بين الحقيقة و السراب

[soso sirin]

انتشرت في الفترة الاخيرة فكرة هجرة الشباب الجزائري الى الخارج لانها اصبحت في نظره السبيل الوحيد لحل مشاكله و تحقيق احلامه و طموحه.من الجيد ان يطمح شبابنا بالهجرة من اجل الدراسة و التخصص في مجالات ستفيده و تفيد بلاده و تزيده خبرة فهذا شيئ رائع.في موضوعي هذا اريد مناقشة الهجرة الغير شرعية حيث ان الشاب اصبح يرى في الهجرة العصى السحرية التي اذا امتلكها سيغير كل الظروف المحيطة به سيجد وطنا اكثر حرية و اكثر ديمقراطية و اكثر عدالة سيحقق كل ماعجز عن تحقيقه في وطنه.هل فعلا ايها الشاب الجزائري الجزائر تستحق منك كل هذا الجحود هل فعلا لم تعطك اي شيئ.هل فعلا بلاد الغرب هي الملاذ الامن لك و هل فعلا انت متاكد انها ستحقق لك المستقبل المفقود.هل المشكل اننا فقدنا الانتماء للجزائر و اصبحنا نرى سلبياتها و عيوبها و لا نرى اجابياتها. هل الحرقة هي الحل الوحيد لمشاكلك هل حياتك اصبحت رخيصة حتى تهون عليك و تبيعها بارخص الاثمان. هل فعلا بلاد الغرب هي الجنة المفقودة يا شباب الجزائر.هل الحل الوحيد ايها الشاب الجزائري هو بلاد الغرب و الوصول للضفة الاخرى و مهما كان الثمن .هل فعلا ماترسمه في خيالك عن بلاد الغرب ستجده حين تصل هناك و هذا ان وصلت اليكم الخط

[z.abdo]

لي عودة بعدة الصلاة بإذن الله
ــــــــــــــــــــــــــــــــــــ
السلام عليكم ورحمة الله .....للأسف لقد قمت بكتابة رد طويل لكن لم أنجح في إضافته ولا استطيع أن أعيده


لكن أقول بالمختصر المفيد يجب أن نرى إجحاف الدولة أولا في حق شبابها كمثل التعسف والبروقراطية في التوظيف


كذالك الخدمة العسكرية التي هي مضيعة لوقت شبابنا التي لايضيع حق التوظيف من أداها كحالتي


كذالك مناصب الشغل التي يشغل مناصبها من دفع الرشوة أو بالمعريفة اليس هذا إجحاف في حق شبابنا الذي يجب أن

نتكلم عنه أولا قبل أن تكلم قبل أن نتكلم عن إجحاف الشباب في حق الوطن


أنا أعطي كل الحق لمن يريد أن يهاجر هذا البلد سواء بطريقة شرعية أو غير شرعية فليسموها كما شاؤو ا

وانا بالنسبة لي أن الشباب المسكين لم يأخد أدنى حق من المسؤولين الجحودين لهذا الوطن

وهناك نكته تحكي أنه إلتقى شاب من الغرب بشاب من الجزائر وسأل هذا الشاب الجزائري

مــــــــــــــــــا هو حلمك أيا الشاب الجزائري

فأجابه الشاب الجزائري : مسكن وعمل

فرد عليه الشاب من الغرب : لم أقل ماهي حقوقك في وطنك ولكني قلت حلمك مثلا أن تخترع شيئا نادرا

وأنا اقول يا اختي لا يمكن أن نخترع شيء يوما ما دمنا نتتبع سعر البطاطا


وشكرا أختي على موضوعك الهادف والسلام عليكم

[مسلم سني]

السلام عليكم
صراحة أنا ضد الهجرة الغير شرعية
أما من يهاجر لتطبيق ما عجز أن يطبقه هنا من أفكار وأقصد هجرة الأدمغة هنا ربما أعطيه الحق لأن بلاده لم توفر له ما يحتاجه
وبالتالي يهاجر وهو صاحب قدرات ومستوى
أما من ضيع نفسه هنا بهروبه من مقاعد الدراسة وتفضيل الشارع واللهو
ثم يحس بإحباط وملل فيفكر في الهجرة أو الانتحار أو يبقى يلوم غيره على ماوصل إليه ويقبل بأي عمل في بلاد الخارج فأنا أرفض هذا النوع من الهجرة
وربما يقول آخر هناك في الجزائر من أكمل دراسته ومل الانتظار ولم يوظف فله الحق في الهجرة لكن حتى وإن هاجر هذا النوع من الأشخاص هل سيجد الحال أفضل هناك لا أظن إلا إذا استطاع أحد معارفه أن يوفر له عملا محترما هنا الأمر يختلف
المهم هنا يعود الأمر لطريقة تفكير الشخص هناك من يقبل أي عمل دون تفكير وربما نفس
العمل كان قد رفضه في بلاده وهنا النظرة تصبح نظرة مادية
وهناك من لا يسمح لنفسه بأن تهان كرامته فيبقى في بلاده رغم الظروف الصعبة
وهناك من يهاجر وينجح لايمكن أن نحكم على أن الجميع سيعاني في الغربة
لكن الحل بيد الدولة الجزائرية يجب أن تضع حدا لهذا بإيجاد الحلول اللازمة
والله أعلم
احترماتي

