ماذا بعد العرس ؟؟؟؟؟؟

اسعى لرضى الله · 2012-09-16, 01:24

السلام عليكم ورحمة الله وبركاته

كما تعرفو انو منذ ما تنخطب الفتاة يبداو التحضيرات تاع الجهاز والعرس وتلقا العروسة تجري والعريس يجري

ممكن هد التحضيرات تدي وقت كبير يوصل ل5 اشهر او اكثر في بعض الاحيان

وبعد هد التحضيرات يجي العرس

بصح واش جاي ورا العرس ؟

وهداك هو الرسمي كي تروح العروسة لدار راجلها ويعيشو مع بعضاهم

هل المقبلين على الزواج في وقتنا هذا كما راهم يوجدو للعرس والحوايج المادية يو جدو رواحهم نفسيا للحياة الزوجية اللي تسنا فيهم ؟ خاصة انو الزواج مسؤولية كبيرة خاصة عندما يكونو الاطفال وايضا حياة المراة في دار باباها راح تختلف على دار راجلها وكذلك بالنسبة للرجل فهو راح يكون عماد الاسرة

في رايكم هل سبب الطلاق في مجتمعنا في الوقت الراهن سببو انو الزوج والزوجة مكانوش واعيين واش يسنا فيهم كي يزوجو؟

وخاصة ان معظم الفتيات تبالهم االحياة الزوجية كلها رومنسية ومش راح يلقاو مشاكل وراح يلقاو الراجل كما كانو متمنيين؟ يعني مش راح يلقاو سبيات في شخصيتو لكن بعد الزواج ينصدمو ( تبالهم مسلسل تركي ولا مكسيكي ) طبعا ليس كل الفتيات

واخيرا كل واحد يقولنا واش راه تشوف في الزواج؟ واش هوما الحوايج اللي لازم اي واحد راه قريب يزوج يوجد روحو ليهم ؟

وكيفاش لازم يخطط لحياتو ؟

وكما يقولو زواج ليلة تدبيرتو عام

والسلام عليكم في انتظار تفاعلكم

اسعى لرضى الله · 2012-09-16, 01:49

اقتباس:

المشاركة الأصلية كتبت بواسطة sawsan bd.am

نحن في زمن السرعة و علاش الزواج تدبيرتو عام . هدا سبب من الأسباب التي تجعل الأمر يتعقد أكثر فأكثر

اختي اقراي موضوعي مليح وجاوبي شكرا لك انا لا اتكلم على السرعة

انا اتكلم عن ما ينتظرنا بعد الزواج من مسؤولية وهداك مثال شعبي فقط ليس الا

اسعى لرضى الله · 2012-09-16, 02:04

اقتباس:

المشاركة الأصلية كتبت بواسطة sawsan bd.am

بعد العرس نروح نحوس و نكبر شوية نولي كيما أمي و نعيط على لولاد و نوض الراجل بكري يروح يخدم و باش يسلك الانترنت المهم القناعة عند المرأة و بس

هههههههههه ضحكني ردك والله المهم شكرا على المرور نورتيلنا الموضوع

ايه ويسلك غير النت؟ هههه

الما والتريسيتي متسحقهوش؟

karimblida · 2012-09-16, 02:45

واقيلا كاينة منها هاديك تاع

الي مازال مقلق و اللي سبق ندم

تقديري
الشرط الاول في شخصية المقبل على الزواج هو الوعي بحجم المسؤولية و الادراك بأن الرتباط أهم عامل في الاستقرار
أما عن اجراءات العرس فهي شكليات و تكسار الراس فيها عندما نحاول ارضاء كل الناس علما أن الهدرة فيها فيها

اسعى لرضى الله · 2012-09-16, 02:50

اقتباس:

المشاركة الأصلية كتبت بواسطة sawsan bd.am

الما و تريسيتي نسيتهم شفتي أختي عندك الحق واقيلا الزواج تدبيرتو عام

هههههه هاه شتي صحيتي على المرور ختي العزيزة بارك الله فيك نورتي الموضوع مرة اخرى

اسعى لرضى الله · 2012-09-16, 02:51

اقتباس:

