أعذرني أكرهك دون سبب يا...

SOUSOU. DZ · 2012-10-07, 18:59

بسم الله الرحمن الرحيم

كثيرا مانكره أشخاص بدون سبب

تجد أحدنا يقول:أنا أكره هذا الشخص

‏ ‏ لماذا؟ يقول بس هكذا من الله بدون سبب معين

أوحتى موقف حصل له معه

‏ ‏ وتجد أخر يقول أنا أحب هذا الشخص ولماذا تحبه؟

يقول بدون سبب هكذا من عند الله

أكيد هذه الحالة تحصل للجميع نحب أشخاص

ونكره أخرين.بدون أسباب معينة

هل تعرفون سببها؟

هل فكرت لماذا هذه المشاعر تجاه أشخاص لانعرفهم

نعم كل هذه الحالات لا نعرف الأشخاص الذين كرهناهم

أو أحببناهم بمعني أننا لم نحتك حتي فيهم

والسؤال لكم هل مررت بهذه التجربة

كرهت أو أحببت بدون أن تعرف الشخص الأخر؟ ولماد هل عرفت السبب ؟؟؟

تقبلوا مني فائق ودي وارجو التفاعل.... بصراحة هي اساس

soso sirin · 2012-10-07, 19:11

ايه صراتلي كاين ناس كي نشوفهم يدخلو قلبي حتى و مانهدرش معاهم يجوني خفاف و كاين ناس ثقال على قلبي تقول راني رافدتهم فوق راسي و كون يغطسو رواحهم في العسل مانحملهمش و كاين ناس مابغيتهمش مي لما هدرت معاهم بانولي ناس ملاح انا مرة وحدا قاتهالي نيشان قاتلي ماكنتش نحملك كنتي تقلقيني بزاف مي الصح كي عرفتك بغيتك بزاف و ولات صحبتي تاع الصح يقلك انو لما تبغي واحد و لا لما تكرهي واحد و انتي ماتعرفيهش يقلك انو لما نرقدو الارواح تتلاقا مع بعض علا هكا تبغي ناس و تكرهي ناس مي هاذي المعلومة ماشي متاكدة منها نيشان بلي صح انا سمعتها

اسلام انس · 2012-10-07, 19:14

ســــــــــــــي نــــــــــــــــورمال......... كرهت كل الناس .............وفي الاخير حبيت قاع الناس.....ومازلني احبهم

بنت غليزان · 2012-10-07, 19:28

سي نورمال مكانش اللي ماتصراش معاه
كيما كاين شي ناس كي تشوفهم بلا ما تحاكيهم يدخلو في القلب و كاين العكس
لكن هاد الشي ما يغرش لانو ممكن شخص ما يعجبكش يمون أحسن من الشخص اللي عجبك

soha1987 · 2012-10-07, 20:02

شكرا سوسو على الموضوع
الدراسات العلمية تقول كي تحبي انسان اعرفي بلي راكم ماكومش من نفس الطين لي تخلقتو منو لهادا تكون المحبة ولا كرهتي انسان عرفي بلي راكم مخلوقين من نفس الطين
اما انا تصرلي كاينين عباد نحملهم ونحبهم من اول يوم وكاينين عباد مانحملهومش خلاص وانا نفسر على حسابك واش قوتلك لفوق ولا على حساب قاعدة نتاع جدتي لي تقول لكان الانسان دخل قلبك ثمثم وحبيتيه راهو لملائكة نتاعو خفاف ولاكان كرهتيه وماحملتيهش راهو لملائكة نتاعو ثقال ههههه عندكم هادي ولالا؟

مريم الصابرة · 2012-10-07, 20:10

السلام عليكم اختي سوسو
شوفي نبدا باللي نكراهم واللي نحبهم على جال نحبهم نخليهم فالتالي
نكره ناس بلاما نعرفهم وحتى ما دارولي والو من عند ربي مرات خزرتهم تخليني تقول نتيري عليهم مزيا ما جيتش بوليسية وحتى ما نقدرش نكره بلا سبب لكن شعور غامض
بالنسبة اللي نحبهم وراهم بالشكاير بزاف فالمنتدى نحبهم بلاما نعرفهم وحتى ما شفاهمش وماراحا نشوفهم ناس يدخلو للقلب ورجعو اهلي الحقيقين ربي يخليك ترتاح لناس وتكره ناس ممكن لأانهم مخلوقين يكرهوهم الناس والله ما على بالي شكرا

خولة لبابة · 2012-10-07, 20:14

أنا لم أكره احد..........لكن هناك اشخاص دخلوا قلبي و أحببتهم في الله.......و لا اعرفهم.......انتم يا اخوتي الكرام........
اما في الحياة الواقعية............احب الجميع........و كذالك الجميع يحترمني....و الحمد لله........

