غراتان الكرم سريع ولذيذ من مطبخي

[amirateljazayer]

السلام عليكن حبيباتي
اليوم جبتلكن طبق خفيف بالكرم
اولا حضري الصلصة تاعك بصدر تاع الدجاج وشوية بصل مقطع رقيق مع الفلفل الاسود والملح والقرفة المطحونة
كي يقرب يطيب الصدر
-اغسلي حبة الكرم بالماء والخل وقطعيها طوليا وارميها في هاذيك المرقة تذبال شوية او تطيب نص طياب
-صفي المرق واللي يبقى الفوق حطيه في صحن عميق يعني الكرم والبصل الطايب مع الصدر اللي لازم تفتفتيه
اللي تحب ذوق البصل كيما انا تزيد نص حبة مقطعة رقيق واللي ماتحبوش تقدر تستغنى عليه
-ضيفي 4 بيضات وشوية فؤرماج من اي نوع +مقدار لوش تاع كرام فراش سائلة واللي ماعندهاش تدير شوية مرق ..خلطي مليح وديري فالمول تاع الفور والى الفرن بعد ما تديري فوقو فرماج رابي
انا ماكانش عندي بزاف ..درت واش عندي برك
لكن كل ما كثرتي الفرماج يجي الذ واطيب
اسمحولي ماصوتش كامل المراحل ..صورتها وهي واجدة ..تفضلو

















ان شاء الله يعجبكم الطيق
احلى تحية وسلام مني لكن