اذا لم تكوني متزوجة ......فليس لديك قيمة اجتماعية

كاميلا · 2012-09-17, 19:04

السلام عليكم ورحمة الله تعالى وبركاته والله هاد الموضوع الاسبوع الفارط وددت طرحه لكني وبسبب انقطاع الانترنت لم اتمكن من كتابته
لعلها اصبحت ظاهرة اجتماعية ان صح التعبير اعدروني لو استعملت مصطلحات والفاظ بالدارجة لا لشيء الا لتوصيل الفكرة مباشرة الظاهرة هادي اصبحت منتشرة وخاصة بين الفتيات والنساء الفتاة عندما تتزوج او حتى قبل ذلك تتغير 180 درجة معاملتها تجاه صديقاتها وجيرانها واقربائها بل حتى تجاه اخواتها تصبح "تتكسل على مخاليق ربي" تعاير هادي وتتكبر على هادي وتجبد روحا من هادي وتصبح وكأنها رئيسة جمهورية لا لشيء لانها اتخطبت بل يوجد البعض منهن من يجرحن الاخريات بكلام جارح مثلا "انت متفهميش وضعيتي انا متزوجة وانت راكي براسك فارغة شغل " ربي ينوب عليك مسكينة ان شاء الله يفرج ربي " انا متزوجة ومانيش قاعدتلك " يا مسكينة مزلتي متزوجتيش " اكي تولي بايرة يا طفلة وشبيك الحقيني وتزوجي عاند وماتحسدش " الخ الخ من العبارات انا نسميها سوقية ومستوى متدني من الاخلاق وتلقاها تاني رح تموت وتخدم مي مخلاهاش راجلها تولي تعاير في البنات اللي يخدموا راكم ديما برا اتستروا في الدار هههه وهي راكي تدابز من راجلها باش تتعاند في الخدمة الخ من العبارات اللي توجع القلب
انا لا افهم لماذا هاد الشر بين النساء هههههههههههه تاع مشاكل صح رغم انني والحمد لله مخطوبة وقريبا عرسي لكنني لم اتفوه لحد الان بكلمة قد تجرح شخص فمابالك فتاة مثلي خاصة في هذا المجال خاصة للبنات اللي كبروا 35 و 40 الخ انا المشكلة هادي متعنيليش بزاف يعني صرات مي بنسبة 1 بالمئة لكن والله ينفطر قلبي لهذه العنصرية النسائية ان صح التعبير
وشكرا

mohamed160 · 2012-09-17, 19:29

سلام عليكم كلامك صح بصح هدى الدنيا صعيب كما اديرى يدلولك

assia81 · 2012-09-17, 19:33

وعليكم السلام ورحمة الله وبركاته
في الحقيقة لم اصادف مثل هذا النوع من البشر ولكن ربما الذين معي يقولون ذلك من وراء ظهري ولكن في وجهي لا احد يتجرا
الواخد مش ضامن حياتو حتى يضمن الراجل واولاد كل واحد وش كتبلو ربي في الدنيا هذي وكل شيءمن عند الله خير كلنا راحين نموتوا ومايبقى غير العمل الصالح مشي لي تزوج حتخلد في الدنيا وما الدنيا الا متاع الغرور ربي يهدي ما خلق

السي محمد · 2012-09-17, 23:12

بيناتكم انا خاطيني

هههههههههههه

**د لا ل** · 2012-09-17, 23:27

والله ياااختي الكريمة
كل واحد يعمل باصله
والحديث قياس....

عميروش الحر · 2012-09-18, 03:18

كاينة هادي

ولكن المشكل ربما يكون فالفتاة المخطوبة او المتزوجة كما انه قادر يكون فالفتاة الاخرى ... ربما المخطوبة والمتزوجة تكون عندها ضغوطات و صح ماعادتش كيما بكري و تولي تقول كلام غير موزون وبدون تفكير وبالتالي تجرح الاخر بدون قصد و هنا تأتي (الضحية) هههه وعلى حساب تلقيها للكلام كاين لي توسع خاطرها وتصفي نيتها و ماديرش في بالها و كاين لي تاخذ هاد الكلام على محمل الجد ويبقى يحفر في قلبها و يمكن يولي حقد ... ولكن هنا لازم على كل واحد يوزن كلامو و يعرف واش يخرج باش ما يضرش الاخر حتى لو كانت نيتو صافية .
و ربما وفي بعض المرات هاد الفتاة تكون لديها حساسية مسبقة من البنات لي تخطبو و لا تزوجو خاصة اذا كانت صغيرة عليها او في نفس سنها و بالتالي أي كلام قد يخرج من الاخرى رغم انه عادي سيشعل النار في قلب الفتاة

