السلام عليكم و رحمة الله تعالى و بركاته.
اليوم جبتلكم طريقتي في تحضير المحلبي ، كاينة لي تقول راه حاجة بسيطة لكن كاين بزاف كي يديروه مايجيش بنين و مانقدروش نكلوه .
نبداو بالمقادير و نظن راهي معروفة عند الجميع : 1لتر حليب + كأس إلا ربع روز مرحي ( استعملي تاع الميزان أحسن) + كأس سكر ( تقدري تنقصي حسب الذوق) + نصف كأس ماء ورد ( الأحسن مقطر)
الطريقة : أولا فيضي الحليب و خليه يبرد تماما باه كي تطيبي المحلبي ما يجيش الوجه تاعو حرش و مكمش
لما يبرد صفيه و زيديلوا السكر و الروز و حطيه على نار هادئة و خلطي بملعقة خشبية حتى يبدا يثقال ضيفيلوا ماء الورد مع التحريك حتى توصلي إلى القوام المطلوب ، فرغيه و زينيه ( طبعا كل واحدة و ذوقها)
ملاحظة : كاينة أخت سألتني على الورد المفطر ، حنا في قسنطينة نقطروا الورد و الزهر في الدار و هي تعتبر من تقاليدنا و حنا رانا نحاولوا نحافظوا عليها و طبعا هناك فرق شاسع بين الطبيعي و الاصطناعي.
سلام
( تقرير عن مشاركة سيئة )، و الموجودة أسفل كل مشاركة .
2014-09-04, 07:33
المحلبي بطريقتي
العرض الشجري