اضراب

نور الهدا · 2012-10-16, 11:53

كيف حالكم يا اصدقاء اليوم حنا عندنا دارو اضراب
ديجا اصلا ماراناش نقراو بحجة مكانش الاساتذة و الآن بحجة الإضراب
قولولي هل كامل عندكم اضراب و هل هذا الإضراب سيكون مفتوح

الاستاد زهير · 2012-10-16, 11:56

there in not
دراسة عادية عندنا

نور الهدا · 2012-10-16, 12:00

علاه زهرنا هكدا
عندنا حوالي شهر ولا شهر ونص ما قرينا والو
وزيد زعمة حنا شعبة علوم تجريبية كل يوم استاذ جديد تاع علوم يقرينا ساعة و يروح حتى افكارنا تخلطت كامل

وردة المتفائلة · 2012-10-16, 12:05

دع المقادير تجري في اعنتها .............. ولاتبيتن الا خالي البال
فبين غمضة عين و انتباهتها .............. يغير الله من حال الى حال

لا بأس حبيبتي ندى اصبري وان شاء الله ربي يوفقك

اما الاضراب حنا مكانش

نور الهدا · 2012-10-16, 12:09

المشكل انهم يقولولنا ثانية هي اساس الباك
واش ن اساس خلاوه في شهر كامل ناس قراو عادي وحنا غير نروحو ونجو في الفراغ
والله كرهنا فمابالك لي راهم هذا العام الباك مساكن ضاعو ربي يكون في العون

issac noway · 2012-10-16, 12:09

الاضراب في انحاء الجزائر العاصمة غرب بسبب الاكتظاظ
حنا عندنا اضراب
ان شاء الله يطول هههههههههه

نور الهدا · 2012-10-16, 12:10

صح اخي مام انا من الجزائر العاصمة غرب
والله هردونا كامل بزاف

نور الهدا · 2012-10-16, 12:23

دعا المجلس الولائي لنقابة "الكنابست" جزائر غرب، إلى إضراب لمدة يومين انطلاقا من اليوم والى غاية الأربعاء، يضم 32 ثانوية تابعة لمديرية التربية لغرب العاصمة، بسبب تراكم جملة من المشاكل منها النقص الفادح في التأطير إلى جانب الفوضى والاكتظاظ اللذيان ميزا الدخول المدرسي هذا الموسم.

وحسب دحماني، عضو في المجلس الولائي المستقل لأساتذة التعليم الثانوي والتقني لغرب العاصمة، فان الإضراب جاء كنتيجة حتمية لتراكم مشاكل جعلت من الدخول المدرسي يوصف بالكارثي، نظرا للنقص الفادح المسجل في التأطير شأن ثانوية زرالدة المختلطة، التي سجل بها نقص ما بين 6 إلى 14 أستاذا، في حين تنتظر ثانوية بهية حيدور بعين النعجة، تدعيمها بـ8 أساتذة في الوقت الذي لا يزال مشكل المراقبين مطروحا بثانويات تضم 1600 تلميذ في الوقت الذي يبقى النقص قائما في عدد المراقبين.

مشكل الاكتظاظ هو الآخر مطروح بشدة - يضيف دحماني- الذي طالب بحلول عاجلة قبل تأزم الأوضاع، خاصة وان ثانوية العاشور لم تنطلق بها الدراسة سوى منذ 3 أيام بالرغم من مرور أكثر من شهر ونصف على الدخول المدرسي. وارجع المتحدث الفوضى المسجلة بتلك الثانويات التي يشملها الإضراب إلى سوء التخطيط المعتمد من طرف المديرية، التي لم تأخذ التدابير والإجراءات اللازمة قبل الدخول المدرسي، مهددا بإضراب طويل المدى في حالة استمرار المشاكل المطروحة.