حااايرة

مشكلتي · 2012-09-21, 22:13

السلام عليكم و رحمة الله و بركاته

انا فتاة لم تكن لي اي علاقات حتى وصلت الى سن ال26 تعرفت على شاب صدفة التقيته مرتين في اماكن عامة ثم التقينا للمرة ال3 في ظرف سنة و جرى ما لم يكن في الحسبان اذ تجاوز معي حدود الادب و انا لم اوافقه طبعا لكن في الاخير خضعت نوعا ما ثم تركته و مشيت و في ذاك المساء بكيت دما على ما بدر مني خشية من الله حتى و لم يكن خطأ مكلفا لي لكني بكيت و بكيت و صمت و صليت ثم نويت قطع اتصالاتي بهذا الشخص الذي دفع بي الى الحرام لكني تريثت و لمته على ما فعل و طلب السماح ثم خيرته بين ان نفترق او ان لا يلتقيني مرة اخرى مهما كانت الظروف و فعلا لقد مر على هذه الحادثة 09 اشهر و لم التقه ابدا نتكلم عبر الهاتف كلاما معقولا و عقلانيا بدون اخطاء ابدا و الان مشكلتي انه طلب ان يقابل والدي ليخطبني و انا حائرة هل اتزوجه ام ابدأ صفحة جديدة مع رجل اخر وهل اذا اخترت القرار الثاني اكون قد ظلمت هذا الاخير بعدما اخطأت مع رجل غيره؟

Crazy lazy Girl · 2012-09-22, 12:03

الحمد لله لي عرفتي خطاك قبل فوات الاوان****استخيري الله و ربي يقدملك لي فيها خير ان شاءالله

sarah bio · 2012-09-22, 13:48

slm tdiri brayi ida cheftih nasse mlah w tab gir a9abli w balak mayjich wahed aker wach rayha diri?

الحطاب سهام · 2012-09-22, 17:38

والله يا لعزيزة مافهمتك 9 اشهر وانت تهدري مع راجل ونهار قالك نخطبك ونعيش معاك في الحلال قلبك هرب وبديتي تديري في لحسابات
والله يا بنت الناس امرك محير هدرتي مع واحد حتى شبعتي وذكا راكي تحوسي تبداي قصة جديدة مع واحد جديد عمرك 26 عام وراكي حابة تقعدي هكا عايشا بين القصص الغرامية عبر الهاتف
9 اشهر وانت تهدري معاه باي غرض؟؟؟ومن اجل ماذا؟؟؟ماتقوليليش برك كنت دايراته كاخ او كصديق وماكنتش حاطة في راسي نتزوجو لانك مازلتي صغرونة
راكي في 27 عام شا بقالك اختي من مغامرات هاتفية ؟؟؟؟ماراكيش في سن مراهقة .فيقي اختي قطار العمر راهو يجري وهذي العلافات رايحا تضيعك اقعدي كيما هكا كل عام اتعرفي بواحد وكي يحب يتقدم اقطعي علاقتك وحوسي على غيرو
وباه تقعدي تخمي في المسكين الجديد الي رايحا تصايديه خمي في عمرك الى راكي تحرقي فيه وصغرك الي راكي تضيعي فيه وانتي تبدلي في الرجال
وين راكم رايحين يا لبنات بهذي العقلية وييييييييين ؟؟؟وحدا باه تدي واحد لازم تعرف 100 في الحرام .وكي يحب واحد يخطبها قاااااع العيوب يبانولها فيه ..كي كنتي في الهاتف تهدري معاه كان يبانلك متادب ويهدر كلام عقلاني وكي حب يسترك ويعيش في الحلال بانلك غير مناسب ومايليقش للزواج؟؟؟؟روحي يا سيدي دبري واحد اخر واقعدي معاه عام تاني والعام الجاي ارواحي سقسينا اذا تقبلي بهذا الجديد او دبري واحد اخر

~~غليزاني 26 سنة~~ · 2012-09-22, 19:47

درتي الحرام بصحتك
ان شاء الله ربي يغفرلك

sisito · 2012-09-23, 06:59

كون جيت في بلاصتك مادام نواني للحلال غير نقبل بيه
و هي قاع استخيري اللي يشوفلك فيه ربي الخير يقدمولك ان شاء الله

أبو فاروق · 2012-09-23, 09:44

ازربي ماتراطيش
القطار يحبسلك مرة وحدة و اذا ماركبتيش...................

