اكثر كلمة نكره نسمعها في حياتي

ليلى خانم · 2012-09-27, 17:49

السلام عليكم ورحمة الله تعالى وبركاته
اكثر كلمة نكره نسمعها في حياتي هي "سلفيلي"مانحملش نسمع هذه الكلمة وين نروح نسمع هذه الكلمة حبيت نفهم وعلاه حتى كل حاجة سلفيلي وخاصة في الجامعة كل شوية واحدة جي تقلك سلفيلي
واالي تغيظك انه هي جي تقعد اجمع وتلعب وتتمسخر ومبعد في التالي اجي تقلك سلفيلي باي حق ومبعد كي تقوللها لا لا تزعف هيا ازعفي ولا خبطي راسك مع الحيط
منحبش نسلف قولوا عليا مجحاحة شريرة اي حاجة حاجتي وانا حرة فيها مانسلفشششششششششششششششششششششششششششششش اف

خولة لبابة · 2012-09-27, 17:53

في الحقيقة لم يسبق لي أن سلفت لاحدهم .........و لا اعرف ان ساسلف يوما ما..........و الله اعلم..........

z.abdo · 2012-09-27, 17:56

اقتباس:

المشاركة الأصلية كتبت بواسطة ليلى خانم

السلام عليكم ورحمة الله تعالى وبركاته
اكثر كلمة نكره نسمعها في حياتي هي "سلفيلي"مانحملش نسمع هذه الكلمة وين نروح نسمع هذه الكلمة حبيت نفهم وعلاه حتى كل حاجة سلفيلي وخاصة في الجامعة كل شوية واحدة جي تقلك سلفيلي
واالي تغيظك انه هي جي تقعد اجمع وتلعب وتتمسخر ومبعد في التالي اجي تقلك سلفيلي باي حق ومبعد كي تقوللها لا لا تزعف هيا ازعفي ولا خبطي راسك مع الحيط
منحبش نسلف قولوا عليا مجحاحة شريرة اي حاجة حاجتي وانا حرة فيها مانسلفشششششششششششششششششششششششششششششش اف

السلام عليكم

لما كنت في الجامعه دخلت بقاعدة أني لن أسلف لأحد وقليل ما سلفت لواحد

ومرة سلفت 200 دج ومارجعوهاليش قلت الحمد للله اني كنت على حق

كذالك في الخدمة العسكرية لم أكن أسلف لأي احد ولي صديق سلف 4 ملايين

مسكين كمل الخدمة العسكرية واسمح فيهم لأن الشخص اللي دا الدراهم كان متعاقد في الجيش

ونصيحتي ما تسلف دراهمك ما تصبح ترجع وانت محشوم وكانك انت راح تسلف

والمشكل لما ترجعهم تجد الشخص مشنف عليك علاش الله اعلم

شكرا اختي على الموضوع

الواثق · 2012-09-27, 17:58

من كان في عون اخيه كان الله في عونه ....................اكيد المعونة تكون لمن يعرف الامانة ويرجعها بحسب الموثق الذي وثق له ..............أعلم ان هذا الامر فيه الكثير من الاخذ والرد في قضية ان الثقة ذهبت لكن لا نقول هلك فمازال الخير والله اعلم

بالنسبة لي سلفت اموال من قبل ولم ترجع الى حد الان .............لكن لا استطيع ان اقول اني لا اسلف لاحد فلعلي اظلم

علم وأدب · 2012-09-27, 17:58

وعليكم السلام ورحمة الله تعالى وبركاته

يا أختي في الله وابنة الإسلام الدين دين معاملة فأحسني معاملة إخوانك واخواتك فلاتقولي فلانة لا أحتاجها لأنه سيأتي وقت ستحتاجينها إن ليس اليوم فغدا لأن هذه دنيا ولا نعرف مالذي ينتظرنا...

أضيف اعملي ذلك لوجه الله وأحتسبي الأجر فكل من يدرس من كراستك ويتوفق فلك أجر عليه

فلاتحرمي نفسك من الأجر والدعاء بظهر الغيب

أعتذر على الإطالة وعلى الكلام الذي لا اعرف إن كان سيعجبك ولكن أنت أختي في المنتدى وفي الإسلام ويجب أن أقول كلمة لأنه لك حق علي

ولا أقول ال مشحاحة أو.......أو.......بل أراه حقك ولكن دعي الحسنات يذهبن السيئات لأنه سيأتي اليوم الذي ستحتاجين لحسنة ربما ستكون هذه من ستنقذك

مع العلم أني لا أخفيك أني سلفت الكثير ولم يرجع ولعلها تكون صدقة يوم القيامة........

