جريمة ابني انه انسان مؤدب

soso sirin · 2012-09-24, 20:13

امراة اشتكت لي من ابنها و قالت لي لقد اتعبني لقد ارهقني لم اجد حلا له و لقد مللت منه نهائيا و لكني انا السبب فهذه تربيتي و مع كل هذا قد اشفقت عليه و حتا اشفقت عليه كثيرا كثيرا رغم انه اتعب امه.اتعلمون ذنب هذه الام و جريمة هذا الابن قاد قالتها و بكل حرقة ان ابني مؤدب كثيرا و لا يصلح لهذا الزمان و بالدارجة تاعنا و ليدي انسان مربي بزاف و ليد فاميليا.لقد علمته ان الكذب حرام ان الظلم جريمة ان الكلام الفاحش قلة ادب و لكن هيهات ان يعيش طفل في هذا الزمان و به كل هذه الصفات .الطفل المسكين قد تعقد لان تربيتو شيئ و ما يعيشه شيئ اخر امه جاءت للمدرسة تشتكي من زملاء الطفل لانه يتهمونه بانه ضعيف مسكين مايبغيش المشاكل ماشي طوايشي .اليست كارثة حقيقية هل فعلا الادب و التربية اصبح صاحبها عاهة او شخص مريض هل الطفل اذا لم يسب ليس شخصا عاديا .حينما تركتني المراة قلت في نفسي كيف لنا ان نربي اولادنا في وسط متعفن كهذا ارجو اجابات منكم

mohamed160 · 2012-09-24, 20:18

سلام عليكم بارك الله فيك على هدا الموضوع . والله شى مؤسف كى اتشوف ام تربى ابنها تربية سيئة والله عيب عليها

soso sirin · 2012-09-24, 20:26

اقتباس:

المشاركة الأصلية كتبت بواسطة mohamed160

سلام عليكم بارك الله فيك على هدا الموضوع . والله شى مؤسف كى اتشوف ام تربى ابنها تربية سيئة والله عيب عليها

وعليكم السلام ان شاء الله تكون مليح خويا محمد.ايه والله عيب عليهم شي نسا و انا والله هاذي الام الا غاضتني كيفاه مسكينة ربات وليدها مليح و ضروك ولى وليدها يتعاير بتربيتو هاذي حالة والله جات عند مستشار التربية الا تبكي و تقلهم واش باغيين ندير نقولو روح كسر اضرب دير المشاكل سب و ماتحترم حتا واحد.هاذي حالة ولى المربي مسكين استثناء في هذا الوقت.ربي يجيب الخير برك مانعرف منا للقدام الحالة كي تولي

mohamed160 · 2012-09-24, 20:29

ربى يهديها

سعاذ · 2012-09-24, 20:29

السلام عليكم
علابالك هذا الوضع رانا نعانيو منوا كامل لشتا رانا كبار
لاحترمتي مواعيد العمل و كنت من النوع لي مايزيكزاكيش يقولوا عليك جايحة
ولا مكذبتيش و خدمتي بنيتك و باخلاص يقولوا عليك نية
و لا حبيت الخير لغيرك اكثر من نفسك يقولوا عليك بهلولة
بصح علابالك واش اهم من هذا كامل انك تحسي انك كي ديري اي حاجة انك درتيها لوجه ربي
و انك راكي ماغضبتيش ربي
المهم مايهمكش راي غاشي راشي المهم انك ترضي ربي اولا ونفسك و الديك ثانيا
دمتم في رعاية الله ة حفظه

