لبنات اريد حلا ساعدووووووووووني

madoucha · 2012-10-28, 16:53

صح عيدكم وكل عام و انتم بخير
عندي مشكلة اتمنى نلقى الحل عندكم انا مخطوبة ودرت القاطو صابلي مقروط كروكي و دزيريات و قالي خطيبي انهم جايين في الاسبوع المقبل يجيبولي سهمي وضرك كيفاش ندير بالقاطو خفت يفسد راني نخمم نحطو في الكونجيلاتور بصح خايفة يفقد ذوقو
قولولي واش ندييييييييييييييير

&عسل& · 2012-10-28, 17:03

انا مالفة نديرو في الفريجيدار نورمااااال مايفسدش
لوكن تخليه برى رايح يفسدلك
برك قبل ماتميهلهم خرجيه من الصباح باش يدفى شوية
وربي يهنيك اختي

ام ساجد · 2012-10-28, 17:04

اختي ديريه في الكونجيلاتورغ في علبة مغلوقة واجبديه نهار لي راح يجو في الصباح ما يصرال والو ربي يتمم على خير

&عسل& · 2012-10-28, 17:06

المهم خرجيه قبل ما تعطيهلهم بوقت يعني الصباح

madoucha · 2012-10-28, 17:13

شكرا لبنات نورتوني شكراااااااااااااااااا ربي يحفظكم من كل شر

sofiane2075 · 2012-10-28, 17:20

السلام عليكم و رحمة الله و بركاته صح عيدك و كل عام و انت بالف خير الف مبروك و ربي يزين سعدك ان شاء الله
اختي حطيهم في علب فرشيلهم ساشي يكون ابيض او فيلماليمونتاغ و لما تعمري العلب غطيهم اولا تم اغلقي عليهم راح يبقى جديد و ماتدخلو حتى ريحة و هادا عن تجربة لاني في عرس وليدي درتو و كان سخون الخال و تلاجة وحدة برك و الان عندنا 2 الحمد لله و عندي شهر ملي درت عرايش لوحدة عندها عرس و بقى لحد الان طري كيما لي درتو للعيد ربي يوفقك خرجيه و حطيه كل نوع في صخن و غلفيه حوالي 2 او 3ساعات قبل مايجو و ربي يوفقك اسفة على كترة الكلام

madoucha · 2012-10-28, 17:37

اقتباس:

المشاركة الأصلية كتبت بواسطة sofiane2075

السلام عليكم و رحمة الله و بركاته صح عيدك و كل عام و انت بالف خير الف مبروك و ربي يزين سعدك ان شاء الله
اختي حطيهم في علب فرشيلهم ساشي يكون ابيض او فيلماليمونتاغ و لما تعمري العلب غطيهم اولا تم اغلقي عليهم راح يبقى جديد و ماتدخلو حتى ريحة و هادا عن تجربة لاني في عرس وليدي درتو و كان سخون الخال و تلاجة وحدة برك و الان عندنا 2 الحمد لله و عندي شهر ملي درت عرايش لوحدة عندها عرس و بقى لحد الان طري كيما لي درتو للعيد ربي يوفقك خرجيه و حطيه كل نوع في صخن و غلفيه حوالي 2 او 3ساعات قبل مايجو و ربي يوفقك اسفة على كترة الكلام

شكراااااااااااااا مدام و صح عيدكم و ربي يهنيك مع عايلتك شكرا جزيلا على النصيحة و منكم نستفيد ساطبق نصيحتك

sofiane2075 · 2012-10-28, 17:43

العفو بنت بصح الاحسن ماتديريهش في الكونجيلاتور لانه لما تخرجيه لازم تاكلوه في نفس اليوم لانك ماتقدريش ترجعيه راح يفسد