كي نقولو لبابا يقولنا راكم تخرطو
حتى وحد النهار طلع بابا و اختي للدار لفوق و كي جا خارج.. جيست قفل الباب سمع حاجة طاحت الداخل
عاودو دخلو و فتشو الدار كاملة ما كاين والوووووو ههههه توسوسو
المهم بعد العدييييييييييييد و العديييييد من المواقف وو الحكايات و الاصوات جابو مرقي و الحمد لله.. و الان اخي تزوج و يسكن فوقنا (مع انو زوجتز مرة على مرة تجي تقولي سمعت وحد الصوت و ندير روحي ماسمعتهاش هههههههه)

يمكن الاغلبية يقولو واش راهي تخرط هادي كاش قط في الدار ولا حاجة برك.. لكن راني متاكدة انو مانيش وحدي لي صرالي حكايات هكا .. و راهي ولات ظاهرة و منتشرة بزااااااااف .. وين تروح تلقى الناس يقولك سمعت شفت و حكاولي و و و .... لدرجة انو البعض توسوس و لا يخاف يرقد وحدو (مثل ما قال الاخ في موضوعو)
واش رايك انتوما في هاذ النوع من القصص؟ و تامنوا بيهم ولا تقولو خرطي في خرطي؟ و هل راولك حكايات من هاذ النوع من قبل؟
اليكم الخط و سامحوني على الكلام الكثير

[فتـ حييةـاة]

لو نحكيلك على هاذ القصص ناكدلك انك رايحة تسجلي الخروج وماتزيديش تدوري بمنتدى الجلفة نهائيا لهذا من الافضل مانشاركش::::::: في امان الله

[SOUSOU. DZ]

السلام عليكم ورحمة الله

يماما ربي يهديك الخلعة ولخوف قتلني علاش يرحم بوك

صراحة انا سمعت بزااف وحكالي بزااف مي ايمحيلي مرة اخرى نحكي بااسكو رجفة راهي حكمتني ههههه

لي عودة للموضوع جزاك الله كل خير

[aihemsara]

المشاركة الأصلية كتبت بواسطة فتـ حييةـاة

لو نحكيلك على هاذ القصص ناكدلك انك رايحة تسجلي الخروج وماتزيديش تدوري بمنتدى الجلفة نهائيا لهذا من الافضل مانشاركش::::::: في امان الله

متى ما غيرتي رايك تجدينني في انتظار قصصك في امان الله,,,

المشاركة الأصلية كتبت بواسطة sousou. Dz

السلام عليكم ورحمة الله

يماما ربي يهديك الخلعة ولخوف قتلني علاش يرحم بوك

صراحة انا سمعت بزااف وحكالي بزااف مي ايمحيلي مرة اخرى نحكي بااسكو رجفة راهي حكمتني ههههه

لي عودة للموضوع جزاك الله كل خير

ههههههه عادي الخوف مليح اينا مرة على مرة
في انتظار عودتك يا الهرابة

[اسعى لرضى الله]

انا ثاني صراولي ههه بصح منحكيش خير اسنا نحكيلك فرد حكاية

مرة في الشتا خرج خويا راح يشري في الليل وكان الكارتي فاااااااااااااااااااااااااااااااااااااااااااااارغ كما نقولو قط ميتسعاش كي جا مروح جا لونو مخطوف انا تبالي راح يحبس قلبو من بعد كي ريح قالناسمعت واحد الصوت جامي سمعتو جامي انا على لول قلت يكذب مي من بعد كي تفكرت الحالة اللي جا فيها قلت عندو الحق ومن هديك الليلة شتي الشمبرة اللي طل على الطريق توصل 8 تاع الليل متلقاينيش فيها هههه كيعاد وين سمع الصوت كانت واحد لبيت مهجور نوعا ما



كما قالت فتاة حيية نسكتو خير ههه خلي البير بغطاه وزيد اي 12 روحي ترقدي خيرلك لا يجيوك ههههه

علاه يعني علاه الواحد من بكري خواف وزدتي وسوستيه

[soso sirin]

يا بنتي علاه عليك باغية تقتلينا بالخوف الواحد القط كي يسمعو فوق الدار نحس رجليا تشلو .نقلك حاجة وحد الوقت لعبتها ساجية وليت نقرى على عالم الجن علابالك بلي قريب نخفاف من عقلي وليت نتحسس من كلشي.مي فكرتيني بوحد القصة قاتهالي صحبتي في الجامعة و في جالها مارقدتش يمات من هذا القصة قاتلي دارنهم فيها مولات الدار و نسمعوها تقرقب و قاتلي قبل جداها ماتموت كانو يسمعو في البكا دايمن في الدار حتى نهار ماتت و كانو يحسو بيها سوغتو مع الليل مي ماكانتش تاذيهم قتلها الله يعطيك النو على هذا القصة.شوفي و مانرقدش اليوم راه عندك بروسي

