كنت مع عمل المرأة..واليوم انا ضده !

[imane1]

لم يكن لي رأي محدد سابقا فيما يتعلق بعمل المرأة

ولكنني كنت الى حد ما لا أعارض عليه , وكنت أرحب به لاسيما ان كانت المرأة - فحلة - وشاطرة

لكنني الآن وبعد أن تقدمت في العمر قليلا أخرى وتزوجت وصار لي بيتي الخاص , ورأيت حولي

من النساء العاملات , ورأيت أوضاعهن وعرفت طريقة تفكيرهن ودرست الظروفة المحيطة بهن

أصبحت ضد عمل المرأة , وأقولها ولو متأخرة , وأنا موقنة بها ايقانا لا ريب بعده ..



سابقا تناقشت مع أخي الأكبر وأنا عزباء حول عمل المرأة , فكان ضده وكان يدافع عن رأيه بشراسة

ويضرب بكلتا يديه فوق الطاولة ويقول " انا عندي الراجل اللي يحوس على مرتو تخدم : طــمّـاع



لم يستطع إقناعي ولم أستطع تغيير معتقده , واعتبرته منغلقا ككثير من الرجال

تزوجت رجلا كان من اختيار أخي ، رجلاً لا يحبذ عمل المرأة ..ولكن لم يكن يعارضه بإطلاق ..



وكان لزوجي أقارب متزوجون بنساء عاملات , اقتربت منهن ورأيت واقع حياتهن فصرت ألعن عمل المرأة



والان اسمحوا لي بالانتقال الى اللغة الدارجة بيننا ..حتى يعم الفهم ..


التي سأحكي عنها من اقاربنا ..


تنوض هذه المرأة العاملة , اللي راجلها لاباس بيه مادياً ، وعندها بيت خاص بها أمنه لها زوجها!!

وعندها سيارة خاصة بيها شراهالها راجلها !!

وعندها زوج اطفال وهي حامل بالثالث ..!!


تنوض بالاك تستقهوى بالاك لالا , تخلي دارها مكركبة فالوقت لا يتسع ..ترفد ولادها ,

الطفلة الصغيرة تدي ترميها في الحضانه

والطفل الكبير تديه يقرا في مدرسة خاصة !

وتروح هي تخدم وسط الرجال -عادي - كي يلحق وقت الفطور تركب صحاباتها

يروحو لكاش مطعم ياكلو بيتزا وممبعد يرجعو يخدمو حتى للعشية

بالاك كي تدخل للدار تلقى راجلها سبقها , قاعد وسط الكركبة هاديك لحاله كما لو أنه لم يتزوج ولم ينجب يوماً

حاله حال أعزب مسكين وربما أشد ..


وزوجته لا تجيد شيئا من اشغال البيت , ولا تطبخ شيئا , بحكم انها لا تعرف , وليس لديها ادنى رغبة في التعلم

لانها تعمل ولا وقت لديها تضيعه في الطبخ وشغل البيت

تحضر خادمة , الخادمة هادي تفتح خزانتها , تطبقلها حوايجها , ترتبهم , تغسللها حوايج راجلها

اطيبلها الماكلة لراجلها ولولادها .. يعني دوك هاذي الزوجة واش ما الفائدة عندها في الدار ؟


لاشيء .. الوظيفة الحيوية الوحيدة اللي مازالها تقوم بيها هي الولادة

تولد ايه ..بصح ما تربيش ..لاكراش هي اللي تربي




هذا نموذج عن امرأة ليست بحاجة الى العمل وتعمل ..وكاين منهم بزااااااااف

وكي تسقسيها تقولك مستحيل نحبس الخدمة في يوم من الايام , ما نقدرش والفت

واش والفت ؟ والفت التفنيين والخرجة كل يوم ..

اما التعب والشقا ماكاش اللي يوالفو ويولي يستراح بيه


انا راجلي يقولي لوكان ماجيتش مضطر باش نخرج لبرا ونخدم ونعيى ما نخرجش ونقعد في الدار؟ شكون مايحبش الراحة ..




