عندي مشكل و اريد حل بسرعة

chakrar1994 · 2012-09-14, 10:08

عندي مشكلة في مادة العلوم و هي ان اساتذنا لا يكتبنا الدرس في القسم و يقول لنا لاخص الدرس روحك في الدار
واش العمل

siphaxs93 · 2012-09-14, 10:15

اختي انصحك ان تشتري كتاب المعاصر في العلوم في تحليل تجارب ووثائق الكتاب المدرسي وملخصات الدروس

mohamed rebouh · 2012-09-14, 10:33

هذا رابط فيه دروس في العلوم و الرياضيات
https://www.filesin.com/0D656286513/download.html

انقر على slow download ثم اكتب الرمز و بعدها حمل عادي

nor4ever · 2012-09-14, 10:34

أخي على حساب مافهمت الأستاذ نتاعكم راو يحاول يدربكم كيفاه تعتمدو على رواحكم و هذا أفضل ليكم،
أحسن من أن يملي عليكم الدرس واجد بلا ماتفهمو فيها والو،
الحل نتاعك أخي حل الأنشطة اللي في الكتاب و جاوب عليها سؤال سؤال ماتخلف حتى حاجة،أتعلم تفسر و تحلل وحدك ،
هذا طبعا بعد ان تتطلع على الطريقة المثالية للتحليل و التفسير،
وأي حاجة مافهمتهاش سقسي عليها الأستاذ أو الأعضاء هنا في منتدى الجلفة و متأكدة راح تلقى الاجابة،
واذا قدرت أشري كتاب أحمد أمين و حتى كتاب الوافي تلقى فيهم حتى الحلول نتاع الكتاب المدرسي ان شاء الله،
وربي يوفقك لما يحبه و يرضاه.

chakrar1994 · 2012-09-14, 10:36

عندي الكتاب و لان هل افهم عند الاستاذ و اقراء الملخص من هذا الكتاب

ورثان الجنان · 2012-09-14, 10:40

اقتباس:

المشاركة الأصلية كتبت بواسطة nor4ever

أخي على حساب مافهمت الأستاذ نتاعكم راو يحاول يدربكم كيفاه تعتمدو على رواحكم و هذا أفضل ليكم،
أحسن من أن يملي عليكم الدرس واجد بلا ماتفهمو فيها والو،
الحل نتاعك أخي حل الأنشطة اللي في الكتاب و جاوب عليها سؤال سؤال ماتخلف حتى حاجة،أتعلم تفسر و تحلل وحدك ،
هذا طبعا بعد ان تتطلع على الطريقة المثالية للتحليل و التفسير،
وأي حاجة مافهمتهاش سقسي عليها الأستاذ أو الأعضاء هنا في منتدى الجلفة و متأكدة راح تلقى الاجابة،
واذا قدرت أشري كتاب أحمد أمين و حتى كتاب الوافي تلقى فيهم حتى الحلول نتاع الكتاب المدرسي ان شاء الله،
وربي يوفقك لما يحبه و يرضاه.

صح أختي أنا معك في هذا الأمــر

لكن ليس من بداية السنة

على الأقلّ يعلّمهم ويدرّبهم على الطّريقة وبعدها يتركهم لوحدهم

هذا أستاذ أقلّ مايقال عنه ( فنيان )

لأنّ التلاميذ في إمتحان مصيري ولا يجب أن يسيرو سير البهائم منذ البداية

بالتوفيق أخــي

zizou93 · 2012-09-14, 10:41

اهلا اخي

حاجة طبيعية انا هاذ العام ديت الباك

والاستاذة نتاعنا ماتكتب ولا حرف بخلاف عنوان الدرس و ساعات الاسئلة و الرسومات

تصدق بربي غير حاجة مليحة ليكم حنا والله غير استافدنامنها بزاااااف

صح مع الاول كنا نقولو كيفاه ماتكتبش وعلاه ديرو كلشي وحدنا و...و...و...

