احتاجكم عندي مشكلة

[فاطمة_26]

واش راكم لا باس حبيت ناخد رايكم في واحد المشكل كيما علابالكم قاع بقصتي مع عجوزتي ما حبتش تشدلي بنتي قالتلك عياتها انا سجلتها في الروضة بصح راني خايفة زعما مليحة و توالف ولا لا لا للعلم بنتي عندها عام و 4 اشهر من فضلكم الي مر بنفس التجربة يخبرني مستحقتكم
شكرا

[yasmina31]

والله ماعلى بالي يا أختي مي تبانلي راها صغيرة بزاف و علاش ما تخليهاش عند والديك أنا لوكان جيت في مكانك ندير لاميز ربي يسهلك ان شاء الله

[أبو هشام 75]

الحل سهل
توقفي عن العمل، و ربي إبنتك و هني راسك و راس عجوزتك

و السلام

[مريم الصابرة]

السلام عليكم اختي فاطيمة واش احوالك ؟
بنت صغيرة بزاف كيفاه تخليها فالروضة ويخليك قلبك تخدمي نورمال زعمى تتهناي ما ننش وأمك وينها علاه ما تشدهاش وعجوزتك نقولو اكيد ما تشدهالكش لكن الام تفهمك اكثر لأان وعارفة ظروفك ما تقدريش تحبسي الخدمة ربي يكون فالعون هي من جهة الامان والله كاين امان لانو مسؤولين ويتهلاو فيهم لكن من جهة إنت تقدري وبزاف عليها فالبرد والشتا تديها وتجيبيها واشبيك تمرض راهي صغيرة بزاف ولا قدر الله كاش حاجة فالروضة راهي بنتك صغيرة ومحتاجاتك ربي يكون فالعون

[ryma la cool]

ana ndhonn raki daykha ya mra bentkk sigiraaaa madirish lamann fi nesss awdi khmi mlihhhh

[panpouna]

كيما قالو لبنات بنتك صغيرة بزاف و تخافي لاسمح الله ما يعسوهاش مليح و كاش ما يصرالها و تولي ندمانة..شوفي وحدة من العايلة تديري فيها ثقة تشدهالك يالوكان تخلصيها

[فاطمة_26]

ردا على تساؤلاتكم مانقدرش نحبس الخدمة اتخاطر عاتبتاكم بلي راجلي مريض و ماهوش خدام و مانقدرش نديها عند يما لخاطر يما ميتة وعجوزتي كانت تخلص كانت تشدها ب 400الف مالقري نخدم ادماج وانا نصرف على الدار

[كاميلا]

لا حول ولا قوة الا بالله اختي كان الله في عونك الناس راهي في محن وناس اخرى ترد بردود الناس هاديك في غنى عنها اتقو الله المرا راجلها مريض وهي في ظروف يعني هاد العجوزة قلبها اسود والا كيفاش ربي يهديها ويفك ضيقتك ان شاء الله

[سهى فرحتي]

صراحة انا لا اثق الا في امي و امي فقط لا غير

[شمس 15]

رأيي من أي ختي papouna شوفي وحدة تعرفيها ولا لافامي و ربي يفرج عليك إنشاء الله.

[وفاء سعاد]

يااختي شوفي كاشمة جارة اوطفلة قاعدة في الدار تخكمهالك بالسوارد تكون قريبة من البيت انتاعك حطي اعلان في الحانوت او الصيدلية وضعي الهاتف سوف تدهشين من النساء اوالبنات اللي يحوسو علي المسروف ولامالقيتيش مافيها والو الحضانة راهم ناس متخصصين وعمبالهم بخدمتهم انا اللي نعرفهم كامل حاطين ولادهم في الحضانة نفس عمر ابنتك والله يعلموهم القيلولة في الوقت الاكل بنضام وزيد اللعب مع الاولاد الاخرين وزيدي سقسي الي حاطين اولادهم في الحضانة باه تتطمني مليح

[زنجبيل11]

من الاحسن جارتك الي تعرفيها مليح
بنت عمي جارتها تشد لها بدون مال

[soriaalg]

لا حول ولا قوة الا بالله ربي يفرج عليك اختي وييسر امرك ان شاء الله

[حزن بحر]

حبيبتي انا شخصيا مانمنش الروضة وقتنا يخوف
اكيد تكون عندك صحبتك توثقي فيها تخلي بنتك مع بنتها تكون م راة تخاف ربي فيها
او خالاتك
ا جارتك مراة كبيرة
وتحكملك بدون مقابل تكون تعرف وضعيتك
الله يسترها معاك ويفرجها

[ام يوسف 2737]

انا كل اولادي ربيتهم بالدراهم عند النسا لكن قبل ماتختاري المراة لازم تسقسي عليها وتكون ربات من قبل يعني عندها خبرة و من الاحسن ما يكونش عندها اولاد صغار باش ما يؤذوش بنتك و المراة تتلهى غير ببنتك وتكون حنينة والله الموفق ابني الخير عمره الان عام وتسع اشهر راه عند مراة مند كان عنده 7 اشهر لكن هي ما شاء الله انسانة طيبة بزاف اتمنى تلقاي وحدة كيفها اما الروضة مازال الحال عليها