ومعليش ننتقلو لمتال اخر لامرة بحاجة الى العمل وتعمل !!


أستاذة بالثانوية ’ ملي تنوض الصباح وهي تجري , ومصير ولادها كيما مصير ولاد اي امراة عامله

اللي في الحضانة في الحضانة واللي يقرا يقرا واللي عطاتو لكاش مرا عطاتو ..

المهم المراة هادي كي تقربت منها وشفت الداخلية تع دارها لقيتها فعلا بحاجة الى العمل !

حتى هي تقول هكذا !!

علاه ؟ علاخاطر راجلها قيسو قيس روحو ..ودوكا والف تعاونو وتكل عليها وعلى شهريتها


انا هدرت معاها قلتلها يا فلانه عندك كذا سنة وانتي تخدمي ياترى واش درتي في حياتك

قاتلي تصدقي

كي نشوف مورايا نلقى روحي ما بنيت والو

دراهمي قع انفقتهم على داري ,

انا نخلص الكرا تع الدار

انا ندي الولاد للطبيب

انا نكسيهم في المواسم والاعياد

انا نعاون راجلي في مصروف البيت


اديت من خدمتي التعب والشقا والمرض .. هذا مكان



هنا تقومو نتوما تقولو مسكينه وفحلة , راجلها شهريتو قليلة وهي راها تعاون فيه لازم

المراة هادي كي بدات تخدم هي حبت تخدم , لانها قرات لازم تخدم , ومايجوز تقعد في الدار يضحكو عليها الناس


ايا بدات تخدم .. كي تدخل شهريتها تحب تنفق على الدار باش تبين لراجلها بلي راهي ادخل مقابل !!ماراهيش تخرج تتزندق وترجع للدار

ماراهيش مضيعة ولادها باطل ! راهي اجيبلهم الماكلة والدوا ..

مع الوقت راجلها يوالف المساعدة تاعها , اذا ما لقاش خدمة يتكل , راهي هي خدامة وتوكلنا

تبقى غير هي تفورني على الدار حتان يجي نهار تعيى .. وتولي تشكي وتقول لوكان غير ما خدمتش وخليتو

مالاول يدبر راسو بدارو و ولادو



هي / كغيرها ..تقول راجلي ما يلحقش لازم نعاونو ..

بصح ماتعرفش بلي بهاد الطريقة راهي تنحيلو في المسؤولية شيئا فشيئا

واذا نحات المراة للراجل المسؤولية فعليه السلام , وعلى علاقتهم الزوجية الف سلام وسلام ..!!


يعني من وقتاش كانت المراة هي اللي توكل ولادها علاخاطر راجلها مفتول العضلات نهار يخدم نهار لالا ؟؟

من وقتاش تلزّم على المراة تنفق على راجلها ودارها ؟؟؟


من النهار اللي قررت فيه المراة الخروج للعمل ..



الشيء اللي خلاني نكتب الموضوع هذا هو انه اصبح لدى مجتمعنا تفاخر بالمرأة العاملة

ولات المراة اللي قاعدة في الدار تغير من المرأة العاملة !!

تقول يا سعدها تخرج لبرا وتخدم ودراهمها في يدها



وماراهيش عارفة بلي هاد المخلوقة الضعيفة راهي مجبرة على العمل ماشي بسبب الظروف فحسب

بل بسبب تحولها الى الأب والرجل المسؤول في العائلة ..بعد انسحاب زوجها من الميدان !

ماراهيش تعرف بلي راهي تخلص مقابل خروجها اضعافا مضاعفه , وماراهيش عارفه

بلي ولادها كل يوم معاها ومتوحشتهم , وعايشين معاها وماتعرفهمش ..

