مشكل

[مشكلتي]

المشكلة تكمن في أبي و أهله
عمي رايح يضحي هذا العيد وحاب يلم كل العائلة
أمي ماهيش موافقة لأنو عمتي دارت عرس وأمي راحت تعاون بكل نية حسنة بصح حطو منها العين و حشموها
نقولو ذلوها لأننا لسنا بمستواهم المادي و يتحكمو بإخوتهم الذكور و بزوجاتهم
الجو مكهرب في البيت بابا مداوس مع ماما و سبها و عايرها و زاد خسرها مع فاميلتو كي راح حكالهم
يعني دار العداوة وقاللها ما نسحق حتى واحد من عايلتك يجي نهار العيد يعني يحاوزهم هل عندو الحق يحاوز جدتي العجوز المريضة وأخوالي اللي دايرين فيه خير كبير و معاونينو
ماما سامحت عماتي وقعدت تتصل بيهم هاتفيا و كاش فرح ولا قرح تروحلهم بصح هاذ لملمات تخافهم على خاطر يستقواو ببعضاهم و يتغامزو عليها و ديرو المشاكل حتى قريباتو لبعاد يتجرؤو على ماما في واحد العرس ماما خدمت وعيات وكي لحق وقت لفطور نحاولها الصحن من يدها و قالولها روحي تاكلي مع البرانية هذي عينة بسيطة
وبابا عارف كلش بصح ماعلابالوش بينا يعني لوكان ذلونا قدامو ماعلابالوش
حتى هو مايعاملوهش كي خاوتو يعني كي الولد الصغير
المهم ماما بكات بزاف و مريضة وباش ترضيه قالتلو نجي معاك غير باش ترضيه قاللها لالا
ومازالو زعفان وماعندوش الحق .أنا مانروحش معاه و خليه يزعف علابالي لوكان نروح وحدي حقروني و ماكاش اللي يدافع عليا
بصح الجو ماهوش عاجبني كل عيد هكذا كرهنا عايلتو غير على جالو وكرهنا المشاكل
جابلي ربي الراجل لازم يحمي عائلتو الصغيرة كي ينظلمو
في عايلاتكم تصرا هكذا ؟مشكل تافه يولي صراع