[اسلام انس]

ماذا اقول بعد الذي قيل......ولقد قيل كل مل اريد ان اقول في المقولة التي قيلت قبل قليل

والله مــــــــوضوع طويل وعريض الكل يتهافت على بلاد الغرب ولا ادي ماذا سيجنون من ذلك

ولكن الظروف احيانا تفعل بالانسان ما لا يفعله العدو بعدوه

ودائما اوكرر مقولتي التي تقول لاتتكلم وتتباهى انك جاذق في الامــــور حتى توضع في الموقف والظرف نفسه

شكـــــــــــرا اختي ســـــــــوسو مـــــــــوضوع جميل بارك الله فيك

[soso sirin]

المشاركة الأصلية كتبت بواسطة z.abdo

لي عودة بعدة الصلاة بإذن الله
ــــــــــــــــــــــــــــــــــــ
السلام عليكم ورحمة الله .....للأسف لقد قمت بكتابة رد طويل لكن لم أنجح في إضافته ولا استطيع أن أعيده
و عليكم السلام و هذا اكره حاجة عندي كي نكتب رد و نكتبو من قلبي و تجي لاكون و ماتخليهش يفوت مي ماعليش كلما عمت خفت

لكن أقول بالمختصر المفيد يجب أن نرى إجحاف الدولة أولا في حق شبابها كمثل التعسف والبروقراطية في التوظيف
ايه في هاذي صح ليجون تاوعنا راهم يسوفرو على جال الخدمة و من حق اي شاب على الدولة انو توفرلو عمل مي مشكل العمل ماناش غير حنا الي رانا نعانو منو انا راني نشوف حتا هوما تاني راهم يعانو

كذالك الخدمة العسكرية التي هي مضيعة لوقت شبابنا التي لايضيع حق التوظيف من أداها كحالتي
معنتها الخدمة العسكرية ماعندها حتا فايدة في رايك مادامك انت واحد من ليجون تاعنا الي فوتوها

كذالك مناصب الشغل التي يشغل مناصبها من دفع الرشوة أو بالمعريفة اليس هذا إجحاف في حق شبابنا الذي يجب أن

نتكلم عنه أولا قبل أن تكلم قبل أن نتكلم عن إجحاف الشباب في حق الوطن
ايه الرشوة و الفساد بكل انواعه راه داير حالة في بلادنا مي الحل هو انو كامل نهربو و نخلو بلادنا

أنا أعطي كل الحق لمن يريد أن يهاجر هذا البلد سواء بطريقة شرعية أو غير شرعية فليسموها كما شاؤو ا

وانا بالنسبة لي أن الشباب المسكين لم يأخد أدنى حق من المسؤولين الجحودين لهذا الوطن
انا نقدر نقلك انو عندهم الصح الي يروح للخارج بطريقة قانونية مي باه تقولي بطريقة غير شرعية انا هاذي مانقدرش نفهمها خويا ليجون تاوعنا راهم اكثريتهم يموتو قبل مايوصلو هاذي حالة كاين والله الي يروح و مايخبرهمش حتى في الدار و الي مايموتش في البحر يوصل غادي و يحكموه و كاين الي يسوفري تاع الصح و يخسر دراهمو و ممكن يخسر حياتو في جال حاجة ماشي مضمونة.
وهناك نكته تحكي أنه إلتقى شاب من الغرب بشاب من الجزائر وسأل هذا الشاب الجزائري

مــــــــــــــــــا هو حلمك أيا الشاب الجزائري

فأجابه الشاب الجزائري : مسكن وعمل

فرد عليه الشاب من الغرب : لم أقل ماهي حقوقك في وطنك ولكني قلت حلمك مثلا أن تخترع شيئا نادرا