وماراهيش عارفه بلي راهي محرومة من الراحة , محرومة من الأكل المنزلي من المسمن مالفطير مالحلوى

مالطياب لعزيز ماللمة العائلية من متعة استقبال الزوج وهو داخل من عمله بعد يوم شاق ومتعب

من احضان اولادها وقبلاتهم وهم يعودون للمنزل بعد يوم دراسي حافل بالنشاط

محرومة من اول خطوة يخطوها صغيرها ومن اول كلمة يلفظها صغيرها ومن كل حركة غريبة بريئة تصدر عنه



والشي اللي اثار استغرابي اكتر هو امراة عاملة اخرى.. متذاكية جدا

هادي زعما فايقة وشاطرة وحبت تخدم بصح ما تخليش راجلها يستغلها

امالا واش ادير ؟ نهار تشري فريجيدار تخرج الbon على اسمها\

نهار اجيب تلفزيون كيفكيف

قاتلك غدوه من غدوه كاش مايكون بيناتنا مايخرجنيش صفر اليدين


يعني ..

بالعربية ..

عايشه معاااااه تحت سقف واحدة وخايفة منو وماشي واثقة فيه ؟!!

أين قدسية الزواج في رابطة مثل هذه ؟ ما اقبحه من زواج وما أقبحه من عمل ..



لي عمة درست وعملت ثم اختارت البيت أول ما أنجبنت ولا تزال في البيت ..

تطالع الكتب تبحث في النت ، تجدها مثقفة اذا حدثتها

أنجبت ثلاثة اطفال رائعين جدا , ربتهم أحسن تربية ..


قلت لها مؤخرا " كم مرة ندمت على بقائك في البيت ؟ "

قالت : ولا مرة ..

قلتلها : معقول ولا مرة ..عمرك ما غرتي من سلفتك الخدامة


قاتلي أبداً ، سلفتي راجلها راه يبيعلها في كرامتها مقابل شهريتها اللي راهو المستفيد الاول منها !

لانه يسمح لها بالخروج والعمل في وسط رجالي خال من النساء تماما , ويغض البصر عن كركبة بيته

وعن الغداء الذي لم تحضره يوما وعن ملابسه التي كثيرا ما لا يجدها مغسولة مطوية محددة ..


ثم واصلت ..

لماذا اغار منها ؟ انا مثقفة كيفها وبالاك خير .. وعايشها خيرمنها بكذا مرة

انوض الصباح في غرضي ، نطيب قهوتي على كيفي

انوض ولادي وراجلي نستقهواو مع بعض في لمة واجواء رائعة

نمشط شعر بناتي كل يوم تسريحة مختلفة , نلبسهم , ونبعثهم يقراو

نرجع نتكى حتى لل9 ..انوض كالملكة تماماً وأبدأ بترتيب مملكتي ..

ممبعد نبدا نتفنن في تحضير فطور ولادي وراجلي , يلحق الوقت يجو يتغداو

نتغدى معاهم نغسل ماعني ونرجع نتكى , ولا نخرج , ولا نتفرج برامجي المفضلة

حتى يجو لعشيا .. يلقاوني شبعت راحة , نقعد معاهم نقريهم



نهار اللي نقول لراجلي خرجني يخرجني , نهار نحب نحوس نحوس ..

كي نحوس على مصروف يعطيني



فـــمما أغــــار وأنا محســـودة ... وعلامــ أندم ؟؟



طبعا اسمع الكثير منكم يقول " كاين رجال فحولا , نساهم يخدمو بصح ما يطمعوش في شهريتهم

نقوللكم اللي كافي روحو ما يطمعش ..النموذج الاول اللي ذكرتو في الموضوع مكانش فيه حاجة واسمها استغلال

ولا طمع .. بصح كي نجيبو موضوع المرأة العاملة نجيبو دايما مسألة " ضياع الأولاد " و " تقصير في حق الزوج "شئنا أم أبينا




والخلاصة باش نختم الموضوع من كل الجوانب ونسد الثغر : \

اقول بامكاني غض النظر فقط عن المرأة التي تخرج للعمل بسبب اعاقة زوجها , شريطة ان تحفظ كرامتها وكرامة زوجها

بعمل محترم كالتعليم والتطبيب





ويظل الشيء الذي لا يختلف عليه اثنان عاقلان انه " اسمى مكان للمرأة هو البيت "


ماشي STATION DE BUS ماشي الادارات المختلطة ماشي الطرقان ..