مريم الصابرة · 2012-09-24, 20:35

السلام عليكم اختي وسيلة انا خلعني العنوان قلت كيفاه وسيلة تزوجت وما عنديش خبر وزيد وليدها ثاني تخلعت
شوفي اختي العاقل فالزمان نتاعنا يرجعوه بهلول الناس ما يحبوش واحد عاقل شوفي نقولك مرات نروح للبدلية نجيب الأوراق لما يكون واحد عاقل ما يقيموهش ولما يجي واحد يعرفوه من الحباس ما يخرجش يجرو ليه هوما يسقسوه واش يحتاج إيه يا اختي رانا فالغابة لازمك تقتلي على بلاصتك سينو يقتلوك
مسكينة الأام هذي لو انا جيت في لاصتو الولد هذاك نبدل ليكول ممكن ييح في ليكول مليح وذراري مربين كيما هما صدقيني قبل ما نختار تخصص قانون قالولي ديري أستاذة عربية وقري الإبتدائي ما تتعبيش كيما الكبار قلت ليمى محال انا ما نحملش نضرب واحج منهم نعوجو وكان تزيد يماه تجي تشكي نكملها معاه خليني فالقانون لساني طويل ننفع محامية ايا ما قريت ما درت محاماة
واش نقولو ربي يهديهم شكرا مي درتيلي خلعة مردودتلك.

مسلم سني · 2012-09-24, 20:35

السلام عليكم
شكرا لك أختي سوسوسيرين على هذا الموضوع
أقول لك شيئا هناك من يظن أن القوة وفرض الوجود يكون بالكلام السيء والتلفظ بما لا يليق والفوضى وأمور أخرى
هاته الأم أنا لا ألومها بل أحييها لكن ألوم المجتمع ونظرته العكسية للأمور
اللهم اهدنا وثبتنا على هدايتك
احترماتي

خولة لبابة · 2012-09-24, 20:35

ايه الله يهدينا و يصلح احوالنا.........
على فكرة اخي مسلم سني ..........هناك بعض الناس يقولون لي انني بهلولة..........

مسلم سني · 2012-09-24, 20:55

اقتباس:

المشاركة الأصلية كتبت بواسطة فلال باك

ايه الله يهدينا و يصلح احوالنا.........
على فكرة اخي مسلم سني ..........هناك بعض الناس يقولون لي انني بهلولة..........

السلام عليكم
لماذا؟ أيمكنني معرفة السبب بعد إذنك؟
لا تقولي لي لأنك طيبة وملتزمة أقصد بالالتزام أنك تلتزمين بالأخلاق التي يجب أن يكون عليها اي واحد منا لا أقصد اللباس (للتوضيح فقط)
وإذا كان هذا هو السبب فرجاء حافظي على هاته الصفة(التبهليل )لأنها نادرة جدا لا يمتلكها إلا القليل هنك من الفتيات من يطلق عليهم البعض لفظة معقدات ليس فقط كلمة (التبهليل) وربما تعلمين السبب خاصة في الجامعات فنصيحتي لك حافظي على ما تملكينه من أخلاق
بارك الله فيك
احترماتي

soso sirin · 2012-09-24, 21:03

اقتباس:

المشاركة الأصلية كتبت بواسطة سعاذ

السلام عليكم
علابالك هذا الوضع رانا نعانيو منوا كامل لشتا رانا كبار
لاحترمتي مواعيد العمل و كنت من النوع لي مايزيكزاكيش يقولوا عليك جايحة
ولا مكذبتيش و خدمتي بنيتك و باخلاص يقولوا عليك نية
و لا حبيت الخير لغيرك اكثر من نفسك يقولوا عليك بهلولة
بصح علابالك واش اهم من هذا كامل انك تحسي انك كي ديري اي حاجة انك درتيها لوجه ربي
و انك راكي ماغضبتيش ربي
المهم مايهمكش راي غاشي راشي المهم انك ترضي ربي اولا ونفسك و الديك ثانيا
دمتم في رعاية الله ة حفظه