[اسعى لرضى الله]

المشاركة الأصلية كتبت بواسطة sousou. Dz

السلام عليكم ورحمة الله

يماما ربي يهديك الخلعة ولخوف قتلني علاش يرحم بوك

صراحة انا سمعت بزااف وحكالي بزااف مي ايمحيلي مرة اخرى نحكي بااسكو رجفة راهي حكمتني ههههه

لي عودة للموضوع جزاك الله كل خير

خوافة هههههه نزيد نحكيلك ؟ ولا نسكت؟

[محمد...عبد النور]

السلام عليكم اختي الكريمة aihemsara
ممكن البعض لم يحدث لهم ان عايشوا امور مثل هاته لكن الجن موجودون و يحاولون اخافتنا لكي نبتعد عن مكان تواجدهم
المهم روى لي صديقي انه سكن مع عائلته في بيت جديد و كان وقت الظهيرة جالسا في فناء الدار و فجأة كأن شخصا يمشي بجانبه الصوت صوت شخص يمشي و في الواقع لاشيئ و فقال لي رحت نجري عند ابي و خبرته و بطول الايام اكتشفوا ان البيت مسكون فرحلوا منه
و القصص كثيرة و غريبة و من لم تحدث له ممكن ان يكذبها
مما جرى لي و الامر لا يتعلق بالجن ان كنت في العمل منذ 3 اسابيع تقريبا و في الليل حوالي الساعة 12 خرجت فوجدت قطا صغيرا اسودا فاقتربت منه و حملته و ادخلته الغرفة و صديقي كان لم ينم بعد فخاف و قال لي يمكن يكون جن قلتله واش هاذ الكلام و بعدها اردنا ان نرمي هذا القط بجانب صديق لنا لكن خفنا ان يرتعب فعدلت عن الفكرة هههههههههههههههههه
لا ادري لكن البعض يتحاشى القطط في الليل و انا لا ابالي بها بل اقترب منها ولو سمعت اي صوت في الليل اتحرى الامر
شكرا على الموضوع و لو لا ان الوقت متأخر لسردت لك قصص كثيرة عن الجن قد تشعر القارئ لها بالرعب في هذه الفترة من الليل
ربي يبارك فيك و يرزقك ما تتمناي
ســـــــــــــــــــــــــــــــــــــــــــــــــ ــلام

[aihemsara]

المشاركة الأصلية كتبت بواسطة اسعى لرضى الله

انا ثاني صراولي ههه بصح منحكيش خير اسنا نحكيلك فرد حكاية

مرة في الشتا خرج خويا راح يشري في الليل وكان الكارتي فاااااااااااااااااااااااااااااااااااااااااااااارغ كما نقولو قط ميتسعاش كي جا مروح جا لونو مخطوف انا تبالي راح يحبس قلبو من بعد كي ريح قالناسمعت واحد الصوت جامي سمعتو جامي انا على لول قلت يكذب مي من بعد كي تفكرت الحالة اللي جا فيها قلت عندو الحق ومن هديك الليلة شتي الشمبرة اللي طل على الطريق توصل 8 تاع الليل متلقاينيش فيها هههه كيعاد وين سمع الصوت كانت واحد لبيت مهجور نوعا ما



كما قالت فتاة حيية نسكتو خير ههه خلي البير بغطاه وزيد اي 12 روحي ترقدي خيرلك لا يجيوك ههههه
علاه يعني علاه الواحد من بكري خواف وزدتي وسوستيه

و الله غير عندك الحق الهربة تسلك...
الحكايات هادو لازملهم ليلة تروح فيها التريسيتي باش يحلاو لووووووووووول

المشاركة الأصلية كتبت بواسطة soso sirin

يا بنتي علاه عليك باغية تقتلينا بالخوف الواحد القط كي يسمعو فوق الدار نحس رجليا تشلو .نقلك حاجة وحد الوقت لعبتها ساجية وليت نقرى على عالم الجن علابالك بلي قريب نخفاف من عقلي وليت نتحسس من كلشي.مي فكرتيني بوحد القصة قاتهالي صحبتي في الجامعة و في جالها مارقدتش يمات من هذا القصة قاتلي دارنهم فيها مولات الدار و نسمعوها تقرقب و قاتلي قبل جداها ماتموت كانو يسمعو في البكا دايمن في الدار حتى نهار ماتت و كانو يحسو بيها سوغتو مع الليل مي ماكانتش تاذيهم قتلها الله يعطيك النو على هذا القصة.شوفي و مانرقدش اليوم راه عندك بروسي