احلام طموحة · 2012-09-23, 14:34

ان لم يكن الغرض الزواج

فلماذا كنتِ على علاقة به طوال هذه المدة

انا الذي اعرفه ان اغلب الذين يقيمون علاقات محرمة

ينخذون الزواج حجة لهم و هذا باطل دون شك

لكن انتِ عندما عرض عليكِ الحلال صرتِ حآئرة

ربي يهدينا ان شاء الله

samirovich · 2012-09-23, 17:56

اقتباس:

المشاركة الأصلية كتبت بواسطة مشكلتي

لكن في الاخير خضعت نوعا ما ثم تركته

هو عرف غلطتو وحابك تخضعي نوعا ما فالحلال ..وين المشكلة؟؟
المشكلة اذا غلط وما صلحش غلطتو

faty05 · 2012-09-23, 21:26

استروا بعضكم
يعني هو طلبك في الحلال خليه يتقدم
بركاينا من هذ لحكايات يرحم والديك راكي كبيرة و عاقلة

قطر الندى48 · 2012-09-23, 22:30

اقتباس:

المشاركة الأصلية كتبت بواسطة الحطاب سهام

والله يا لعزيزة مافهمتك 9 اشهر وانت تهدري مع راجل ونهار قالك نخطبك ونعيش معاك في الحلال قلبك هرب وبديتي تديري في لحسابات
والله يا بنت الناس امرك محير هدرتي مع واحد حتى شبعتي وذكا راكي تحوسي تبداي قصة جديدة مع واحد جديد عمرك 26 عام وراكي حابة تقعدي هكا عايشا بين القصص الغرامية عبر الهاتف
9 اشهر وانت تهدري معاه باي غرض؟؟؟ومن اجل ماذا؟؟؟ماتقوليليش برك كنت دايراته كاخ او كصديق وماكنتش حاطة في راسي نتزوجو لانك مازلتي صغرونة
راكي في 27 عام شا بقالك اختي من مغامرات هاتفية ؟؟؟؟ماراكيش في سن مراهقة .فيقي اختي قطار العمر راهو يجري وهذي العلافات رايحا تضيعك اقعدي كيما هكا كل عام اتعرفي بواحد وكي يحب يتقدم اقطعي علاقتك وحوسي على غيرو
وباه تقعدي تخمي في المسكين الجديد الي رايحا تصايديه خمي في عمرك الى راكي تحرقي فيه وصغرك الي راكي تضيعي فيه وانتي تبدلي في الرجال
وين راكم رايحين يا لبنات بهذي العقلية وييييييييين ؟؟؟وحدا باه تدي واحد لازم تعرف 100 في الحرام .وكي يحب واحد يخطبها قاااااع العيوب يبانولها فيه ..كي كنتي في الهاتف تهدري معاه كان يبانلك متادب ويهدر كلام عقلاني وكي حب يسترك ويعيش في الحلال بانلك غير مناسب ومايليقش للزواج؟؟؟؟روحي يا سيدي دبري واحد اخر واقعدي معاه عام تاني والعام الجاي ارواحي سقسينا اذا تقبلي بهذا الجديد او دبري واحد اخر

الله يرحم داك الفم

و الل مام انا روماركيتها فالبنات

تكون موافقاتو و تحكي معاه فتليفون و راضية بيه

مي كي تولي فالخطبة تقولك ماشي هدا اللي باغياتو يكون اب ولادي

شاهو هاد تمسخير

.......

ننصحك اختي صلي استخارة لله تعالى

و اللي يرتاحلها قلبك ديريها

و نحي هاد التخمام من بالك.......يل راه خدام و قايم بروحو علاه لا؟

كون مافيه خير مايقولك نجي نخطبك

ربي يوفقك و يهنيك اختي

~~غليزاني 26 سنة~~ · 2012-09-23, 23:42

ربي يجيب الخير في بنات اليوم

الحطاب سهام · 2012-09-24, 07:54

اقتباس:

المشاركة الأصلية كتبت بواسطة غليزاني 26 سنة

ربي يجيب الخير في بنات اليوم

انا ينت وراني حايرا فيهم ....والله مافهمت والوا كيفاه ولاو يخموا !!!!!!!!!!!

دادي84 · 2012-09-24, 12:31

اقتباس:

المشاركة الأصلية كتبت بواسطة الحطاب سهام

انا ينت وراني حايرا فيهم ....والله مافهمت والوا كيفاه ولاو يخموا !!!!!!!!!!!

راهي باينة اختي ....لوكان تسأليهم يقولولك حابين نعيشوا حياتنا مادامنا صغار و يحبوا يستمتعوا اكبر قدر ممكن مع الرجال لانوا عارفين بلي يجي النهار وين يدخلو بيوت ازواجهم و يتزير عليهم الخناق و لكن بهاذ التخمام راهم فسدولنا المجتمع و لوكان يعاود يرجع نبينا عليه الصلاة و السلام و يشوف الفسق اللي راه صاري في هاد الزمان لكان دعا الله عز و جل يسخطنا و يمسخنا و يبدلنا بقوم اهل لحمل راية الاسلام و الاقتداء بمعانيه السامية ....الله يهدي ما خلق

سلسبيل حياة · 2012-09-24, 13:17

انا ننصحك تقبلي بيه بسكو نواك للحلال خير ما يفوتك القطار و ديري صلاة الاستخارة عسى ربي يفرج عليك