السلام علييكم و رحمة الله
جيت هنا باش تعاونني كيفاه نتعامل مع الأم تاعي
الحكاية و ما فيها أمي تحوس تخطبلي بنت خالتي بسييف !
عندها هكذاك عام قبل ما نكمل قريتي قالتلي راني هدرت مع خالتك قولتلها تخليلي بنتها ليك ! :-o
قتلها مزال الحال على الزواج ذرك ما تزيديش تهردلهم على سوجي هذا
أيا نسيت الموضوع مبعد كي كملت لارمي تاعي و بديت نخدم قالتلي اييه وش رايك في بنت خالتك
قتلها نووو ما عجبتنيش قالتلي خلاص ما نزيدش نهدر معهم قالتي اذا شفت نت وحدة قولي عليها قوتلها ايه داكور مبعد اليوم برك زاد عاودتلي هدرتلي على بنت خالتي قالتي راهي فحلة و قارية و ,,,و قوتلها ياك قتلك ما تعجبنيش قاتلي علاه قنلها هكذا ما تعجبنيش قاتلي املا راك حاط عينك على واحدة !
قتلها لا لا بصح ما نديش وحدة ما تعجبنيش مبعد قاتلي كيما تحب مي اتنسيو تحط عينك على واحدة !!
بسكو كاين بزاف راهم يشوفو فيكم !! قتلها نعرف صلاحي منيش صغير
انا في عمري 26 سنة بروبلا م راني عايش واحدي و بعيد على درنا و عايش في ولاية فيها المغريات بزاف لازم نتزوج في أقرب وقت مي هي زعما تخاف عليا يلعبولي بعقلي ! دايرة في راسها لازم اللي نتزوجها تكون حاجة كبيرة و قارية و خدامة في بوست ميليح هذا و ش يهمها ما يهمش وش تكون كي شغل راح دير صفقة تجارية ! , كي سمعت هذيك بنت خالتي ربحت ماجستير و قالولها ذرك تولي تقري في الجامعة قاتلي هذي تليقلك !!!
انا عكس تاعها ما يهمنيش في الطفلة مستوى تاعها و لا تكون عندها بوست مليح و لا دراهم
نحب واحدة سامبل متربية و مدينة هذا ما كان مي هي تقولي كيفاه واحد كيما نت قاري و متربي و عندك و عندك و .. و ناس كامل تشكر فيك تدي واحدة كيما هكذا برك !
المهم ما فهمتش كيفاه نتعامل معاها على موضوع الزواج كنت نقول ذرك نشوف وحدي هنا وين راني ساكن و نقولها عليها مي ليوم كي قالتلي بالك تشوف وحدة وسوستني نخاف تزعف علي و يصرالي لي بروبلام معاها و سارتو دارت فيا مزية كبيرة كي اعطتلي دار اللي راني ساكن فيها ذرك و من جهة أخرى كون نخليها هي اللي تخيرهالي أكيد مش راح تعجبني بسكو مش كيف كيف عقليتنا
ما فهتش كيفاه ندير وليت نقول خلي ما نزيدش نخمم في الزواج هذا ما نزيدش نعيي روحي
وش كتبلي ربي راه يجي و خلاص
( تقرير عن مشاركة سيئة )، و الموجودة أسفل كل مشاركة .
2012-10-13, 15:15
أمي !
العرض الشجري