كيكة la chaplure خفيفة ولذيذة من مطبخي

nadiem · 2012-10-13, 08:23

كيكة خفيفة ولذيذة من مطبخي

بالشوكولا مممممم

نحتاجو 3 بيضات نفصل البياض ونطلعو ثلجي مع رشة ملح ثم نضيف بالتدريج نص كوب سكر ثم صفار البيض ثم نص كوب حليب ثم نص كوب زيت
ننحي الخفاقة ونضيف بالتدريج الشابلور
كيس خميرة ونحرك من فوق لتحت باه منكسرش البيض حتى تولي عجينة طرية نحطها تطيب في مول مدهون بزيت حتى تحمار
ملاحظة la chaplureهي خبز عادي نخليه ييبس ثم نرحيه ونسيرو في سيار جد رقيق الجزء لي يطيح مثل الفرينة هو لي خدمت بيه الكيكة اما لي يبقى فالسيار عندو استخدامات اخرى

صوص الشوكولا في طاوة نحط نص كاس حليب+ 2ملاعق زيت +2 ملاعق كاكاو والسكر حسب الرغبة ونحرك على النار حتى تعقد

كي تطيب نقلبها ونحطلها الشكولا اختياري او ممكن معجون تحليه في مازهر على النار وتحطيه عليها
مع تحياتي