عاونوني الله يجازيكم راني في حاجة ماسة ليكم

ام سليمى · 2012-09-21, 22:16

اخواتي العزيزات و الله اني ترددت الف مرة قبل ما نحط هذا الموضوع و لكن الله غالب ما لقيتش عليكم وين حبيت تساعدوني في مشكل راه قريب يخربلي بيتي و الي هو الروتين دايما حاسة روحي انا و راجلي مالين و مديقوتيين مانيش عارفة و علاش مع انو ما عنديش بزاف ملي تزوجنا حوالي 6 سنوات بصح قتلنا الروتين الله يخليكم الي عندها حل لمشكلتي ما تبخلش بيه عليا على خاطر راني حاولت التجديد في حياتي بصح نفس النتيجة دايما ما عدناش في علاقتنا كيما السنوات الاولى مانيش عارفة و علاش و حرت واش هو الحل ربي يجازيها الي مرت بنفس المشكل تعاوني و ندعيلها دعوة في ظهر الغيب راهي مستجابة انشاء الله مع العلم انو عندي ولدين .

ام ملاك. · 2012-09-21, 22:37

والله تفس المشكلة
انا الحاجة الوحيدة اللي نديرها كي نكره نروح لدارنا ونطول باش كي نولي نتوحشو بعضانا وينقص علينا شوية الرويتن
جربي اخرجو حوسو بدلو البلاصة اللي راكم فيها
بالاك يتنحى عليك ولا روحي اقعدي في داركم شوية
تبدلي جو
ربي يهدي سركم ان شاء الله

ام سليمى · 2012-09-22, 13:51

الله يخليك اختي و يريح بالك الي رديتي عليا و الله حاسة روحي مخنوقة مع اننا تزوجنا عن حب بصح وقيلا كيما يقولو الحب بعد الزواج يموت .

آلاء النايلية · 2012-09-22, 14:12

كيما قاتلك روحي لداركم و كي ترجعي اديلو معاك كادو ضغير ديريهلو مفاجأة
و ساعه على ياعه ديري عرضة اجملي فيها اهلو

...
ربي يسعدك

ام سليمى · 2012-09-22, 14:23

شكرا ليك اختي نايلة ربي يخليك

نور اليقين 25 · 2012-09-22, 17:17

شوفي ممكن راني صغيرة عليك او مزالني متزوجتش راني مخطوبة لعقوبة ليا ان شاء الله شوفي اختي انا لوكان جيت في بلاصتك ندير المحال باش نقضي على الروتين كاين عدة افكار خصوصا اذا كان زوجك من النوع الرومنسي ههههه تسهل عليك او علابالي صعيب تقضي عليه بوجود الاطفال بصح سيي تجربي ماكي خاسرا والو
زعمة مرة على مرة ابعثي ولادك عند جداتهم او ديري عشاء رومانسي راكي تعرفي مي بلا متخبري زوجك يعني فاجئيه او تزيني على غير عادتك
قوليولو خاصة في لويكاند تروحو حديقة اطفال خليو الاولاد يلعبو او نتوما تكسبو وقت مع بعضكم
اخرجو مرة على مرة تتعاشاو
فاجئيه بليكادو من غير مناسبة
او شحال من حاجة ........ انا بنت عمي كي نقولها نخاف تولي حياتي بعد منتزوج روتين تقولي لالا بالعكس اذا كنت ذكية تقدري تتغلب عليه ياو لوكلن جحاء عنذكم 100 طفل هههه
او هاذو بعض النصائح لي قالتهملي قلتهملك او مزال ههه
ربي فرحك حبيبتي