نداء عاجل إلى السيدة أم رامي

hadjer.m · 2012-10-01, 21:28

السلام عليكم و رحمة الله تعالى و بركاته
وشراكي اخت ام رامي ان شاء الله لاباس
انا متابعة دايما لوصفاتك .. و ماشاء الله عليك متميزة دايما .. و محتاجة مساعدتك في الكارثة لي درتها
انا متعودة في لي تارت ندير الموسكوتشو تاع الزيت و الحليب و نزينها مي اليوم حبيت ندير جينواز لعيد ميلاد خويا
و لكن التارت جاتني هابطة و مكتلة .. مع اني تبعت الوصفة لي درتيها في موضوعك تاع البياس مونتي( يبانلي تبعتها)
شوفي وش درت و قوليلي وين الخلل
6بياض طلعتهم مليح بالباتور مع نص كاس سكر مبعد 6صفار مع النص الاخر تاع السكر و مغرف صغيرة فاني طلعتهم مليح مبعد خلطت الخليطين .لكن كي كبيت خليط الصفار فوق البياض و بديت نخلط من الاسفل للاعلى تفاجات في الاسفل سائل شفاف يبانلي مابين ما خدمت الصفار البياض هبط
مبعد ضفت مغرف صغيرة خميرة نوارة و نص كاس نشا و كاس فرينة نحيت منو مغرف كبيرة و عوضتها بمغرف كاكاو
شعلت الكوشة سخونة دهنت البلاطو بالزيت (مكانش عندي الزبدة)و رشيت الفرينة و كبيت الخليط و دخلتها في الفرن كان سخون ( مع اني ما شعلتوش بكري لان كوشتنا تسخن بالخف)
خليتها 10د حليت عليها و دخلت موس لقيتها مازال ما نشفت .. زدتلها 5د و نحيتها كانت طالعة تهبل .. حطيتها تبرد شوي و بدات تهبطلي فجعتني وحدها تفشت .. و جيت نحيها لقيتها لاصقة نحيتها من الجوانب بالموس ..

فهميني تعيشي وينو الخلل .. راني محموصة .. حابة نعاود غدوة وحدة باهية بالشوكولا .. و نبعثلك طرف

أم ماجد · 2012-10-01, 21:53

لقد جربت وصفة ام رامي بنفس الطريقة وخرجت تحفة
ربما لم تمزجي جيدا صفار البيض مع اسكر

aminabil · 2012-10-01, 21:56

اختى انا نظن كي زدتى خليط تاع صفار البيض على البياض المطلع راكي كسرتي البيض لانو لازم ديري العكس

*عاشقة الجنة* · 2012-10-01, 22:23

معليش اختي ان شاء الله تدخل وتفهمك

انا على بالي متصلحليش ومدرتهاش

في عيد ميلاد خويا درت وصفتها مسكوتة بالكاوكاو

مع شوية تغييرات جات تهبل

راني حطيت موضوع اذا حبيتي تشوفيها

hadjer.m · 2012-10-01, 22:55

اقتباس:

المشاركة الأصلية كتبت بواسطة أم ماجد

لقد جربت وصفة ام رامي بنفس الطريقة وخرجت تحفة
ربما لم تمزجي جيدا صفار البيض مع اسكر

بصحتكم ختي العزيزة .. علابالي الله يبارك عليها وصفاتها ديما ناجحة و جربتلها شحال من حاجة مي ما حطيتهمش هنا .. ندعيلها في قلبي كي تنجحلي

خدمتو وحد 10 د حتى و لا ابيض .. معرف ادا كفاية 10 د

hadjer.m · 2012-10-01, 22:56

اقتباس:

المشاركة الأصلية كتبت بواسطة aminabil

اختى انا نظن كي زدتى خليط تاع صفار البيض على البياض المطلع راكي كسرتي البيض لانو لازم ديري العكس

اه هادي ممكن .. شكرا على الرد

hadjer.m · 2012-10-01, 22:57

اقتباس:

المشاركة الأصلية كتبت بواسطة *عاشقة الجنة*

معليش اختي ان شاء الله تدخل وتفهمك

انا على بالي متصلحليش ومدرتهاش

في عيد ميلاد خويا درت وصفتها مسكوتة بالكاوكاو

مع شوية تغييرات جات تهبل

راني حطيت موضوع اذا حبيتي تشوفيها

بصحتكم المسكوتة عزيزتي .. درك نضرب طلة على الموضوع .. شكرا لمررورك

*ام رامي* · 2012-10-02, 06:39

اهلا اختي
ان شاء الله هاذي المرة تنجح لك وتبعثيلي طرف
شوفي البيض يكون بدرجة حرارة الغرفة ماتخرجيهش من الثلاجة وتخدمي مباشرة
البياض والسكر طلعيهم حتى يصيروا كالمورانق
تضربي الصفار مدة حتى يتضاعف ويصير لونه اصفر باهت ثم تبدئين في اضافة السكر شوية شوية مع الخلط المستمر راهي يدي وقت اطول من البياض لازم النتيجة الصفار والسكر يكونوا كالمايونيز اوكي ؟؟؟اذا كانت النتيجة عبارة عن سائل اصفر ما تصلحش
ثم تضيفين البياض على الصفار وليس العكس
وتضيفين خليط الفرينة والنشاء والخميرة على دفعات مع الخلط من اسفل لاعلى برفق
اخيرا مدة الطهو حبيبتي تكون حولي 20 دقيقة وليس 10 دقائق اعتقد ان هذا سبب هبوطها لم تكن ناضجة ودرجة حرارة الفرن تكون متوسطة 180 درجة باه تنشف من الداخل مليح وما تهبطش
اي استفساراتفضلي