وطبعا كاين النوع لي قلتي عليه يتكبرو ويحسبو كي شغل ملكوا العالم و ربما يتزوجو ويتسرعو فالاختيار و يضيعو مستقبلهم فقط لأغاضة الاخريات (صديقاتها او قريباتها) ... وتتفوه بكلام عمدا حتى تغيض صديقتها و تطيحلها المورال

المهم ربي يهديهم و من تواضع لله رفعه
و ربي يبعث لكل انسانة طيبة عفيفة نصيبها ويسعدها في حياتها

حنيني24 · 2012-09-18, 08:56

السلاآم عليكم،،،،، الله يهديهم،،،، ويكبرلهم عقولهم
عادي،،،، لا يضرني كلام هذه الفئة من النساء بشيئ،،،،وكما يقول المثل،،،، الأواني الفارغة تحدث ضجة أكثر من الممتلئة،،،،لكن بالنسبة للتغير مع صديقاتها بعد الزواج،،،فهناك من الأزواج من لا يؤيد فكرة الصديقات،،،
ماعسانا نقول،،،،، وفقنا الله لما فيه صلاح،،،لديننا ودنيانا،،،، وبارك الله فيك،،،على الطرح

كاميلا · 2012-09-18, 10:00

اقتباس:

المشاركة الأصلية كتبت بواسطة السي محمد

بيناتكم انا خاطيني

هههههههههههه

ايقا بعيد تسلم ههههههههههههه راك هكا مليح
شكرا جزيلا للردود

حضنية28 · 2012-09-18, 10:24

السلام عليكم الزواج قسمة ونصيب وانا نحير في النساءاللي يهدرو الهدة هذي

basmitmalek · 2012-09-18, 11:06

كاين صح هاد العقلية بالصح اناا لا يعنيني هاد الكلام و ميأثرش فيا لاني نعرف روحي واش نسوى ونزيدك كانت عندي صديقة تخطبت قاتلي غير نتزوج لي نيمرو في برطابلي كامل راح نسبريميهم و بعد ما تزوجت قاتلي راني قلت لراجلي يحوسلك على راجل شفتي العقليةال......اختي

كاميلا · 2012-09-18, 12:28

اقتباس:

المشاركة الأصلية كتبت بواسطة basmitmalek

كاين صح هاد العقلية بالصح اناا لا يعنيني هاد الكلام و ميأثرش فيا لاني نعرف روحي واش نسوى ونزيدك كانت عندي صديقة تخطبت قاتلي غير نتزوج لي نيمرو في برطابلي كامل راح نسبريميهم و بعد ما تزوجت قاتلي راني قلت لراجلي يحوسلك على راجل شفتي العقليةال......اختي

قوليلها ماشي شغلك تحوسيلي على زوج ربي هو الرزاق المنان الكريم ومكيش رح تمديلي وتخمي عليا احسن من مالك الملك

AMINA.Z · 2012-09-18, 15:01

عادي ماتنسايش رانا شعب ناقص ثقافة
انتي المهم تكوني مترفعة علي العقلية هادي
ونزيدلك و الله لي تزوجو هوما لي ولاو حاسدين العازبات
اللي تزوجت ما هيش ضامنة الجنة و اللي ما تزوجتش ما هيش رايحة لجهنم
كلش بالمكتوب ربي يهدينا

كاميلا · 2012-09-18, 16:27

اقتباس:

المشاركة الأصلية كتبت بواسطة AMINA.Z

عادي ماتنسايش رانا شعب ناقص ثقافة
انتي المهم تكوني مترفعة علي العقلية هادي
ونزيدلك و الله لي تزوجو هوما لي ولاو حاسدين العازبات
اللي تزوجت ما هيش ضامنة الجنة و اللي ما تزوجتش ما هيش رايحة لجهنم
كلش بالمكتوب ربي يهدينا

هذا من طبع الانسان اللي ميحمدش ربي واللي ميحمدش ربي هو حسود لهذا تجده مهما عطاه ربي ديما حزين ومغبون ويشوف مع غيره

BAROUD · 2012-09-19, 19:21

لاا توجد امرأة ااااااااااااااااا ...
توجد امرأة منع الله عنهاا شر زوج غير منااسب
و ابتلاء زواج فااشل . .
ۈبيوم قريب سيمنحها ٱلله كل ما تتمناه

ادعوااااااااااااااااااااااااااااااا لنا meme احنا !!!

لينا الجنة · 2012-09-19, 22:28

السلام عليكم

ياخي حالة ياخي في هاد العباد ربي يهديهم

الزواج مكتوب و قسمة و نصيب