انا قنوعة ولا اريد المهر

كاميلا · 2012-10-19, 20:08

السلام عليكم ورحمة الله تعالى وبركاته
هي شائعة هاد العقلية وهاد اللئم الذي تجده بكثرة في هذا الزمان كم من حالة مجسدة ف يالواقع حدثت
الا وهي التمسكين يعني يتمسكنوا حتى يتمكنوا
من احدى عباراتها
-خلي نتمسكنوا حتى نتمكنوا قالتها احدى زميلاتي هي من ولاية سكيكدة تدرس معي في الكابا
-الراجل لازم ديما تبينيلوا باللي قنوعة وتقنعيه باللي رايوا هو اللي يمشي باش تمشي الامور وتتزوجي اليس هذا بخداع؟
الكثير من الفتيات ينتهجن هذا النهج لاصطياد العرسان وعفوا على العبارة لانها بالفعل حقيرة ومخزية ولي الشرف ان اكمل حياتي ان قدر لي الله بدون زواج وان لا افعل هذا
الكثير منهن يبداو بالتسهيلات التي يحبس معاها المخ وتحس انك راح تجيب ملاك ليس انسان ميعرفش ريحة النقود لانه اللي متهمهاش المادة اي متهدرش عليها والي تهمها تبداك انا قنوعة انا لست مادية الضيق في القلوب نهز والديك نحب والديك ومبعد نعتلك نيباني تاع الصح
بعد الزواج تبدا الطلبات من ذهب ومصاريف والي كانت تقول العمل حرام ولات تحوس عليه والدير في المشاكل واللي كانت تبوس راس عجوزتها ولات تضارب معاها
يعني حبيت نفهم علاش الخداع من هاد البنات لاذا؟؟؟؟؟؟ راهو حرام الخدع واغلبهن يقمن بهذا لا لشيء لانهن خايفين من العنوسة وتلقاها 20 22 وهي بهاد العقلية قاتلك الراجل غالي وقليل في هاد الزمان علاش راهو سلعة؟ والا محصول سينقرض ؟
انا واش نتنارفا كي وحدة تبدا تقولك منيش مادية وهل المادي سيقول على نفسه مادي ؟
ببساطة هي وسيلة حديثة لاصطياد العرسان لانها مشكلة وحدثت في عايلتنا من اللي كانت المادة لاتهم اصبحت اس المشاكل
لكني بموضوعي هذا لا اقصد المتدينات الخلوقات راهم مازاللوا والدليل من منتدانا خيرة البنات وزينة لعقل والتربية
اريد آراؤكم

mohamed160 · 2012-10-19, 20:13

سلام عليكم بارك الله فيك على الموضوع والله هدا حقها المراءة لزام يكون المهر وانا نعطيهولها بسيف

مريم الصابرة · 2012-10-19, 20:19

السلام عليكم اختي
شوفي انا نزيد على كلامك وحدة هي قلبها سم وكحل وتلقايها عينيها ما تهزهمش من الارض وتبين للراجل باللي عاقلة ونهار يديها تكلاطي في وجه دارهم علاه تنوفيق كيما قلت الصيادة يصيدو فالرجال تقولي راحين يخلاصو انا حكيت مع وحدة مخطوبة فالدار ليسونس شاعل ونهار يجي هو واهلو تقولي هذا الطفلة ملاك قتلها علاه تولي هكذا كي يجي قاتلي خليه يديني ومن بعد تبان العقلية ما نكذبش عليك اختي انا نقولها ونعاودها انا صح قبيحة في واش نرد الهدرة فالوجه اللي عندو معايا حاجة نقولهالو ما نحكي في ظهرو ما ندي ذنوبو واللي نحبها نحبها واللي نكرها نكرها الله غالب يحطوني قبيحة ما نعرفش النفاق
المهر مفروض ثم لازم الوحدة تساعف خطيبها الله غالب الغلى والزواج ما راهش بيع وشرا واللي كاينة يطلبوها والرجال ايضا يشوف قدراتو ربي يهديهم شكرا

الواثق · 2012-10-19, 20:23

تلقاي في وجهها حمير وصفير وكل يوم لبسة وتقلك انا والله ماتهمني الدراهم قد مايهمني الراجل ؟؟؟ ولله لو ينحلها الحمير هذاك نهار واحد تطلب الطلاق

وكاين اهالي تقصدهم يرحبو بيك ويقلك احنا يهمنا الراجل وانت بن الاصل ونرفعو راصنا بيك ومايهمناش المادة والدراهم قد مايهمنا الهنا والسعادة نهار لي تمشي يضربك بصواريخ تاع دراهم تحطها ................