يااااااااااااااا لطيييييييف الله يسترنا
شفتي كيفاه الناس كامل يعانيو من الحكايات هادو يعني كاينة منها مش توسويس فقط
ايا تربحي انا نروح خير هههههههه السلام عليكم

[اسعى لرضى الله]

المشاركة الأصلية كتبت بواسطة لذريق

السلام عليكم اختي الكريمة aihemsara
ممكن البعض لم يحدث لهم ان حدث لهم امر معين لكن الجن موجودون و يحاولون اخافتنا لكي نبتعد عن مكان تواجدهم
المهم روى لي صديقي انه سكن مع عائلته في بيت جديد و كان وقت الظهيرة في فناء الدار و فجأة كأن شخصا يمشي بجانبه الصوت صوت شخص يمشي و في الواقع لاشيئ و فقال لي رحت نجري عند ابي و خبرته و بطول الايام اكتشفوا ان البيت مسكون فرحلوا منه
و القصص كثيرة و غريبة و من لم تحدث له ممكن ان يكذبها
مما جرى لي و الامر لا يتعلق بالجن ان كنت في العمل منذ 3 اسابيع تقريبا و في الليل حوالي الساعة 12 خرجت فوجدت قطا صغيرا اسودا فاقتربت منه و حملته و ادخلته الغرفة صديقي كان لم ينم بعد فخاف و قال لي يمكن يكون جن قلتله واش هاذ الكلام و بعدها اردنا ان نرمي هذا القط بجانب صديق لنا لكن خفنا ان يرتعب فعدلت عن الفكرة هههههههههههههههههه
لا ادري لكن البعض يتحاشى القطط في الليل و انا لا ابالي بها بل اقترب منها ولو سمعت اي صوت في الليل اتحرى الامر
شكرا على الموضوع و لو لا ان الوقت متأخر لسردت لك قصص كثيرة عن الجن قد تشعر القارئ لها بالرعب في هذه الفترة من الليل
ربي يبارك فيك و يرزقك ما تتمناي
ســـــــــــــــــــــــــــــــــــــــــــــــــ ــلام

انا سيرتو القطوطة الكوحل في الليل دونجي واحد المرة في الليل فت على قط كحل وقاعد يتفرج فيا قالي خويا هدا سير جني جبت هديك الليلة نترعد

شكرا على القصص الرائعة الليلة منرقدش

[اسعى لرضى الله]

المشاركة الأصلية كتبت بواسطة aihemsara

و الله غير عندك الحق الهربة تسلك...
الحكايات هادو لازملهم ليلة تروح فيها التريسيتي باش يحلاو لووووووووووول

يااااااااااااااا لطيييييييف الله يسترنا
شفتي كيفاه الناس كامل يعانيو من الحكايات هادو يعني كاينة منها مش توسويس فقط
ايا تربحي انا نروح خير هههههههه السلام عليكم

شوفي ابنتي هههه الغبار راه عندنا كون يروح التريسيتي منتفاهمش معاك ياستار واستر

[محمد...عبد النور]

مرة جدي من امي في وقت الاستعمار راح يحطب بعد المغرب لان فرنسا كانت تمنعهم من الاحتطاب لحفظ الثروة الغابية و بعد الانتهاء حمل الحطب على حماره - اعزكم الله -و هم بالرحيل في الطريق كانت هناك مقبرة قديمة جدا و لا يزال الناس الى الحين يدفنون فيها المهم لدى مروره بالقرب منها جاءه نوع الاحصنة العملاقة و بدأ يجري الى ان يصبح امامه و يبدأ ينهم و يصهل و يرفع قدميه امامه و لان جدي كان يحفظ بعض القرآن بدأ يقرأ فأحس بفشل يسري في كامل بدنه بعدها هذا الحصان يذهب سريعا الى المقبرة ثم يعود و يكرر الفعل حتى اقترب من طرف القرية التي يسكنها جدي و تركه في حالة مرزية لا يكاد يرفع قدمه لكي يمشي و الحطب اغلبه سقط و لما وصل الدار قال لهم غطوني و اكثروا الفراش عليا
المهم في الغد زاره امام فقال له قد نجوت لو حفظ الله لك لقتلك انه عفريت من الجن
هل اعجبتك القصة
مرةعمتي الله يرحمها قالت لي انها لما كانت متزوجة حديثا ممكن في الاربعينيات من القرن الماضي انها سكنت في منطقة في الجبل و جد معزولة المهم كان لديهم حصان فبدأ ينهم و يكثر الصهيل لكن حين ترى لا احد يوجد و في المساء لما عاد زوجها ربي يرحمه جاء متعجبا فسألته فقال لها انه وجد اطفالا صغارا كثيرين يلعبون في الماء فرجع مذعورا و عرف انهم من الجن و هي ايضا اخبرته ان الحصان طول النهار كان لا يكف عن الصهيل
قصص كثيرة ممكن مرة اخرى نحكيها لكم فقط ممكن الوقت غير مناسب لكي لا يكون هناك رعب هههههههههههههههه
ربي يبارك في الجميع و يصرف عنا كل ظالم و يكلؤنا بحفظه فهو الحفيظ الستار
ســــــــــــــــــــــــــــــــــــــلام