والسلام عليكم ورحمة الله وبركاته

[السي محمد]

الله يجيب الخير

=========================

زوجة اخي عاملة

ربي رزقها توام في اول حمل

ولد و بنت

البنت اعطاتها امها ( يعني الجدة)

الابن احضرت له مُربية من العائلة

و هي تخدم

و تسمي روحها ,,, اُم ؟؟؟؟؟

بسببها كرهت العاملات لو تغطس روحها في العسل الحر

[imane1]

لا اله الا الله


معلش أخي الفاضل سؤال واحد فقط /




هل تجدها فعلا بحاجة للعمل ؟ هل أخوك يجتهد كثيرا ولا يحصل كفاف يومه حتى تعينه ؟


أثرنا أخي الفاضل ..

[فخورة بحجابي]

كلامك رائع وفيه الكثير من الصح بل كله بارك الله فيك انا عاملة لست متزوجة حتى كلما اعود للبيت مرهقة اشتاق للراحة للفسحة لقراءة كتاب او مشاهدة حصة مفيدة فكل ما اناله التعب والارهاق دون فائدة .ساتوقف عن العمل بعد اشهر ان شاء الله .

[شيء من رجاء !]

المرأة " تطير تطير تطير " ما عندها غير دارها .
لفت نظري عبارة أنها لا تتقن أعمال البيت ، أليس تعلم أعمال البيت والطبخ يكون في بيت الأهل ؟ الذي أعرفه أن البنت في سنة 18 سنة ، عليها إتقان كل الاعمال المنزلية ، سواء كانت تدرس أو ماكثة في البيت ، والسؤال الأهم كيف يوافق الآباء على تزويج بناتهن وهن هكذا هذا غش .

المهم رأيت المتزوجات العاملات ، الأولاد والزوج مشردين ، حياة مفككة ، ومستقبل مجهول

[tinza]

شهد شاهد من أهلها
اللهم أحفظ أخواتنا و أمهاتنا و بناتنا
اللهم آمين

[MERIEM SETIF-2-]

]السلام عليكم و رحمة الله تعالى و بركاته
والله أختي الفاضلة كلامك كله صح و أنا شخصيا لي نفس الرأي مع أني الآن انا عاملة لكن إذا جاء النصيب رايحة نتوقف ،لاني بعد ما كملت قرايتي قعدت في الدار لمدة 3 سنوات و بعدها خرجت نعمل و الآن عندي حوالي عام ونصف خدمة و قدرت نعرف الفرق بين قعاد الدار و الخروج كل يوم بسبب العمل ، صدقيني شفت النساء العاملات كيف راهي تعاني مع أني ما عنديش مسؤولية المرأة المتزوجة لكن لا صلاة تصليها في وقتها لا راحة تتمتعي بيها لا نوم تشبعيه .عييت وتعبت وكل يوم ندعي في ربي يرزقني زوج صالح ونتهنى .لكن المشكل نساء مجتمعنا لا يردن تقبل هذه الحقيقة بنات يخدمو معايا و كلهم عازبات لما نتحدثوا في هذا الموضوع ونمد رأيي يلوموني و يقولولي : نهار تتزوجي و تشتاقي الدورو راكي تندمي على هاد الهدرة ، مانيش عارفة المكتوب واش راح يمدلي لكن نتمنى نكون كيما عمتك لي حكيتي عليها آمين يا رب العالمين .

[السي محمد]

المشاركة الأصلية كتبت بواسطة imane1

لا اله الا الله


معلش أخي الفاضل سؤال واحد فقط /




هل تجدها فعلا بحاجة للعمل ؟ هل أخوك يجتهد كثيرا ولا يحصل كفاف يومه حتى تعينه ؟


أثرنا أخي الفاضل ..

