موضوع شيق للنقاش هلموا

ام رحوقة · 2012-10-03, 12:22

السلام عليكم
مارأيكم في الاشخاص الذين يدخلون بالحذاء الى البيت والغرف وحتى يمشي به فوق السجادة
انا امقت هذا التصرف واعاني منه كثيرا فانا اسكن حاليا في بلد يعتبرون ان نزع الحذاء عيب ولا تطياح قيمة
احنا الجزائريين العكس ينزعو الحذاء عند الباب ولا اذا دخلوا بيه مايمشوش فوق الزربية
شاركوني اراءكم

الباديسي · 2012-10-03, 12:25

عليك ان تكوني حريصة وصريحة .كل من تغافل نبهيه ان انزع حذاءك ولا حرج
شكرا لك

sali-sali · 2012-10-03, 12:28

انا نكره هدا التصرف
حطي سجادة سغيرة عند الباب و لا خزانة صغيرة يحطو فيها الحداء و كل مرة ابداي تنبهي فيهم حتى يتعودوا على الطريقة
ولي يزعف فهميه ان هدا مش تطياح قيمة بل من باب اللياقة و الاحترام

الواثق · 2012-10-03, 12:48

لازم ديري حاجز ...............في غرفتي في الجامعة واحد يدخل حذائه نطيشو من النافذة.........وكنت داير حدود باللوح لايدخلها احد بحذائه لاني مرات اصلي عليها......................والحمد لله غرفتي الان في البيت عالية على المدخل يعني لي يدخل لغرفتي يلقى درجتين تقريبا عليه ان يضع حذائه ثم يدخل ..........................................بالنسبة لبعض الاشخاص خاصة في الشناء كل الطين يدخله للبيت ويزيد يعفس على الزربية والله المستعان ...................

في البيت قواعد امي صارمة لما تجد حذاء عند الغرف او في الرواق ترميه بعيدا حتى تولي تحلل فيها وين حطيتي سباطي هههه

ام رحوقة · 2012-10-03, 13:13

اقتباس:

المشاركة الأصلية كتبت بواسطة الواثق

لازم ديري حاجز ...............في غرفتي في الجامعة واحد يدخل حذائه نطيشو من النافذة.........وكنت داير حدود باللوح لايدخلها احد بحذائه لاني مرات اصلي عليها......................والحمد لله غرفتي الان في البيت عالية على المدخل يعني لي يدخل لغرفتي يلقى درجتين تقريبا عليه ان يضع حذائه ثم يدخل ..........................................بالنسبة لبعض الاشخاص خاصة في الشناء كل الطين يدخله للبيت ويزيد يعفس على الزربية والله المستعان ...................

في البيت قواعد امي صارمة لما تجد حذاء عند الغرف او في الرواق ترميه بعيدا حتى تولي تحلل فيها وين حطيتي سباطي هههه

ههههههه اضحكني تصرف امك وتخيلت الاطفال يحللو وين صباطي ههه شكرا على ردودكم اخوتي ننتظر المزيد

بلسم غرام2018 · 2012-10-03, 13:37

NAkRAH TaSaROF HaDa
wMaRa DRtha 5LYTO MaRMaI BaRK
Ma7aTYTOch FY BLASTO
Nal9ah hHHHHHH 7ACHakOM Fy TWaLLET HH DaraTO O5TY W9alTY Bah MATZYDYCHE TayCHYH

SOUSOU. DZ · 2012-10-03, 13:43

اقتباس:

المشاركة الأصلية كتبت بواسطة الواثق

لازم ديري حاجز ...............في غرفتي في الجامعة واحد يدخل حذائه نطيشو من النافذة.........وكنت داير حدود باللوح لايدخلها احد بحذائه لاني مرات اصلي عليها......................والحمد لله غرفتي الان في البيت عالية على المدخل يعني لي يدخل لغرفتي يلقى درجتين تقريبا عليه ان يضع حذائه ثم يدخل ..........................................بالنسبة لبعض الاشخاص خاصة في الشناء كل الطين يدخله للبيت ويزيد يعفس على الزربية والله المستعان ...................

في البيت قواعد امي صارمة لما تجد حذاء عند الغرف او في الرواق ترميه بعيدا حتى تولي تحلل فيها وين حطيتي سباطي هههه

هههههه يخا مسكين اخي الوثق مي نستعرف بيماك وشحال من مرة حللتها على حدائك سؤال يطرح نفسو

اما بانسبة للموضوع والله انا اقترف من هدا التصرف مي صراحة نحشم نقول نحي حدائك اما ندي اختي ديما موراهم خاصة الاطفال

zalamite · 2012-10-03, 13:58

ههههه ....و الله غير يهبلونى على جال ..احيانا نكون مشغول نعجز نحي سباطي نحب ندخل لدار 5 دقايق او نهرب او هما ينوضو يعيطو ....على كل حال عقلية dz الله يكون في عونكم .

