راني محتاجتكم.................

hozn85 · 2012-09-28, 13:26

اولا جمعة مباركة وربي يتقبل منا جميعا
اخواتي الاعزاء انا دايما هنا معاكم ونعرفكم بالوحدة ويشهد علي ربي غير نحبكم في الله
ولوكان منحبكمش منحكيلكمش حكايتي
نبدو من الاول لما كان في عمري 18 سنة جا خطبني واحد من قريتنا وربي يشهد انو شخص والحمد الله كثيييييير مليح يخاف ربي ودين بزااف والحمد الله انا منكذبش حبييييتو والله منعرفو من قبل ولكن حبيييتو
ولكن دارنا محبوش
الاسباب تعددت والرفض واحد مع العلم انو حنا عائلة معروفة بزاف والكل يحترمنا وعمرنا ما نسبنا من القرية تاعنا والي يجي يخطب من العائلة تاعنا يديرو علية بحث ولوكان يكون واحد من اجدادو دار غلط صغير يرفضوه
المهم مع الول قال بابا انو جدو كان بكري يخدم عندنا وامبعد انا واش يهمني ياك كان يخدم ماشي سراااق
المهم مرانيش حابة نطول ونوجع قلبي رفضو ولكن احنا منسيناش بعض انا ديت باك وقريت كملت وخدمت تاع كونترا وحبست وحنا مزال مع بعض كل عام يولي ودارنا يرفضو محبوش كي ماشي قاري
المهم دوك انا راني 27 سنة والله يا خياتي حاولنا شحال من خطرة نتباعدو لكن والله والله والله ماقدرنا
ممبعد قالو معندوش خدمة مليحة بعد بحث طويل ربح مسابقة عون امن في دزاير وبدا ولما قررت نقول لدارنا انصدمنا انو المرتب تاعو قليل بزاف ويروحو كامل فالطريق لانو دزاير بعيدة بزاف علينا البارح بتنا ما رقدنا واشنو هو الحل
قلتلو اقعد تماك حتى يفرج ربي ويقبلو دارنا ممبعد بدل ولكن ..................
والله ما عرفت كيفاه
ما نيش قادرة نكمل

لسومة 41 · 2012-09-28, 13:33

habibti rabi yfarjha 3lik nchalh,hlawt lhob fmchaklo
habibti kano mktobk raho mhmha sra rah tkono lb3thakm nchalh

RACHA SOUF · 2012-09-28, 13:36

جمعة مباركة حنونة

واش نقلك القلب لي يغل وان شاء الله ربي يفرج عليك ومداموا يحبك ونيتو الصافية ادعي مولاك انو يسهلك امورك الله غالب انا راني هدا وين فاتحة عيني للدنيا منقدرش نفيدك غير انو ندعيلك انو تكونو لبعض ربي يهنيك أختي ومادمها يوم جمعة راح ندعييلك من كل قلبي الله لا يفرق بينكم وربي يحنن قلب والديك ويعطيه الموافقة ونفرحوا بيك

دمتي بود حنونة تقبلي مروري

حنين العمر01 · 2012-09-28, 13:40

ربي يكون معاك حنونة و الله موقف صعب
الحاجة الي لازم تعرفيها انو اذا كان هذا الشخص مكتوب راكي تديه و ربي يدير سبب لاهلك باه يقبلوه و الواضح ان الاعذار الي داروها داكم واهية
اصبري و اصبري و اصبري هذا واش نقلك ربي معاك و كل عطلة فيها خير و ان شاء الله الوقت الي مر و انتوما بعاد على بعضاكم ينتهي بخطبة و فرح
يااااااااااااااااااااااااااااااااااااااااااااااااا ااااااااااارب

sandi85 · 2012-09-28, 13:41

ربي يحفظكم
والله دمعو عينيا شكرا
ادعيولي ربي يخليكم
لانو المشكل مكاش لمن نحكي غير ربي سبحانو وليكم

aihemsara · 2012-09-28, 13:42

قسم خاص بالعرائس و تجهيزاتهن !!!!!!!!!

تالا تسنيم · 2012-09-28, 17:49

ربي يفرج عليك ............... حنونة................ ما تقلقيش روحك............. وكلي أمرك لربي سبحانه................. هو نعم الوكيل... اكثري من الاستغفار........ و ان شاء الله نسمعو الأخبار السعيدة ............... ربي يهنيك و يسقم سعدك و يحقق لك كل ما تتمناي..........

تقبلي تحياتي و مروري

ملتقانا في قسم تجهيز العرائس ان شاء الله

تهلاي في روحك