الحمد لله اليوم دفعت ملف الباك

hamza touazi · 2012-10-16, 13:25

سلام عليكم خاوتي تاع الباك بعد صعوبات كبيرة اليوم توجهت لبلكور لمدرسة او اكمالية ابي القاسم الشابي رحت دفعت الملف بعد جهد لانو الاستمارة لنخرجوها من النت ويكاشيها الطبيب لازم فوطوكوبي نديرولها وتان زوج بريات وزوجتامبر هدا بدون مننسى فوطوكوبي تع لاكارت مكاليزي وهدو كمل مش مدكورين فالشروط مي قلتلكم باش تروحو زاجدين وحاب نشكر الاخ صهيب بزاف لانو ساعدني بالكتير من المعلومات جزاه الله كل خير يارب وراني هنا اي استفسار ادا قدرت نقوللكم والكتب قالولي ولي مور العيد اه ياراسي

رواسي · 2012-10-17, 13:37

ألف مبرووووووووووووووووووووووووك

انا جبت الكتب عقبالك

hamza touazi · 2012-10-17, 14:05

انشاء الله اختي الله يسلمك نتي دفعتي الملف او لا انا معنديش بون تع الكتب لانو ملف التسجيل بعتو بالبريد عندي شهادة تسجيل والتاكيد واثبات تسجيل مفهمتش قالولي ولي مور العيد

mer ilham · 2012-10-17, 20:06

Good luck for evry body من كل قلبي داعيتلكم

hamza touazi · 2012-10-18, 07:46

ميرسي ختي الهام ربي يخليك يارب ونتي واش درتي فيها طمنينا

samy algerien · 2012-10-18, 11:47

حتى انا لبارح دفعتو شكرا راك كوراجيتنا باش نعقبو لباك .

hamza touazi · 2012-10-18, 13:23

بارك الله فيك اخ سامي نشاء الله ننجحو برك بعد هادا التعب يارب

soheib+206 · 2012-10-18, 17:31

أنا اليوم و بعد ما تقطعو رجليا قدرت ندفعو ههههه

و الله تقوشي جبل و انزاح من فوق صدري

الحمد الله يا ربي

لعقوبة للي مزال

oussama.23 · 2012-10-18, 19:25

أنا نهار الأحد إنشاء الله ندفع الدوسي وهذا كل يرجع إلي الله سبحنو و إلي حمزة و صوهيب لي والله عونوني صح صح وعلي هذا حاب نشكرهم في 2 و بربي نخلفهلكم ولي مالقيتوش في بلادي عنابة لقيتو في البلاد وحدي أخري

soheib+206 · 2012-10-18, 20:22

اقتباس:

المشاركة الأصلية كتبت بواسطة oussama.23

أنا نهار الأحد إنشاء الله ندفع الدوسي وهذا كل يرجع إلي الله سبحنو و إلي حمزة و صوهيب لي والله عونوني صح صح وعلي هذا حاب نشكرهم في 2 و بربي نخلفهلكم ولي مالقيتوش في بلادي عنابة لقيتو في البلاد وحدي أخري

بلا مزية خويا أسامة رانا هنا للتعاون

برك أتأكد بلي الكاشي نتاع الطبيب محلف

باش ما يصرالكش كيما أنا

رايح و جاي

حتان تفلقو رجليا ما المشي

oussama.23 · 2012-10-19, 20:22

كيفاه محلف يا خو هههههه ( كيما تقولها يا خوووو ) والله أني عيت من الجري

hamza touazi · 2012-10-20, 10:29

العفو اخي اسامة ماعملنا الا الواجب وحنا خاوة فالله ولازم نتعاونو ومتل مقال الاخ صهيب كي تروح للطبيب سفسيه ادا محلف او لا باش يكاشيلك اخي متحشمش سقسيه خو

حفصة92 · 2012-10-23, 19:56

الحمد لله خويا...
ممكن تحوس كتب تع لي ربحو الباك العام لفات او ادخل للموقع وحمل الدروس الاولى وربي يعاوننا جمييييييييييييعا....

hamza touazi · 2012-10-24, 08:27

بارك الله فيك ختي حفصة البارح تان راحو بزاف الادبيين للمركز فشاموناف قالولوهم غير مكالاه تستناو مكاش كتب اليوم تمسخير مع انو الادبيين عندهم غير الثلاثاء استقبال بلاد ميكي انا شريت كتب تاع ليسي عادي وربي يوفقنا

samy algerien · 2012-10-24, 16:58

وقتاش نخرجو الاستدعاء ومن اي موقع ؟