ام رحوقة · 2012-10-03, 14:01

والله انا ثان نحشم نقول لواحد نحي صباطك وهوما يعفسو على الزربية وانا تقول راهم يعفسو على قلبي واول مايخرجو نبلع الباب ونبدا حملة تنظيف شااااملة وعييت من غسيل الزربية وماعنديش مكان ولا لاكور وين نغسلها والله كرهت حتى اليوم كتبت ورقة كبيرة فيها فضلا انزع حذاءك عند دخولك الى البيت ويارب يفهمو من الان ورايح

مريم الصابرة · 2012-10-03, 14:28

السلما عليكم
اختي ربي يخليك على الموضوع انا كلن قلبي خارج لما كانو خاوتي لا نظام لا والو من التراب للداخل فوق الزربية ومن بعد وليت انا ويمى برك الحمد لله منظمين والنقا لكن كبرو ولاد ختي كانو صغاؤ نسوفري اكن ضرك الحمد لله امهم مربيتهم مليح ينحو عند الباب وسبيسو جدد كيما الأاتراك هههههههههههه وانا يجوني ضياف بالضحكة نقولهم راكم فإسطنبول ينحو ونعطيهم نتاع الدار نقايا ههههههههه الله غالب هذي العفسة اللي عجبتني فالمسلسلات التركية شكرا موضوع جيد.

ام رحوقة · 2012-10-03, 14:51

انا ثان هاذيك العفسة الوحيدة الي عجبتني في المسلسلات التركية كللللهم ينحيو الصبابط عند الباب المشكلة اولادنا يدو منهم غير طبايع الشر ومايدوش عفسة مليحة كي ذيك

myar.lafidelle · 2012-10-03, 14:53

hhhhhhhhhhhhhhhhhhhhh wallah rana kamel
ana mhablinni ge3 ki khouti ki papa ki dyaf kaaaaaaaaaamel
wallah golt ki netzawaj charti lwa7id 3la rajli yna7i sabbatou men lbab

سعاذ · 2012-10-03, 21:43

السلام عليكم
حنيا في قانون تاع دارنا كي ندخلوا من باب تاع برا لازم نحيو سبابطنا و نلبسوا كلاكات هذي حجا مفروغ منها في الصيف ولا في الشتاء ولازم تاني نحيو لكلاكات قبل ماندخلو لشنابر و هذا المشكل لي نعانيوه مع واحد من خاوتي يقلنا محسوب طرنسبور 2 خطوات نحي لكلاكات بصح يما لقتلوا الحل في دخلا تاع شنبرا تاعوا حطتلوا زربيا صار بسيف عليه ينحي كلاكاتو

لؤلؤة الفردوس · 2012-10-03, 22:16

اقتباس:

المشاركة الأصلية كتبت بواسطة مريم الصابرة

السلما عليكم
اختي ربي يخليك على الموضوع انا كلن قلبي خارج لما كانو خاوتي لا نظام لا والو من التراب للداخل فوق الزربية ومن بعد وليت انا ويمى برك الحمد لله منظمين والنقا لكن كبرو ولاد ختي كانو صغاؤ نسوفري اكن ضرك الحمد لله امهم مربيتهم مليح ينحو عند الباب وسبيسو جدد كيما الأاتراك هههههههههههه وانا يجوني ضياف بالضحكة نقولهم راكم فإسطنبول ينحو ونعطيهم نتاع الدار نقايا ههههههههه الله غالب هذي العفسة اللي عجبتني فالمسلسلات التركية شكرا موضوع جيد.

باينة عليك تتفرجي *على مر الزمان* هههه - مام حنا عندنا في هاذي قاعدة صارمة و خطرات يجيهم حالهم

عميروش الحر · 2012-10-03, 23:29

لوكان نمشي بالحذاء فوق الزربية يما تنحي ورقتي مالدفتر العائلي هههههههههه

انا مين ندخل عند الباب تجيني تقولي تم نحي سباطك.. (مازال ما تخطيتش العتبة تع الباب) ... فما بالك لوكان نروح ونجي فالدار بالسباط هههه

ولكن بعض الاحيان نكون مقلق وبالتالي ندخل نورمال و تخليني الوالدة العزيزة
ولكن ليس فوق الزربية لاني هنا نوصل للموت