ليست بحاجة للعمل

مرتبه جيد = 3 مرات اجرة عقود ما قبل التشغيل

يسكن في سكن وظيفي يعني لا يدفع اي شيء للغاز و الكهرباء و الكراء

[AMOLAS45]

اختى انا معك فى كل ما ذكرت و لكن حسبك انت يعنى ربى رزقك بزوج صالح بمعنى الكلمة ليس شخص لا يحمل لمعنى الرجولة لشئء وان ان كنت مكانك سابقى فى بيتى معززة و مكرمة و لكن لو ان هذا الزوج طلقك او توفى لقدر الله و ترك لك اولاد ماذا ستفعلين يا ترى هل تمدى يدك و تطلبين الناس حاجتك او ماذا اعطيك مثال بسيط عندى بنت خالتى تزوجت العام الماضى فقط و طلقت فى شهرين و معها طفلة صغير و هى لا تعمل ابتليت بوحش ليس انسان قولى لى ما تراها تفعل وهى لا تملك اى مصدر رزق هذه نظرة اخى اختى للحياة يعنى مش لازم كامل الناس تلقى واش تتمناه و شكرا لك على الطرح

[windows0306]

الحمد الله انا ماكثة بالبيت وزوجي ضد المراة العاملة
ربي يبقي عليا الستر
الحمد الله راني في نعمة

[زنجبيل11]

المراة المتزوجة بيتها اولى بها لانها مربية اجيال بالدرجة الاولى و ليس النظافة
هناك ماكثات بالبيت بتهم نظيف جدا كل حاجة مكانها ماكلة و ملابس نظيفة دوما لكن لا تعطي اولوية للتربية
يعني تعليم الاخلاق و الجهاد في بيتها ضركالوقت راه صعيب مش من اجل العيش و الغلاء لا
من اجل الاخلاق الي راحت
من اجل الصحبة غير الصالحة
النت البورتابل التلفزيون كل شيء
في البيت تقدري تراقبي اولادك كي يكونو امام عينك و تعرفي تغيراتهم
و بالتربية الدينية تجعلينهم يفكرون انهم امام اعين الله
لانسان ليس ماكل و مشرب و تنظيف و مال
ايتها الام ابني نساء و رجال
كيما قال ابن باديس رحمهاالله
التي تلد لنا رجل يطير خير من التي تطير هي بنفسها
المال ليس مهم كالانسان و راحة البال و البركة في القليل
المهم العشرة تكون مليحة

[اسهاء]

هذا كله من جهة نظرك انت فقط
فانت التى ترين الاشياء على حسب تقييمك انت و تحللينها كما تريدين
الدراسة الصيحيحة تكون مبنية على احصائيات لا على رؤية وجهة نظر شخص واحد

[nibrasse76]

ما شاء الله عليكم ...اليوم كلشي مليح ...وهايل غاية ...نحن سنأخذ راحة ...ولا يسعنا الا التصفيق ..برافوا ...لهذا الكلام الذي يثلج الصدر ...ربي يرزق كل مؤمن ومؤمنة ويسعدنا جميعا ...

[mooon]

المشاركة الأصلية كتبت بواسطة imane1

لم يكن لي رأي محدد سابقا فيما يتعلق بعمل المرأة

ولكنني كنت الى حد ما لا أعارض عليه , وكنت أرحب به لاسيما ان كانت المرأة - فحلة - وشاطرة

لكنني الآن وبعد أن تقدمت في العمر قليلا أخرى وتزوجت وصار لي بيتي الخاص , ورأيت حولي

من النساء العاملات , ورأيت أوضاعهن وعرفت طريقة تفكيرهن ودرست الظروفة المحيطة بهن

أصبحت ضد عمل المرأة , وأقولها ولو متأخرة , وأنا موقنة بها ايقانا لا ريب بعده ..



