والديا و العنصرية

[مشكلتي]

الاب و الام ديالي يميزو خويا الكبير عليا بزااااااف خلاص و هذا الامر يقلقني و خلاني نكره من هذي العايلة
المهم نحن الولدان الوحيدان لديهما انا 20 سنة و هو 30 سنة يعني بيناتنا 10 سنين
الوالدة تموت على خويا الكبير و تحب الزوجة و الطفلة ديالو اكثر مني و الوالد موفر كل امكانياتو لخويا الكبير
و انا ماهوش مديها فيا خلاص تقول مانيش ولدو,,,,,
تخايلو فتحلو محل ديال piece auto volkswagen و شاريلو 2 سيارات و كاتب عليه بالتقريب كل املاكو
و الشيء ألي يغيضني انو خويا ماهوش ديال صلاح خلاص يعني يحب السكرة و السهرة و كيما نقولوا حنا فاسد بكل معنى الكلمة ,mais هو العزيز و المدلل و ما يحبوش يسمعوا عليه اي كلمة ناقصة
و انا الحمد لله نصلي و متربي و سمعتي مليحة قدام كل الناس و زيد عليها نحب نقرى عكس خويا الي حبس القراية في السنة تاسعة اعدادي
والله كرهت من هذي العنصرية و من هذي الحقرة الي راني عايش فيها ماما و بابا حارميني من حوايج بزاااااف
حتى بابا كي طلبت منو يجيبلي سيارة بهدلني و قلي روح في الكار كيفك كيف الناس
انا حقيقة ماهوش هامني لا سيارة و لا هم يحزنون انا غايضتني وش انا وش هو
و زيد عليها كاين امر حبيت نذكرو malgre امر تافه و بلاك كي نذكرو تقولو عليا وش بيه هذا يهتم بالجمال كي النساء mais حاب نذكرو باه نوضح الحقرة ديال والديا
المهم ديما يشكرو و يفخرو بالوسامة ديال خويا سواءا قدام الناس سواءا قدامو هو بعد و انا ديما يشبهو فيا بفلان و فلان
مع انني والله العظيم اوسم منو بألف مرة و الناس ديما تقلي انت بوقوس الله يبارك لكن والديا ربي يسامحهم نحس بلي ماوش عاجبهم كيفاه انا بوقوس على خويا , حتى انه في وحد النهار جات عدنا عمتي و شكرت جمال بنت خويا و قتلها الوالدة راهي خرجت لباباها mais عمتي قتلها لالا خرجت لعمها و زادت قتلها بلي انا اوسم من خويا الكبير مي الوالدة ماعجبهاش الحال و بقات تريكلامي و تقلها بلي خويا اوسم مني
والله انا ماوش هامني لا راني وسيم لا باشع المهم يكون قلبي مليح و الجمال جمال الروج و الراجل ما لازمش يهتم بالوسامة لان الجمال خلق للمراة علابيها ان شاء الله ماتفهمونيش بالنقص puisque حبيت نمد هذا المثال كاتفه الاسباب باه نبين العنصرية ديال الوالدين
والله راني كاره و ما لقيت وش ندير علابيها نتمنى منكم تنصحوني
شكرا مسبقا