وانا خوكم وحدة تقلك اخطبني بمصحف فقط وتقلك المادة ماتهمنيش ومن بعد تقلك مستحيل نحبس الخدمة ؟؟؟ واش تحوس هاذي الشهرية والمخراج ماهيش قادرة تسمح فيه وتقلك ماتهمنيش المادة ؟؟؟...................حاشا القلة القليلة

وهاذو الحالات راهم هايلييييين مقارنة بمن تخدعك توافق على كل شيء ثم تنقلب رأسا على عقب بعد الزواج

والله المستعان

~~knives55~~ · 2012-10-19, 20:24

ههههههههههه في أخير هي لتخلص ربي يسهل والله وليت نحس حرب أرحم من زواج

~~مـجيد~~ · 2012-10-19, 20:25

الطيبات للطيبون و الخبيثات للخبيثون
مهما دير الخبث يجي نهار لي يكشفها ربي

كاميلا · 2012-10-19, 20:27

اقتباس:

المشاركة الأصلية كتبت بواسطة mohamed160

سلام عليكم بارك الله فيك على الموضوع والله هدا حقها المراءة لزام يكون المهر وانا نعطيهولها بسيف

نستعرف بيك ربي يهنيك ان شاء الله

كاميلا · 2012-10-19, 20:30

اقتباس:

المشاركة الأصلية كتبت بواسطة مريم الصابرة

السلام عليكم اختي
شوفي انا نزيد على كلامك وحدة هي قلبها سم وكحل وتلقايها عيميها ما تهزهمش من الارض وتبين للراجل باللي عاقلة ونهار يديها تكلاطي في وجه دارهم علاه تنوفيق كيما قلت الصيادة يصيدو فالرجال تقولي راحين يخلاصو انا حكيت مع وحدة مخطوبة فالدار ليسونس شاعل ونهار يجي هو واهلو تقولي هذا الطفلة ملاك قتلها علىه تولي هكذا كي يجي قاتلي خليه يديني ومن بعد تبان العقلية ما نكذبش عليك اختي انا نقولها ونعاودها انا صح قبيحة في واش نرد الهدرة فالوجه اللي عندو معايا حاجة نقولهالو ما نحكي في ظهرو ما ندي ذنوبو واللي نحبها نحبها واللي نكرها نكرها الله غالب يحطوني قبيحة ما نعرفش النفاق
المهر مفروض ثح لازم الوحدة تساعف خطيبها الله غالب الغلى والزواج ما راهش بيه وشرا واللي كاينة يطلبوها والرجال ايضا يشوف قدراتو ربي يهديهم شكرا

صح لازم تساعفو وكيما يقولو على حسب مقدوره والبركة في القليل والحلال حتى انا كيفك نهدر في الوجه بصح قللت من هاد الشيء لانه والله لقيت روحي وحدي وزيد هاد الصفة فيا زايدة شوية مع زميلات والاقارب
العفة بارك الله فيكي

شيء من رجاء ! · 2012-10-19, 20:32

بعد الزواج تقلب العقلية؟
إذن على زوجها يقلب معها العقلية ويذبحلها القطة

" باغية تطير يقصلها ريشها "
هو أول موقف صدام بينهما إما أن يقضي عن اي محاولة تمرد منها ويعيش باقي عمره مرتاح ، وإذا قدرت عليه سيقضي عمره يركض ورا طلباتها ولا يصل
صدقيني الصنف النمرود لا ينفع معه غير هذا الحل .

assia81 · 2012-10-19, 20:33

صحيح ما قلتي اختي وهذا ماحصل في عائلتنا
كانت لاتريد شيئا ثم عندما اتت الى البيت انقلبت 180 درجة كان يريدها ماكثة في البيت و مع العائلة صبورة متدينة وفجاة اصبحت والعياذ بالله شيطان سبت امه احتقرت اهله خرجت ببتها لوحدها والان تزن عليه كي تعمل لولا الاولاد الذين ربطت نفسها به لطلقها
والله ان من تفعل هذا لن تسلم من الله وستلقى جزاءها وربي يهدي

كاميلا · 2012-10-19, 20:33

اقتباس:

المشاركة الأصلية كتبت بواسطة الواثق

تلقاي في وجهها حمير وصفير وكل يوم لبسة وتقلك انا والله ماتهمني الدراهم قد مايهمني الراجل ؟؟؟ ولله لو ينحلها الحمير هذاك نهار واحد تطلب الطلاق

وكاين اهالي تقصدهم يرحبو بيك ويقلك احنا يهمنا الراجل وانت بن الاصل ونرفعو راصنا بيك ومايهمناش المادة والدراهم قد مايهمنا الهنا والسعادة نهار لي تمشي يضربك بصواريخ تاع دراهم تحطها ................

وانا خوكم وحدة تقلك اخطبني بمصحف فقط وتقلك المادة ماتهمنيش ومن بعد تقلك مستحيل نحبس الخدمة ؟؟؟ واش تحوس هاذي الشهرية والمخراج ماهيش قادرة تسمح فيه وتقلك ماتهمنيش المادة ؟؟؟...................حاشا القلة القليلة

وهاذو الحالات راهم هايلييييين مقارنة بمن تخدعك توافق على كل شيء ثم تنقلب رأسا على عقب بعد الزواج

والله المستعان

ههههه كاينة وحدة معريفتنا بصح هي ماقالتش ميهمنيش الدراهم تطلقت على جالت قارورة عطر تاع مليون مشرالهاش givenchy عمرها 18
صح الاهالي تاني يزيدوا فيها بزاف تقول يديرو فيها زكارة في بناتهم كيما قلت حاشا البعض
وشكرا