سابقا تناقشت مع أخي الأكبر وأنا عزباء حول عمل المرأة , فكان ضده وكان يدافع عن رأيه بشراسة

ويضرب بكلتا يديه فوق الطاولة ويقول " انا عندي الراجل اللي يحوس على مرتو تخدم : طــمّـاع



لم يستطع إقناعي ولم أستطع تغيير معتقده , واعتبرته منغلقا ككثير من الرجال

تزوجت رجلا كان من اختيار أخي ، رجلاً لا يحبذ عمل المرأة ..ولكن لم يكن يعارضه بإطلاق ..



وكان لزوجي أقارب متزوجون بنساء عاملات , اقتربت منهن ورأيت واقع حياتهن فصرت ألعن عمل المرأة



والان اسمحوا لي بالانتقال الى اللغة الدارجة بيننا ..حتى يعم الفهم ..


التي سأحكي عنها من اقاربنا ..


تنوض هذه المرأة العاملة , اللي راجلها لاباس بيه مادياً ، وعندها بيت خاص بها أمنه لها زوجها!!

وعندها سيارة خاصة بيها شراهالها راجلها !!

وعندها زوج اطفال وهي حامل بالثالث ..!!


تنوض بالاك تستقهوى بالاك لالا , تخلي دارها مكركبة فالوقت لا يتسع ..ترفد ولادها ,

الطفلة الصغيرة تدي ترميها في الحضانه

والطفل الكبير تديه يقرا في مدرسة خاصة !

وتروح هي تخدم وسط الرجال -عادي - كي يلحق وقت الفطور تركب صحاباتها

يروحو لكاش مطعم ياكلو بيتزا وممبعد يرجعو يخدمو حتى للعشية

بالاك كي تدخل للدار تلقى راجلها سبقها , قاعد وسط الكركبة هاديك لحاله كما لو أنه لم يتزوج ولم ينجب يوماً

حاله حال أعزب مسكين وربما أشد ..


وزوجته لا تجيد شيئا من اشغال البيت , ولا تطبخ شيئا , بحكم انها لا تعرف , وليس لديها ادنى رغبة في التعلم

لانها تعمل ولا وقت لديها تضيعه في الطبخ وشغل البيت

تحضر خادمة , الخادمة هادي تفتح خزانتها , تطبقلها حوايجها , ترتبهم , تغسللها حوايج راجلها

اطيبلها الماكلة لراجلها ولولادها .. يعني دوك هاذي الزوجة واش ما الفائدة عندها في الدار ؟


لاشيء .. الوظيفة الحيوية الوحيدة اللي مازالها تقوم بيها هي الولادة

تولد ايه ..بصح ما تربيش ..لاكراش هي اللي تربي




هذا نموذج عن امرأة ليست بحاجة الى العمل وتعمل ..وكاين منهم بزااااااااف

وكي تسقسيها تقولك مستحيل نحبس الخدمة في يوم من الايام , ما نقدرش والفت

واش والفت ؟ والفت التفنيين والخرجة كل يوم ..

اما التعب والشقا ماكاش اللي يوالفو ويولي يستراح بيه


انا راجلي يقولي لوكان ماجيتش مضطر باش نخرج لبرا ونخدم ونعيى ما نخرجش ونقعد في الدار؟ شكون مايحبش الراحة ..




ومعليش ننتقلو لمتال اخر لامرة بحاجة الى العمل وتعمل !!


أستاذة بالثانوية ’ ملي تنوض الصباح وهي تجري , ومصير ولادها كيما مصير ولاد اي امراة عامله

اللي في الحضانة في الحضانة واللي يقرا يقرا واللي عطاتو لكاش مرا عطاتو ..

المهم المراة هادي كي تقربت منها وشفت الداخلية تع دارها لقيتها فعلا بحاجة الى العمل !

حتى هي تقول هكذا !!

