شهرية المراة

majda archi · 2012-09-18, 16:20

ما رايك في الرجل الذي ياخد شهرية زوجته ويتصرف بها لوحده.

ELNMOHAMED · 2012-09-18, 17:06

السلام عليكم
ليس من حقه التصرف الا باذن منها

redonne · 2012-09-18, 18:36

ماتغلطيش ختي و تقولي راجل

أسف للي جرحاتو هاذ المشاركة لكن تبقى وجهة نظر

yasmina31 · 2012-09-18, 22:57

ماعندوش الحق و يربح فالعيب باطل لانو لي يعرف كيفاش يعامل زوجتو هي تولي تمدلو شهريتها بلا ما يقولها مي كاين لي راهم يتزوجو ب ccp ماشي بالمراة الله يهديهم و يبعدهم علينا ان شاء الله

sengra · 2012-09-18, 23:39

اقتباس:

المشاركة الأصلية كتبت بواسطة majda archi

ما رايك في الرجل الذي ياخد شهرية زوجته ويتصرف بها لوحده.

السلام عليكم
راجل و نص و سيد الرجال ليس كمثل بعض المتشبهين بالرجال ينطبق عليهم القول يمتنعن و هن راغبات
يقول لا أخذ شيأ لكن عندما تدخل الشهرية يقيم الحرب من أجل الظفر بها
و هناك من يقول ليس. برجل فهل انت رجل؟ لو كنت رجل لمنعت زوجتك من العمل و الاختلاط بالرجال
على الاقل هذا رجل لانه يأخذ الشهرية من أجل تلبية متطلبات الحياة و حاجيات الزوجة و الاولاد
ألسن تقلن أيتهن النساء انكن تعملن من أجل مساعدة الزوج؟

سارة البوسعادية · 2012-09-19, 08:43

اقتباس:

المشاركة الأصلية كتبت بواسطة sengra

السلام عليكم
راجل و نص و سيد الرجال ليس كمثل بعض المتشبهين بالرجال ينطبق عليهم القول يمتنعن و هن راغبات
يقول لا أخذ شيأ لكن عندما تدخل الشهرية يقيم الحرب من أجل الظفر بها
و هناك من يقول ليس. برجل فهل انت رجل؟ لو كنت رجل لمنعت زوجتك من العمل و الاختلاط بالرجال
على الاقل هذا رجل لانه يأخذ الشهرية من أجل تلبية متطلبات الحياة و حاجيات الزوجة و الاولاد
ألسن تقلن أيتهن النساء انكن تعملن من أجل مساعدة الزوج؟

هل كلامك من منطلق ديني او من منطلق عرف

ان تقول ارفض ان تعمل زوجتي ارحم من ان تقول تعمل ثم اخذ مالها؟؟؟؟

AMEL32 · 2012-09-19, 09:11

انا افضل المكوث في البيت ونريح راسي.

hyoucef32 · 2012-09-19, 10:02

اختي انا اذا تركت زوجتي تعمل فهذا يعني انه لا دخل لي في مالها ولكنني اذا تزوجت ان شاء الله بعاملة فلن تعمل بعد الانجاب

redonne · 2012-09-19, 12:33

الزواج تعاون مشي غصب مالها وهي حرة فيه يلا تعاون بارادتها ويلا ماتعاونش الديفوا راه فيها مي هذا ماشي عذر باش تسيزي كلش الرجال قوامون ماشي النساء
اما الاختلاط راه راضي بيه هذا شغلوا
اما انا مانخليها تخدم مانطمع في شهريتها

maroua16 · 2012-09-19, 16:17

السلام عليكم
حقيقة حابة نعرف حاجة والي عيت نفهمها....علاه الراجل كي جي يزوج اقول ندي وحدة مثقفة او قارية..مي يرفض رفض تام فكرة الخدمة تاعها.. دونك.لاه لمرة تعبت اوقرات او سوفرات كيعادت رايحا تقعد في الدار ...اروح يدي وحدة جاهلة او ماقراتش خير ..مام مايغيضهاش الحال مي الي قرات باش تخدم اخليها تخدم ول مايديهاش من لول ..اقولها التخلاط مع الرجال ...قولولي برك الطفلة من تبدا تقرا اوهي مع التخلاط ول لالا ياك اشوفوها الاساتذة تاعها ول الذكور الي يقراو معاها او تحكي معاهم وفي الطريق تتلاقى مع كل الاشكال...وفي المكتبات والمستشفيات.... ..فهموني برك وين ماكانش التخلاط ..صح غير في دارها مي تقدر لمرا تعيش حبيسة ماتخرج ماتحوس ما تزور اهلها ..ماكانش منها هدي ..واذا خرجت صوا تحوس ول عند اهلها اولي تخلاط بويسك رايحا تتلاقى رجال ..مام تاع لافامي عمها ول ولادو ول...اولي تخلاط؟؟؟؟؟؟؟؟ ونا تبانلي الخدمة تاع لمرا لازمة خاطر الدنيا دوارة وماتدري واش يصرا في المستقبل دونك لازملها تتسلح بالخدمة أما الشهرية تاعها فانا تبانلي الراجل ماحقوش يديها مي هي تعاونوا كي كون محتاج او مام مايكونش محتاج ..المهم يتفاهموا كيفاه يبنيو حياتهم في زوج اوكيفاه اصرفوا دراهمهم في زوج اويديرو مخططات حياتهم مع بعضاهم

انا حبة سكر · 2012-09-19, 16:46

انا نمدلو الشهرية لانو هوا ميفسدش عليا وانا وياه نديرو مستقبل لينا وان شاء الله لولادنا

Rihanna · 2012-09-19, 22:55

هذا ماشي عبد

أسيرة ذكرياتي · 2012-09-19, 23:42

الدنيا رايحة للواد

sengra · 2012-09-20, 00:21

السلام عليكم
عندك حق التخلاط راه من النهار الاول حتى الجامعة و العمل
لكن كاين فرق التخلاط قبل الزواج يعلم بيه ربي و أنا شخصيا منحبش نسأل عليه
لكن بعد الزواج تكون مع راجل اللي هو راجلها يخاف عليها و اللي يمسها تمسو يعني شخص واحد
و كلنا نعرف سواء كعمال او لما ندخل المؤسسات نشوفو درجة الاختلاط وين واصلة حتى الى تحرشات و مساومات جنسية
هذا الشيء الي خلي الراجل منا متخوف من خدمة المراة
لا تقوليلي مسألة ثقة بين الزوجين. نقلك كلمة وحدة الحافظ ربي برك
أما أن يأخذ وحدة جاهلة نظن راكي غالطة معينيش اللي مقراتش خلاص او اللي ما لحقت الجامعة راها جاهلة
و ليس كل من تعبت و قرات باش تخدم فقريتها تنفع في بناء الاسرة و تربية الاولاد
و الكثيرات من تخلين عن عملهن من أجل اسرتها الصغيرة
و عندك حق ثانيا في تحصل المراة على الشهادة ممكن تنفعها في المستقبل
شكرااااااااااااا

AMEL32 · 2012-09-20, 11:44

اقتباس:

المشاركة الأصلية كتبت بواسطة فانيليا

منعطيلو برضايتي مايدي منها بسيف

وافق عل هادا اوكي

ماقبلش الوغ مع السلامة

واش راكي حابة اديري بهم ؟ الراجل اذا اسمحلك باه تخدمي لا زم يدي حقو برضاك و لا بسيف عليك.................................