المشاركة الأصلية كتبت بواسطة karimblida

واقيلا كاينة منها هاديك تاع

الي مازال مقلق و اللي سبق ندم

تقديري
الشرط الاول في شخصية المقبل على الزواج هو الوعي بحجم المسؤولية و الادراك بأن الرتباط أهم عامل في الاستقرار
أما عن اجراءات العرس فهي شكليات و تكسار الراس فيها عندما نحاول ارضاء كل الناس علما أن الهدرة فيها فيها

صحيح ما قلت اخي بارك الله فيك

فالاهم الهنا كما نقولو الحوايج لخرين يفوتو وارضاء الناس غاية لا تدرك ولا يجب ان نرضي الناس على حساب سعادتنا الشخصية فكل ومقدوره

فتـ حييةـاة · 2012-09-16, 02:54

الاخت سوسن مادامك غلطتي فالتسجيل ودرتي ذكر علاش ماتعاوديش تسجلي من جديد وتكتبي انثى وهاكا تبعدي عليك كل المشاكل ؟؟
بلاكي تزعفي من كلامي راني معاك منيتي

اسعى لرضى الله · 2012-09-16, 02:57

اقتباس:

المشاركة الأصلية كتبت بواسطة فتـ حييةـاة

الاخت سوسن مادامك غلطتي فالتسجيل ودرتي ذكر علاش ماتعاوديش تسجلي من جديد وتكتبي انثى وهاكا تبعدي عليك كل المشاكل ؟؟
بلاكي تزعفي من كلامي راني معاك منيتي

صح احسن ....

فتـ حييةـاة · 2012-09-16, 02:58

اما بالنسبة للموضوع نظن اغلبهم غير يتزوج وخلاص البنت تخمم فالتصديرة والجهاز والرجل يخمم في عرس جميلة هذا مكان هذا على حساب واش راني نشوف ومرة تلاقيت مع عروسة صغيرة فالسن سالتها الحلاقة علاش تزوجت في هذا السن ؟ قالتلها انا واش راه عاجبني من الزواج غير الخاتم والفستان الابيض وكي يلبسلي زوجي الخاتم ونقطعو لاطارت هذا مكان ؟؟؟؟؟
بدون تعليق

عميروش الحر · 2012-09-16, 03:04

راني معاك في كل كلمة قلتيها حرف حرف جملة جملة سطر سطر بيت بيت زنقة زنقة هههههه
و خاصة فالجزئية تع الطلاق الشباب ضرك ولاو يتزوجو بلا ما تكون عندهم فكرة عن المسؤوليات تع الزواج .

يعني اليوم راه في دارهم راقد ينوض الصباح.. (يما حطيلي حليب !!) ما يتحمل لا مسؤولية ولا اي ضغط وغدوا يتزوج ويلقى روحو في دار مع مرأة ومسؤولية وضغوطات يعني اكيد راح ينفجر
وكذلك بالنسبة للبنت تكون في دارها ما تعاون ما تطيب ولا تخدم اي شيء غير المسلسلات وعايشة (لابال في) وغدا تلقى روحها في بيت زوجها مع عجوزتها ربما كل شيء طايح عليها وربما بعد مدة مسؤولية الاطفال (تتشوكا المخلوقة)
وهنا ولأنقاذ النفس يكون المخرج هو الطلاق
اليوم كنت نقرا جريد اندهشت من النساء المطلقات اللي بغاو يتزوجو سنهن لا يتعدى 26 سنة وقتاش تزوجت ووقتاش طلقت ؟ اخخخخخ

أنا في رايي واحد قبل ما يتزوج أو قبل ما ينوي يتزوج يقعد مع روحو ويتأمل فالدنيا كيفاش راهي تمشي و يتأمل في نفسو مليح و يشوف اذا كان قادر على المسؤوليات والضغوطات و يدرس الموضوع من كل الجوانب وخاصة الاقتصادية يعني اذا كان شهريتو ما تكفيش تعيشو هو وامرأة ما يرميش نفسو الى التهلكة و يجر معاه بنت الناس ...
وكذلك اذا كان ما قدرش يسعد هاذ البنت يعني اذا معمر بالسلبيات وعلى بالو بلي هو ماراح يعيش هاذ البنت مليح و ماشي متأكد من نفسو علاش يخسر حياتو وحياتها

والبنت ايضا اذا شافت روحها عاجزة ان تكون امرأة بكل ما للكلمة من معنى يعني تتحمل مسؤولية زوجها ومسؤولية الدار وتتحمل كل الضغوطات مهما كانت و ما تقدرش تسعد زوجها فلاداعي لأن تخدع نفسها وتخدع وليد الناس ...

