الدوبارة بالفول والحمص

[فرح.]

السلام عليكم ورحمة الله تعالى وبركاته
تبارك الله مشاء الله
ان شاء الله كامل تكونو ملاح
علبالي بلي راني طولت عليكم باش نحطلكم الطريقة مي كيما يقولو من وعد وفا ومن وفا دخل الجنة
حتنا وعدتكم نحطلكم الطريقة هدا وين كتبي ربي الحمد لله اني ماخلفتش بوعدي
ان شاء الله تعجبكم طريقتي وتجربوها

الطريقة
نشمخ الفول والحمص ليلة من قبل الفول نشمخوه وحدوالحمص نشمخوه وحدو
وهديك الصباح نفرغو هداك الماء الي بات فيه الفول والحمص ونبدلو ماء جديد برك الفول طيبيه وحدو والحمص وحدو
وندوزنزهم بهاد الطريقة

نكرفج زوج سناة توم مع نص مغرفة كبيرة راس الحانوة وملح وزوج مغارف زيت نفس الطريقة للحمص ايضا
كيما في الصورة هنا راني دوزنت الفول باسكو انا الحمص كان واجد عندي طايب من قبل


ونغلق الكوكوط ونخليهم يطيبو مليح الي عندها زوج كوكوط واحدة طحت فيها الفول يطيب وواحدة تحط فيها الحمص يطيب والي عندها واحدة برك طيب الحمص من قبل

وهنا نجيب زوج حبات طوماطيش وزوج حباة فلفل حار وحبة بصلة ونقطعهم كيما في الصورة


ونزيد عليهم طماطم ملعقة كبيرة طماطم مصبرة ونزيد ملعقة كبيرة هريسة وزوج مغارف زيت وملح ونص ملعقة كبيرة راس الحانوت وكمية من الماء اي كاس كبير نتاع الماء ونحطو فوق نار قليلة وع التحريك حتى يطيب مليح ولكان نقصلك منو الماء معليش زيديلو الماء باسكو هدي هي لاصوص الي نحط فيها الفول والحمص
هنا كيما في الصورة

وكي طيب ارحيها وكيما قتلك لازم يكون فيها الماء ملازمش تنشفلك
وتتحصلي عيها كيما راه مبين في هاد الصورة



وبعد مايكون الفول نتاعك والحمص طابو فرغيهم في هديك المرقة الي تحصلتي عليها كيما درت هنا




وحضري نص بصلة مع حبة فلفل قطعيهم رقاق ولا رحيهم في الميكسور وفرغيهم فيه والي مايحبش البصلة يستغنى عليها معليش

وقطعي عليها معدنوس هكدا وراهي واجدة وبصحتكم




وقدميها بهاد الطريقة مع زيت الزيتون



هنا زوووم








هنا زوووووووووووووم




ان شاء الله نكون توفقت في الشرح وفهمتو عليا
وتعجبكم طريقتي وتجربوها
الي تعجبها الطريقة تدعيلي ربي يسرلي اموري