علاه ؟ علاخاطر راجلها قيسو قيس روحو ..ودوكا والف تعاونو وتكل عليها وعلى شهريتها


انا هدرت معاها قلتلها يا فلانه عندك كذا سنة وانتي تخدمي ياترى واش درتي في حياتك

قاتلي تصدقي

كي نشوف مورايا نلقى روحي ما بنيت والو

دراهمي قع انفقتهم على داري ,

انا نخلص الكرا تع الدار

انا ندي الولاد للطبيب

انا نكسيهم في المواسم والاعياد

انا نعاون راجلي في مصروف البيت


اديت من خدمتي التعب والشقا والمرض .. هذا مكان



هنا تقومو نتوما تقولو مسكينه وفحلة , راجلها شهريتو قليلة وهي راها تعاون فيه لازم

المراة هادي كي بدات تخدم هي حبت تخدم , لانها قرات لازم تخدم , ومايجوز تقعد في الدار يضحكو عليها الناس


ايا بدات تخدم .. كي تدخل شهريتها تحب تنفق على الدار باش تبين لراجلها بلي راهي ادخل مقابل !!ماراهيش تخرج تتزندق وترجع للدار

ماراهيش مضيعة ولادها باطل ! راهي اجيبلهم الماكلة والدوا ..

مع الوقت راجلها يوالف المساعدة تاعها , اذا ما لقاش خدمة يتكل , راهي هي خدامة وتوكلنا

تبقى غير هي تفورني على الدار حتان يجي نهار تعيى .. وتولي تشكي وتقول لوكان غير ما خدمتش وخليتو

مالاول يدبر راسو بدارو و ولادو



هي / كغيرها ..تقول راجلي ما يلحقش لازم نعاونو ..

بصح ماتعرفش بلي بهاد الطريقة راهي تنحيلو في المسؤولية شيئا فشيئا

واذا نحات المراة للراجل المسؤولية فعليه السلام , وعلى علاقتهم الزوجية الف سلام وسلام ..!!


يعني من وقتاش كانت المراة هي اللي توكل ولادها علاخاطر راجلها مفتول العضلات نهار يخدم نهار لالا ؟؟

من وقتاش تلزّم على المراة تنفق على راجلها ودارها ؟؟؟


من النهار اللي قررت فيه المراة الخروج للعمل ..



الشيء اللي خلاني نكتب الموضوع هذا هو انه اصبح لدى مجتمعنا تفاخر بالمرأة العاملة

ولات المراة اللي قاعدة في الدار تغير من المرأة العاملة !!

تقول يا سعدها تخرج لبرا وتخدم ودراهمها في يدها



وماراهيش عارفة بلي هاد المخلوقة الضعيفة راهي مجبرة على العمل ماشي بسبب الظروف فحسب

بل بسبب تحولها الى الأب والرجل المسؤول في العائلة ..بعد انسحاب زوجها من الميدان !

ماراهيش تعرف بلي راهي تخلص مقابل خروجها اضعافا مضاعفه , وماراهيش عارفه

بلي ولادها كل يوم معاها ومتوحشتهم , وعايشين معاها وماتعرفهمش ..

وماراهيش عارفه بلي راهي محرومة من الراحة , محرومة من الأكل المنزلي من المسمن مالفطير مالحلوى

مالطياب لعزيز ماللمة العائلية من متعة استقبال الزوج وهو داخل من عمله بعد يوم شاق ومتعب

من احضان اولادها وقبلاتهم وهم يعودون للمنزل بعد يوم دراسي حافل بالنشاط

محرومة من اول خطوة يخطوها صغيرها ومن اول كلمة يلفظها صغيرها ومن كل حركة غريبة بريئة تصدر عنه



والشي اللي اثار استغرابي اكتر هو امراة عاملة اخرى.. متذاكية جدا

هادي زعما فايقة وشاطرة وحبت تخدم بصح ما تخليش راجلها يستغلها

امالا واش ادير ؟ نهار تشري فريجيدار تخرج الbon على اسمها\

نهار اجيب تلفزيون كيفكيف

قاتلك غدوه من غدوه كاش مايكون بيناتنا مايخرجنيش صفر اليدين


يعني ..