ولكن والله حاجة مليحة لانو كي تبدا الدرس راح تشرحلكم و تحللكم شفويا صح

نتا واش عليك دير تركز معاها لحظة بلحظة و تفهم عليها واش راهي تقول

كي تقولك اكتب التحليل فالكراس راح تعبر من عندك و تكتب واش فهمت

وهاذيك المعلومة اللي كتبتها نتا بيدك من اجتهادك والله والله والله تلصق في راسك

وماعادش تنساها واذا مافهمتش مثلا تحليل ولا خايف تكون غلطت فيه قولها تعاود تشرحلك و هي وحدها راح تعاودلك التحليل

واذا راك تحوس على تحليل وثائق الكتاب المدرسي راني درتهم فالموضوع نتاعي حمل ملفات العلوم ذرك تلقى الحلول

وهاذ العفسة نتاع تكتب وحدك الدرس راهي تساعدك تكون ديمة مركز مع الاستاذ وماتغيبش لحظة

حنا والله نهزو الشرح نتاع الاستاذة نتاعنا والمعلومات الاساسية من بعد نكتبو الدرس كااامل وحدنا من الاشكالية حتى الخلاصى الشاملة

ربي يوفقك خويا وان اشء الله مايكون غير الخير

chakrar1994 · 2012-09-14, 10:48

استاذنا يفهم مليح لكن يقول لخص في الدار ماشيي في القسم و انا كي نروح لدار نفتح تمرين و لا نلهى بتلخيص
ايا قولولي

zizou93 · 2012-09-14, 10:56

ااااه اذا كان هكا استاذك ربي يهديه كيمة قال عليه

محمد فنيااااااااااااان

شوف نقولك واش دير نتا اقرا الدرس فالدار و حلل وفسر و استنتج حل اسئلة الكتاب

ولخص الدرس فالدار قبل ماتقراه باش كي تروح تقرا تلقى الدرس مكتوب ولفهامة فاهم

ينقصك غير تثبت المعلومات نتاعك من شرح الاستاذ

واش رايك خويا

chakrar1994 · 2012-09-14, 11:07

كيفاه نلخص بلا مانفهم ماكاش cd و لا كتاب فيه دروس نقرا منهم

zizou93 · 2012-09-14, 11:19

اخي
الدروس كانو بالفيديو شفتهم مرة مي والله ماشفيت وين من قبيل وانا نحوس عليهم

المهم الدرس عبارة على وثائق تحلل وتفسر و تستنتج

نتا فالدار راح تحاول في وثائق الكتاب من بعد كاين الحل

كي تروح للقسم راح يشرحلك الاستاذ الدرس تزيد تفهم مليح

ربي يوفقك خويا

انا ساعدوني حلول وثائق الكتاب المدرسي راني درتهم فالموضوع نتاعي

ربي يوفقك خويا

chakrar1994 · 2012-09-14, 11:22

ان شاء الله شكرا لكم جميعا على المساعدة

nor4ever · 2012-09-15, 20:33

اقتباس:

المشاركة الأصلية كتبت بواسطة راجـــي رضى الرحمــن

صح أختي أنا معك في هذا الأمــر

لكن ليس من بداية السنة

على الأقلّ يعلّمهم ويدرّبهم على الطّريقة وبعدها يتركهم لوحدهم

هذا أستاذ أقلّ مايقال عنه ( فنيان )

لأنّ التلاميذ في إمتحان مصيري ولا يجب أن يسيرو سير البهائم منذ البداية

بالتوفيق أخــي

نعم أخي معك حق فيما قلته،
لكن تلميذ القسم النهائي يتعلم الطريقة المثالية لدراسة وثيقة من الكتاب المدرسي انطلاقا من السنوات السابقة التي درسها،
يعني همه الوحيد في السنة الثالثة هو فهم الدروس،وليس تعلم طريقة التحليل و التفسير،
وهذا مادربتني عليه أستاذتي الكريمة بارك الله فيها،
ويوم البكالوريا وجدت أنها كانت على صواب حين كانت تشرح لنا الدرس و تترك مهمة التعبير العلمي لنا،
بالتوفيق للجميع.

zahoueddineess · 2012-09-15, 22:36

مايديك مايجيبك روح لا قدرت دير ليكور فيها خير ماتقعدش تمسخر بروحك