ربي ينجحكم ساعدوني

[nihed 92]

قولولي واش ندير انا طالبة تقني رياضي كيما نجبد باش نراجع الرياضيات و الفزياء و هندسة الطرائق نراجعهم عادي لكن كيما نكون حنحفظ الاسلامية و الاجتماعيات راسي يرجع يوجع و مانقدرش نحفظهم ربي ينجحكم اعطوني طريقة باش نقدر نحفظ بها هاذ المواد راني نستنى في ردودكم

[~ فَرْشِـي التُّـرَآبـْـ ~]

السلام عليكم
نمدلك طريقة وإن شاء الله تساعدك يا ختي
قولي باسم الله توكلت على الله
اللهم إني أسألك فهم النبيين وحفظ المرسلين
اذا كنتي من الي يحبو يحفظو الصباح نوضي الصباح وأبداي باسك هدا وقت مليح للحفاظة ودا كنتي تحبي تحفظي لعشية ماعليش كاين بزاف يحبو يحفظو لعشية
اقراي الدرس تاعك كامل وافهميه مباعدا روحي لكل عنوان ابقاي اقرايه شحال من مرة وافهميه حتى تحسي روحك استوعبتي مليح على واش راهو يحكي هدا العنوان مباعدا احكمي جملة اللولةوابقاي عاودي فيها شحال من مرة حتى تحفظيها وزيدي الجملة الي وراها ومباعدا الي وراها حتى تخلصي هاداك العنوان وعاودي هاديك الفقرة شفويا مع بعضاها شحال من خطرة باه تكوني حفظتيها مليح مليح وكملي هكاك كامل العناوين وكي تخلصي جيبي ورقة وابداي اكتبي واش حفظتي ولاكان نسيتي كاش حوايج ابقاي أكدي عليهم حتى يدخلو لراسك ملييييح
بالنسبة للتواريخ حاولي تربطيهم بتواريخ ميلاد ناس تعرفيهم ولى أحداث صراولك
والشخصيات حاولي تعرفي واش كان هاداك الشخص و أهم واش دار في حياتو

كي تخلصي لحفاظة قولي اللهم إني استودعتك ماحفظته فرده لي عند الحاجة
ونحي من بالك خلاص تاع اكي ماتقدريش تحفظي قولي ديما في قلبك نقدر نحفظ نقدر نحقظ

وربي يوفقك ياختي إن شاء الله تفرحينا في جويلية كي يخرجو النتائج
دعواتك لي
وفقك الله

[nihed 92]

شكرا جزيلا على الرد و النصيحة