وأنا اقول يا اختي لا يمكن أن نخترع شيء يوما ما دمنا نتتبع سعر البطاطا
انت في بالك سياسة كيما هاذي جات غير هكا باينة عارفين علاه مخليينا نخممو غير في زيادة الاسعار و متاكدة انو تسقسي اي واحد عارف علاه معنتها هذا الشي راه مدروس

وشكرا أختي على موضوعك الهادف والسلام عليكم

والله انا عارفة انو شبابنا راه يعاني و انا كي كتبت الموضوع مانيش نقول انو راهم مقصرين مي الخارج ماراهش جنة و لا راهم فاتحين يديهم يستناو غير في شبابنا وينتا يلحق و لا حالتهم راهي تفرح تاني معنتهى باه جان صغير يرمي روحو للبحر و للمجهول هاذي تاني صعيبة بزاف والله كاين عايلات ماراهمش حتى عارفين ولادهم حيين و لا ميتين .علابانا الوضع راه صعيب علابانا جان يوصل لوحد الاج و ماراه باينلو والو حاجة صعيبة مي هذا تاني اسمو انتحار معنتهى انا خسرت كلشي حتا و نخسر روحي معليش

[soso sirin]

المشاركة الأصلية كتبت بواسطة مسلم سني

السلام عليكم
صراحة أنا ضد الهجرة الغير شرعية
أما من يهاجر لتطبيق ما عجز أن يطبقه هنا من أفكار وأقصد هجرة الأدمغة هنا ربما أعطيه الحق لأن بلاده لم توفر له ما يحتاجه
وبالتالي يهاجر وهو صاحب قدرات ومستوى
أما من ضيع نفسه هنا بهروبه من مقاعد الدراسة وتفضيل الشارع واللهو
ثم يحس بإحباط وملل فيفكر في الهجرة أو الانتحار أو يبقى يلوم غيره على ماوصل إليه ويقبل بأي عمل في بلاد الخارج فأنا أرفض هذا النوع من الهجرة
وربما يقول آخر هناك في الجزائر من أكمل دراسته ومل الانتظار ولم يوظف فله الحق في الهجرة لكن حتى وإن هاجر هذا النوع من الأشخاص هل سيجد الحال أفضل هناك لا أظن إلا إذا استطاع أحد معارفه أن يوفر له عملا محترما هنا الأمر يختلف
المهم هنا يعود الأمر لطريقة تفكير الشخص هناك من يقبل أي عمل دون تفكير وربما نفس
العمل كان قد رفضه في بلاده وهنا النظرة تصبح نظرة مادية
وهناك من لا يسمح لنفسه بأن تهان كرامته فيبقى في بلاده رغم الظروف الصعبة
وهناك من يهاجر وينجح لايمكن أن نحكم على أن الجميع سيعاني في الغربة
لكن الحل بيد الدولة الجزائرية يجب أن تضع حدا لهذا بإيجاد الحلول اللازمة
والله أعلم
احترماتي

والله يا خويا عبد الشافي الي يروح على جال حاجة مضمونة و بطريقة قانونية هذاك عادي لانو الانسان يتبع وين مكان الرزق حتا و لوكان يكون في الخارج.انا الي يغيضوني شباب صغار جاي للدنيا يروح يرمي روحو للبحر و هو متاكد انو ممكن مايوصلش يروح و ماليه ماشي عارفين يروحو على جال حاجة ماشي مضمونة و يقلك يا كلني الحوت و مايكلنيش الدود هو ممكن يوصل و ممكن مايوصلش كاين ناس ماهمش عارفين حتى اذا ولادهم حيين و لا موتا .الغربة ممكن تمد حوايج هذا اذا لقى خدمة مليحة ممكن يولي عندو الدراهم مي راح يخسر حوايج بزاف الغربة صعيبة بزاف على واحد عندو خدمة امالا كيفاش اذا مكانش عندك خدمة و زاد راك في ارضهم و بطريقة غير شرعية.ميزيرية بميزيرية امالا الواحد يحمل ميزيرية بلادو و يخمم في حلول على الاقل في بلادك كاين دار كي تعيا دور في الليل ترجع ليها ماشي نروح لبلاد الناس و نحمل ذلهم و ميزيريتهم و كون غير بفايدة كاين ناس عندهم مدة ملي راحو للخارج ماقدرو يصنعو و راقيهم ماقدرو يرجعو لبلادهم و خسرو كثر من الشي الي كانو رايحين يخسروه و كون قعدو في بلادهم .