بالعربية ..

عايشه معاااااه تحت سقف واحدة وخايفة منو وماشي واثقة فيه ؟!!

أين قدسية الزواج في رابطة مثل هذه ؟ ما اقبحه من زواج وما أقبحه من عمل ..



لي عمة درست وعملت ثم اختارت البيت أول ما أنجبنت ولا تزال في البيت ..

تطالع الكتب تبحث في النت ، تجدها مثقفة اذا حدثتها

أنجبت ثلاثة اطفال رائعين جدا , ربتهم أحسن تربية ..


قلت لها مؤخرا " كم مرة ندمت على بقائك في البيت ؟ "

قالت : ولا مرة ..

قلتلها : معقول ولا مرة ..عمرك ما غرتي من سلفتك الخدامة


قاتلي أبداً ، سلفتي راجلها راه يبيعلها في كرامتها مقابل شهريتها اللي راهو المستفيد الاول منها !

لانه يسمح لها بالخروج والعمل في وسط رجالي خال من النساء تماما , ويغض البصر عن كركبة بيته

وعن الغداء الذي لم تحضره يوما وعن ملابسه التي كثيرا ما لا يجدها مغسولة مطوية محددة ..


ثم واصلت ..

لماذا اغار منها ؟ انا مثقفة كيفها وبالاك خير .. وعايشها خيرمنها بكذا مرة

انوض الصباح في غرضي ، نطيب قهوتي على كيفي

انوض ولادي وراجلي نستقهواو مع بعض في لمة واجواء رائعة

نمشط شعر بناتي كل يوم تسريحة مختلفة , نلبسهم , ونبعثهم يقراو

نرجع نتكى حتى لل9 ..انوض كالملكة تماماً وأبدأ بترتيب مملكتي ..

ممبعد نبدا نتفنن في تحضير فطور ولادي وراجلي , يلحق الوقت يجو يتغداو

نتغدى معاهم نغسل ماعني ونرجع نتكى , ولا نخرج , ولا نتفرج برامجي المفضلة

حتى يجو لعشيا .. يلقاوني شبعت راحة , نقعد معاهم نقريهم



نهار اللي نقول لراجلي خرجني يخرجني , نهار نحب نحوس نحوس ..

كي نحوس على مصروف يعطيني



فـــمما أغــــار وأنا محســـودة ... وعلامــ أندم ؟؟



طبعا اسمع الكثير منكم يقول " كاين رجال فحولا , نساهم يخدمو بصح ما يطمعوش في شهريتهم

نقوللكم اللي كافي روحو ما يطمعش ..النموذج الاول اللي ذكرتو في الموضوع مكانش فيه حاجة واسمها استغلال

ولا طمع .. بصح كي نجيبو موضوع المرأة العاملة نجيبو دايما مسألة " ضياع الأولاد " و " تقصير في حق الزوج "شئنا أم أبينا




والخلاصة باش نختم الموضوع من كل الجوانب ونسد الثغر : \

اقول بامكاني غض النظر فقط عن المرأة التي تخرج للعمل بسبب اعاقة زوجها , شريطة ان تحفظ كرامتها وكرامة زوجها

بعمل محترم كالتعليم والتطبيب





ويظل الشيء الذي لا يختلف عليه اثنان عاقلان انه " اسمى مكان للمرأة هو البيت "


ماشي station de bus ماشي الادارات المختلطة ماشي الطرقان ..




والسلام عليكم ورحمة الله وبركاته

ماشاء الله عليك زوجة مثالية
ربي يحفظك ويرزقك أولاد صالحين
تربيهم كيما راكي تتمناي

[سليلة الغرباء]

لا حول ولا قوة إلا بالله

وشهد شاهد من أهلها

جزاك الله خيرا على صدقك وصراحتك لأننا مهما غلفنا وأخفينا لن نخفي حقيقة واقع مر أردناه لنا عقيدة للأسف في مجتمعنا المقلد