[soso sirin]

المشاركة الأصلية كتبت بواسطة لذريق

مرة جدي من امي في وقت الاستعمار راح يحطب بعد المغرب لان فرنسا كانت تمنعهم من الاحتطاب لحفظ الثروة الغابية و بعد الانتهاء حمل الحطب على حماره - اعزكم الله -و هم بالرحيل في الطريق كانت هناك مقبرة قديمة جدا و لا يزال الناس الى الحين يدفنون فيها المهم لدى مروره بالقرب منها جاءه نوع الاحصنة العملاقة و بدأ يجري الى ان يصبح امامه و يبدأ ينهم و يصهل و يرفع قدميه امامه و لان جدي كان يحفظ بعض القرآن بدأ يقرأ فأحس بفشل يسري في كامل بدنه بعدها هذا الحصان يذهب سريعا الى المقبرة ثم يعود و يكرر الفعل حتى اقترب من طرف القرية التي يسكنها جدي و تركه في حالة مرزية لا يكاد يرفع قدمه لكي يمشي و الحطب اغلبه سقط و لما وصل الدار قال لهم غطوني و اكثروا الفراش عليا
المهم في الغد زاره امام فقال له قد نجوت لو حفظ الله لك لقتلك انه عفريت من الجن
هل اعجبتك القصة
مرةعمتي الله يرحمها قالت لي انها لما كانت متزوجة حديثا ممكن في الاربعينيات من القرن الماضي انها سكنت في منطقة في الجبل و جد معزولة المهم كان لديهم حصان فبدأ ينهم و يكثر الصهيل لكن حين ترى لا احد يوجد و في المساء لما عاد زوجها ربي يرحمه جاء متعجبا فسألته فقال لها انه وجد اطفالا صغارا كثيرين يلعبون في الماء فرجع مذعورا و عرف انهم من الجن و هي ايضا اخبرته ان الحصان طول النهار كان لا يكف عن الصهيل
قصص كثيرة ممكن مرة اخرى نحكيها لكم فقط ممكن الوقت غير مناسب لكي لا يكون هناك رعب هههههههههههههههه
ربي يبارك في الجميع و يصرف عنا كل ظالم و يكلؤنا بحفظه فهو الحفيظ الستار
ســــــــــــــــــــــــــــــــــــــلام

خويا لذريق راهي فاتت 12 باغي يجو لينا للمنتدى ولا واش .اسكتو خيرمن يكونو يسمعو فينا

[aihemsara]

المشاركة الأصلية كتبت بواسطة لذريق

شكرا على الموضوع و لو لا ان الوقت متأخر لسردت لك قصص كثيرة عن الجن قد تشعر القارئ لها بالرعب في هذه الفترة من الليل
ربي يبارك فيك و يرزقك ما تتمناي
ســـــــــــــــــــــــــــــــــــــــــــــــــ ــلام

المشاركة الأصلية كتبت بواسطة لذريق

قصص كثيرة ممكن مرة اخرى نحكيها لكم فقط ممكن الوقت غير مناسب لكي لا يكون هناك رعب هههههههههههههههه
ربي يبارك في الجميع و يصرف عنا كل ظالم و يكلؤنا بحفظه فهو الحفيظ الستار
ســــــــــــــــــــــــــــــــــــــلام

خرجت من المنتدى و عاودت رجعت هههههههههه فضولي راح يقتلني
انت كي حكيت و كملت قلت وقت غير مناسب !!
يا ريتني ما درت الموضوع هههههههه الله يسترنا و يحفظنا,, السلام عليكم

[اسعى لرضى الله]

المشاركة الأصلية كتبت بواسطة soso sirin

خويا لذريق راهي فاتت 12 باغي يجو لينا للمنتدى ولا واش .اسكتو خيرمن يكونو يسمعو فينا

شتي دارتها بينا صاحبة الموضوع ربي يستر اختي احنااا خاطين راهي هي الظالمة هههه