والله أعلم

أختك في الله

والله بيعينك ويعين كل شخص

جلول سلامي · 2012-09-27, 18:21

شكرااااااااااااااااااااااااااااا

قاتلة الصهاينة · 2012-09-27, 19:12

انا دايما توصيني أمي بالاك تسلفي بالاك
بصح انا منسمعش لكلام نقول يمكن محتاجين
مرة ترجع حاجتي ومرة ننساها خلاص
ويااااما سلفت حوايج وراحو بالعافية قعدت نتحسر عليهم
وقداش سلفت دراهم ومرجعوش حتى كي يشوفوني اصحابهم يبدلو الطريق
بصح معليييهش السمااااح ومنزيدش نعاود نسلف

soso sirin · 2012-09-27, 23:31

انا نسلف لناس و ناس ماشي كامل لانو ولاو سامطين.مي مافهمتش نيشان واش من سلف دراهم و لا كراسات و لا قش لانو قلتي الجامعة باينة ماشي دراهم لانو الواحد في الجامعة يكون ديجا باباه يصرف عليه .و اذا على اللبسة ايه ماتسلفيش هاذي العقلية شحال نكرها و على الكراسات سلفي لبنات الي تعرفيهم الله غالب و اذا على الدراهم خطيك كامل من التسلاف الا الي الله غالب عليها.ماتسلفي مايجروك ليلى

اللؤلؤة مريم · 2012-09-27, 23:37

يعني بصراحة كنت أقدم كراساتي لبعض البنات لكن الآن لا أظن بسبب تجربة
حذاري لا تقدموا كراريسكم إلا لمن تثقون فيهم لأن هناك بعض النفوس الشريرة

jackin · 2012-09-28, 00:14

من كان في عون اخيه كان الله في عونه

عبد الله 31 · 2012-09-28, 01:34

والله في عون العبد ماكان العبد في عون اخيه

اسعى لرضى الله · 2012-09-28, 01:37

انا منعزلة عنهم لدلك لا احد يتجرا ان يطلب شيء مني
حتى اني في المنتدى منعزلة

اذن الحل لكي لا تسمعي كلمة سلفيلي هي ان تعتزلي

مباركة 1961 · 2012-09-28, 07:31

سلام....
والله عيب ان نقول مثل هذا الكلام
نسلف .......مانسلفش .....الناس الكل ميش مليحة.....الثقة ماكانش

ارفعوا النيفو شويه......راكم شباب

الان فقط فهمت لماذا نحن فى المدارس نقدم دروس الاخلاق __التعاون ..فعل الخير ...مساعدة الناس المحتاجين.......___
وعند التطبيق نجد العكس تماما.....
تصوروا اطفال لايتجاوز اعمارهم ال5 سنوات عندما يطلب منه زميله اعارته القلم فقط يزمجر ويقول قالت لى امى ....ماتسلفش حوايجك...

ماتمدش من اكلك......رد بالك ......
مافائدة دروس الاخلاق وانتم كبار تنادون بهذا ......عيييييييييييييييييييييييييييييييييب

انا من رايى نبدل كلمة سلفلى بكلمة اعطيلى..................... ننتهى من الاشكال

ومتخافش راه يجى اليوم اللى تطلب فيه الغير وتحتاجهم ..........غير ماكان لاه تكابروا

ياوحد المشحاحين..............................تبا تباكبيرة (فخاصية تكبير الحروف عندى فى الميكرو لاتصلح ...والا كنت كبرتها لتروها )

شيء من رجاء ! · 2012-09-28, 07:47

أعجبتني تبا كبيرة معلمتي مباركة ..
هكذا تريدينها /

تباً

وصدقتي في كل ماقلتي

ام مريومة · 2012-09-28, 07:48

علاه ختي متسلفيش هذا بهذا انا تاني كنت نقرى و يسلفو عليا صحاباتي و نسلف عليهم الدروس اسمحيلي ختي و ين راهي روح الاخوة مهما كانت الضروف لازم نتعاونو و حتى الحوايج نسلف لصحاباتي مافيها والو علاه كل واحد و ظروفو بلاك نهار تسلفي لوحدة رح تفرجي عليها الضيق اللي تكون فيه و نهار عليك و نهار عليهم و مول التاج و يحتاج
اف علاه حنا واش درنالك باه راكي تنسفي علينا