محمد جديدي التبسي · 2012-10-07, 20:28

يحدث ذلك فعلا وأظنه مزاج فقط "قوسطو" ولو نخالطهم فعلا ونعرف أخلاقهم قد يتبدل الكره إلى شيء جميل
شكرا على الموضوع بارك الله فيك

دمعة جراح · 2012-10-07, 20:32

كاين لي ملايكاتهم خفاف هذونحبوهم بلا سبة
وكاين لي ملايكاتهم ثقال الله غالب نكرهوهم بلا سبة

شيء من رجاء ! · 2012-10-07, 20:36

مساء الخيرات عزيزتي
يذكر ابن حزم الأندلسي في كتابه طوق الحمامة أنه لا تجد اثنين يتحابان إلا وبينهما مشاكلة واتفاق ، وكلما زادت الصفات المتشابهة زادت المجانسة وتأكدت المودة ، والعكس صحيح ، ويوافقه قول رسول الله صلى الله عليه وسلم " الأرواح جنود مجندة ما تعارف منها ائتلف وما تناكر منها اختلف " ، يعني هذه العلاقات تؤثر فيها روح الانسان ، فقد نرتاح لمن لا نعرفهم أو لمن سمعنا عنهم فقط والسبب أن أرواحنا تمازج وتعارفت ، وقد نستثقل أشخاصا نعرفهم مع أنهم لم يؤذونا لكنها أرواحنا لم تلتق ...
الكره لا أظن أني أكره أحد ، لكن يوجد بعض من أستثقلهم ، أما أنتم ( أعضاء المنتدى ) فقد دخلتم قلبي " نشيان " على قولة وسيلة

في الختام كتاب ابن حزم يتحدث عن هذه العواطف والمشاعر وعن الحب ودرجاته وأسبابه والكره وأسبابه ، موجود في النت لمن أراد مطالعته ..
بوركت ..،

BAROUD · 2012-10-07, 21:11

أريد بعض الهدووء

karim vovinam · 2012-10-07, 21:42

السلام عليكم
أختي صراحة أنا و لله كان هناك شخص لم تحتمله نفسي و عندما أحتككة به وجدة أني علا صواب وكذلك أحببة فوجدت نفسي على صوب سبحان الله

marryangelina · 2012-10-07, 21:49

انا عمبالي و منعرف ايلا صحيحة و لا لا يقولو بلي ربي كي يحب فلان يبعث الملاءئكة للارض تقول يا عباد الله ان الله يحب فلان فاحبوه و العكس صحيح على هادي نحبو اشخاص حنا جامي حكينا معاهم

z.abdo · 2012-10-07, 22:16

السلام عليكم

نعم أختي اسماء يحدث هذا دائما خصوصا هنا في المنتدى ...............ههههههههههههههههه............امزح

نعم هذا يحدث كثيرا ومن بين اسبابه ان للإنسان عقل لا واعي لأنه يخزن صور اشخاص في ذاكرتنا

بحيث لو ترى شخص يشبه من في ذاكرتنا نشمأز وبسرعة ...........ونعطيكم مثال بسيط جدا كلنا نعرف صورة

رئيس أمريكا السابق بوش تخيل لو ترى الآن شخص أمامك يشبه بوش و يلبس كوستيم الا تشمأز منه ؟؟؟؟؟؟؟

90 بالمائة يحدث هذا ..

وهناك الفراسة وعلى ما أظن أنها يملكها المتدينين الفطنين الحذقين بحيث يرى شخص . من ملامح وجهه يعرف أنه

سارق أو مخادع أو إنسان صالح يثق فيه والله اعلم أختي

ووأكد إجابتي على سؤالك حتى لا تقولي اني تهربت من السؤال نعم يحدث معي هذا

وشكرا أختي اسماء على موضوعك الهادف وجزاك الله كل خير

SOUSOU. DZ · 2012-10-07, 23:01

اقتباس:

المشاركة الأصلية كتبت بواسطة soso sirin

ايه صراتلي كاين ناس كي نشوفهم يدخلو قلبي حتى و مانهدرش معاهم يجوني خفافو كاين ناس ثقال على قلبي تقول راني رافدتهم فوق راسي و كون يغطسو رواحهم في العسل مانحملهمش و كاين ناس مابغيتهمش مي لما هدرت معاهم بانولي ناس ملاح انا مرة وحدا قاتهالي نيشان قاتلي ماكنتش نحملك كنتي تقلقيني بزاف مي الصح كي عرفتك بغيتك بزاف و ولات صحبتي تاع الصح يقلك انو لما تبغي واحد و لا لما تكرهي واحد و انتي ماتعرفيهش يقلك انو لما نرقدو الارواح تتلاقا مع بعض علا هكا تبغي ناس و تكرهي ناس مي هاذي المعلومة ماشي متاكدة منها نيشان بلي صح انا سمعتها

اقتباس:

ايه صراتلي كاين ناس كي نشوفهم يدخلو قلبي حتى و مانهدرش معاهم يجوني خفاف

باين راكي عليا حشمتيني

هههههههههههههههههههههه والله انتي وحدك تاع الصح

وشكون هادي لي ماكنتش تحبك تاع وشها مهبولة باين راهي مهبولة وشكون لي مايحبش وسيلة يخاه غير لمهبول

اما على معلومة وقيل خاطئة حبيت نحطها في الموضوع مي قلت مايتقبلوهاش

ربي يخليك وعلى رد ديالك