[soso sirin]

المشاركة الأصلية كتبت بواسطة بن عمير 22

ماذا اقول بعد الذي قيل......ولقد قيل كل مل اريد ان اقول في المقولة التي قيلت قبل قليل
واش هذا خويا بن عمير راك تشعر ههههههههههههه فعل قال راح يرفع عليك دعوى قضائية
والله مــــــــوضوع طويل وعريض الكل يتهافت على بلاد الغرب ولا ادي ماذا سيجنون من ذلك

ولكن الظروف احيانا تفعل بالانسان ما لا يفعله العدو بعدوه

ودائما اوكرر مقولتي التي تقول لاتتكلم وتتباهى انك جاذق في الامــــور حتى توضع في الموقف والظرف نفسه

شكـــــــــــرا اختي ســـــــــوسو مـــــــــوضوع جميل بارك الله فيك

ايه الحال صعيب و ربي يكون في عونهم لانو ماشي ساهلة باه الواحد يحس انو الوقت راه يمشي عند الناس كامل الا عندو راه حابس مي المشكل هذا ماراهش حلو في الحرقة لانو تم ممكن راح يحرق روحو و يحرق معاه والديه و حنا اصلا راه عندنا ازمة رجال يزيدو هوما يحرقو و يموتو راهي خلات .و زاد كون جات حاجة مضمونة بلاك مي حاجة ماشي مضمونة و الله حرام باه يضيع حياتو و زيد الخارج ماراهمش يرمو في الدراهم لازم تتعب باه تلقاهم و لازم تلقى خدمة الناس تم بوراقيهم و ماشي لاقيين يروح هو بلا وراقي يلقى و اذا لقى رايح ينشمت فيه كثر امالا ميزيرية بلادي و لا ميزيرية الخارج .

[sarl02]

بغض النظر عن الطريقة التي تتم بها الهجرة الى اي مكان ..فانا مع الذي يرسم مشروع هجرة الى اي بلد ان كان فيه صلاح وفائدة له فارض ربي واسعة وترحم لكن ماشي لدرجة الحرقة وتعريض نفسه للهلاك ...يا اختي البلاد الي ما اتعيش فيها بكرامة واش تقعد ادير فيها ...ان كان لك امكانية او خيار الهجرة فهاجر يمكن تصلح احوالك وهذه سنة الله في خلقه ..حتى المسلمين ايام بعثة النبي الكريم صلى الله عليه وسلم هاجرو الى الحبشة هربا من الظلم دون ان ننسى بعدها الهجرة النبي الى المدينة .

[SOUSOU. DZ]

السلام علييكم ورحمة الله اختي انا ماعندي مانقول من غير ربي يهديهك والله يروحو ويخلو والديهم يتقطعو علاش هدا

[soso sirin]

المشاركة الأصلية كتبت بواسطة sarl02

بغض النظر عن الطريقة التي تتم بها الهجرة الى اي مكان ..فانا مع الذي يرسم مشروع هجرة الى اي بلد ان كان فيه صلاح وفائدة له فارض ربي واسعة وترحم لكن ماشي لدرجة الحرقة وتعريض نفسه للهلاك ...يا اختي البلاد الي ما اتعيش فيها بكرامة واش تقعد ادير فيها ...ان كان لك امكانية او خيار الهجرة فهاجر يمكن تصلح احوالك وهذه سنة الله في خلقه ..حتى المسلمين ايام بعثة النبي الكريم صلى الله عليه وسلم هاجرو الى الحبشة هربا من الظلم دون ان ننسى بعدها الهجرة النبي الى المدينة .

ايه باه يروح للخارج بطريقة شرعية و قانونية عندو الصح و عندو الحق لانو الواحد يتبع الرزق وين ماكان كاين مرات ربي يكون كاتبولك في بلاد الناس مي انا الي تغيضني كيفاش راهم يقتلو رواحهم بيديهم والله صعيبة بزاف علابانا الواحد مرات يتقلق و تتبلع في وجهو مي الواحد تاني باه يروح لبلاصة ماشي مضمونة صعيبة كثر على الاقل في بلادو عندو دار كي يكره يرجع ليها تم اذا ربي كتبلو ووصل والله رايح يسوفري و الي تقتل كثر اذا مات و مالقاوهش حتا ماليه دايمن يقعدو معذبين عليه

[soso sirin]

المشاركة الأصلية كتبت بواسطة sousou. Dz

السلام علييكم ورحمة الله اختي انا ماعندي مانقول من غير ربي يهديهك والله يروحو ويخلو والديهم يتقطعو علاش هدا

و عليكم السلام اسماء امين يارب و هذاي الي تقتل و الله كاين الي لحد الان ماعرفوهم ميتين و لا حيين والله والديهم الا يغيضو