وعليكم السلام واش راكي سعاد ان شاء الله تكوني بخير.هي صح انو المهم الواحد يرضى عليه ربي و كي يتفكروه يقولو عليه صح كان ولد ناس و لا بنت عايلة و ربي يحفظ الوالدين الي رباوك غير هاذي الكلمة واش تسوى .وحدا تخدم معايا دايمن تقولي مانعرف انتي صح نية و لا بهلولة و لا تتبهللي نقولها انا كامل هاذو فيا ههههههههه.مي مرات يا سعاد ماشي كامل الغاشي يتعاون انا الصح نهار دخلت تمتم نخدم والله كنت ماعلاباليش الي يقولي نعاونو مي كي فهمت السيستام كي يتمشى وليت ندير حسابي مع شي غاشي لانو انا كي نعاون انسان مانبغيهش يقولي صح و لا عاونتو باه يقولو عليا مسكينة فيها الخير مي تاني باه واحد يدير روحو ماشافنيش كامل و كلي تحسب راني نخدم عندو هاذي غير يفوتها.المشكل يا سعاد كل حاجة عندها حدود معنتها انا مليحة مي ماتاكلونيش .

z.abdo · 2012-09-24, 21:10

السلام عليك أختي

إذا تحبي نعطيك رسالة بلغيها لهذه الأم

كثير منا من يعتقد ان زرع الأخلاق الحميدة هي التي تولد الضعف لدى الأبناء لكن هذا خطأ

المشكل يا اختي هو في طريقة زرع هذه الأخلاق نعطيك نعطيك مثال أختي لو كل يوم تتكلم مع ابنك لا تفعل هكذا افعل هكذا

وتخويف شديد عدم ترك الطفل حرية الكلام .........الخ هذا يأدي إلى ضعف الشخصية لدى الطفل

لأن كثير من ربى أولاده على حسن الأخلاق ظهر ان له شخصية قوية منذ الصغر أختي

إذا الخطأ في الأم وطريقة زرع هذه الاخلاق وليس كل من يربي اولاده على الأخلاق يعاني من هذه المشكلة

والنصيحة اختي لهذه الأم ان تترك قليل من الحرية لهذا الولد لأنه للأسف تضغط عليه بالأوامر وهذا نتيجة خوفها عليها ان يكون

ولد فاسد في المستقبل

تقبلو مرروري

soso sirin · 2012-09-24, 21:12

اقتباس:

المشاركة الأصلية كتبت بواسطة مريم الصابرة

السلام عليكم اختي وسيلة انا خلعني العنوان قلت كيفاه وسيلة تزوجت وما عنديش خبر وزيد وليدها ثاني تخلعت
شوفي اختي العاقل فالزمان نتاعنا يرجعوه بهلول الناس ما يحبوش واحد عاقل شوفي نقولك مرات نروح للبدلية نجيب الأوراق لما يكون واحد عاقل ما يقيموهش ولما يجي واحد يعرفوه من الحباس ما يخرجش يجرو ليه هوما يسقسوه واش يحتاج إيه يا اختي رانا فالغابة لازمك تقتلي على بلاصتك سينو يقتلوك
مسكينة الأام هذي لو انا جيت في لاصتو الولد هذاك نبدل ليكول ممكن ييح في ليكول مليح وذراري مربين كيما هما صدقيني قبل ما نختار تخصص قانون قالولي ديري أستاذة عربية وقري الإبتدائي ما تتعبيش كيما الكبار قلت ليمى محال انا ما نحملش نضرب واحج منهم نعوجو وكان تزيد يماه تجي تشكي نكملها معاه خليني فالقانون لساني طويل ننفع محامية ايا ما قريت ما درت محاماة
واش نقولو ربي يهديهم شكرا مي درتيلي خلعة مردودتلك.

ههههههههههههههه انتي والله كارثة كيفاه نهار ربي يكتب انتي الاولى ولا كيفاش نسيتي .و على هذا الطفل والله حسيتو صح وليدي لانو عارفة راح يكون بهلول و بلاك ندير موضوع كيما هذا مي على وليدي انا .والله مانكذبش عليك والله الا غاضتني و تاع الصح و المشكل كي تحسي بلي تربيتك ماهيش تنفع والله تغيضك.قاتلي لازم نديه عند طبيب نفسي خايفة يتعقد كثر قتلها التربية تاعك تنفع مع ناس بكري لانو كانو الاكثرية يصلحو و البرهوش و عندو حدود هاذو جنون راهي معولة دخلو يلعب كاش رياضة قتلها علميه الجودو و لا التيكواندو و طلقيه عليهم ياكلهم لانو الوقت تاعنا لازم يولي عندك الحزام الاسود باه يحترموك الله غالب ناس يتمشاو غير بالهراوة يا لطيف .مايعرفوش كلمة من فظلك اذا تقدري اذا تسمحي معليش والله ماعلابالي واش نهدر هاذا جيل يخوف

soso sirin · 2012-09-24, 21:22

اقتباس:

المشاركة الأصلية كتبت بواسطة مسلم سني

السلام عليكم
شكرا لك أختي سوسوسيرين على هذا الموضوع
أقول لك شيئا هناك من يظن أن القوة وفرض الوجود يكون بالكلام السيء والتلفظ بما لا يليق والفوضى وأمور أخرى
هاته الأم أنا لا ألومها بل أحييها لكن ألوم المجتمع ونظرته العكسية للأمور
اللهم اهدنا وثبتنا على هدايتك
احترماتي

و عليكم السلام لا شكر على واجب .هي صح تربيتها هي الصح مي كي تصيب روحك غير انت الي تتمشى عكس التيار واش راح دير.انت تتخيل انو ممكن الطفل هذا على جال هذا الوسط المتعفن ممكن يقلها مانزيدتش نقرى مانزيدتش نخرج لانو انا و هوما ماشي كيفكيف تحس روحك كائن غريب. مرات حنا رانا كبار كي نشوفو شي حوايج ريسانا يتبلوكاو ماشي حتى هو .والديه يقولولو انو المشاكل ماشي ملاح و ماشي كلشي يندار بالقوة في التالي يلقى روحو كون مايديرش المشاكل و يكون عاقل ياكلوه.والله العظيم الا غاضتني و زيد الصح وليت نقول رانا في 2012 امالا غدوة 2020 كيفاه يولو امالا الواحد يولي يتمشى مسلح باه يدافع على روحو و لا لازم الي مربي يتمشى بالحماية .المجتمع تاعنا ولات عندو التربية ماتسواش كامل المهم وكلو و شربو و خلاص واش راه يدير و لا واش راه يخمم مايهمهمش.

السي محمد · 2012-09-24, 21:22

هذا الولد إما يبقى معقد و نية

او سيتحول إلى رجل شرير جدا

و ينتقم من ذاته ( المحقورة) و ينتقم من المجتمع الذي كان يسخر منه

تقريبا سيحصل له مثل ( سرحان) في مسرحية شاهد ماشفش حاجة

الفساد و الكذب و الخداع و الانحلال و الرشوة نتشر بشكل رهيب

لدرجة صار المتربي و المتربية حالة شاذة و منبوذة في المجتمع

سعاذ · 2012-09-24, 21:24

السلام عليكم
انا راني مليحة سوال عليك
يعطيك الصحة المهم الواحد يمشي بنيتوا
انا من نهار بديت نخدم و انا نحب خدمتي و ننضبطة في الخدمة ومانشتيش دخس بزاف ولا تمسخير كانوا يقولولي بلي كي راكي جديدة برك ومع الوقت تتبدلي وتولي تزكزاكي و خدمة تاع يوم تخدميها في الشهر و الحمد الله عندى 3 سنين و مازلت كيما بديت و كي عرفوا بلي انا متربتش وين راني نسكنوا دوكا يقولولي كي ماتربيتش هنيا عليها راكي هكظا بصح الحمد الله كامل يشتيوني و يحترموني ونهار حتجتهم كامل وقفوا معيا انا واحدة حرت كيفاش وقفوا معيا سرتوا رجال لي ماكنتش نهدر معاهم معدى السلام عليكم
ثم عرفت بلي مهما تكوني غريبة على افكار لي راهي منتشرة في المحيط تاعك ديما تربيتك و اخلاقك هما لي يشفعولك
دمتم في رعاية الله و حفظه