للأسف الان ولاو يخممو غير عند نيفهم (منا ← لهنا) وما يخموش للمستقبل البعيييييييييد
الموضوع قابل لأسالة الكثير من الحبر ولكن اكتفي بهذا ...

شكرا على الموضوع

اسعى لرضى الله · 2012-09-16, 03:06

اقتباس:

المشاركة الأصلية كتبت بواسطة فتـ حييةـاة

اما بالنسبة للموضوع نظن اغلبهم غير يتزوج وخلاص البنت تخمم فالتصديرة والجهاز والرجل يخمم في عرس جميلة هذا مكان هذا على حساب واش راني نشوف ومرة تلاقيت مع عروسة صغيرة فالسن سالتها الحلاقة علاش تزوجت في هذا السن ؟ قالتلها انا واش راه عاجبني من الزواج غير الخاتم والفستان الابيض وكي يلبسلي زوجي الخاتم ونقطعو لاطارت هذا مكان ؟؟؟؟؟
بدون تعليق

صح ختي عندك الحق هدا واش رانا نشوفو معظم الفتيات يحبس تخمامهم في العرس والفستان الابيض وثم الحلقة الاخيرة عندهم ومعلابالهمش بلي اللي جاي هو الاهم يا دوم العشرة يا الطلاق

وحتى الوالدين نورمالمون يوعيو بناتهم بلي الزواج مسؤولية مش تقولها اشرطي كدا وكدا واشري هديك وهديك كيعاد مش كلش حوايج مادية والدين خرين رباو بناتهم على حب المادة ورجعوهم مادييين وزيد في حالة الطلاق الخاسر الوحيد الطفلة كيعاد الراجل يقدر يعاود يزوج وحدة وزوج وعشرة بصح الطفلة صعيب

وزيد انا نحير في وحدة تزووج وهي قل من 20 سنة

انا راني 21 سنة ونخاف من الزواج كيعاد علابالي مش لعبة والوحدة كي تزوج تزوج على اساس راح دوم عشرتها مع راجلها مش تروح شهر وتطلق منيش راح نلعب العشايش

karimblida · 2012-09-16, 03:18

اقتباس:

المشاركة الأصلية كتبت بواسطة sawsan bd.am

الي مازال مقلق و اللي سبق ندم معناها رانا حاصلين اللي مقلق ما زال ما تزوج و اللي تزوج راه نادم كيفاش الحل أو رانا في غرقة

راهو في غرقة اللي راهو يتخشخش في هاد الموضوع
متابع يحكي و فقط ..............هده حكمة الموضوع برك.ههه

أنا بريييييييييييييء

فتـ حييةـاة · 2012-09-16, 03:23

اقتباس:

المشاركة الأصلية كتبت بواسطة اسعى لرضى الله

صح ختي عندك الحق هدا واش رانا نشوفو معظم الفتيات يحبس تخمامهم في العرس والفستان الابيض وثم الحلقة الاخيرة عندهم ومعلابالهمش بلي اللي جاي هو الاهم يا دوم العشرة يا الطلاق

وحتى الوالدين نورمالمون يوعيو بناتهم بلي الزواج مسؤولية مش تقولها اشرطي كدا وكدا واشري هديك وهديك كيعاد مش كلش حوايج مادية والدين خرين رباو بناتهم على حب المادة ورجعوهم مادييين وزيد في حالة الطلاق الخاسر الوحيد الطفلة كيعاد الراجل يقدر يعاود يزوج وحدة وزوج وعشرة بصح الطفلة صعيب

وزيد انا نحير في وحدة تزووج وهي قل من 20 سنة

انا راني 21 سنة ونخاف من الزواج كيعاد علابالي مش لعبة والوحدة كي تزوج تزوج على اساس راح دوم عشرتها مع راجلها مش تروح شهر وتطلق منيش راح نلعب العشايش

بعض الوالدين غير يجيهم خطاب يقبلو بيه يقولو نرتاحو من بنت وخاصة اذا كانو عندهم بنات اخرين واول سؤال يسالوه على العريس هو واش يخدم مايهمهم لا شارب خمر ولا تارك صلاة ولا اخلاقة سيئة المهم يعطيهم مهر مليح وخلاص في حين كاين والدين لاااا يهمهم زوج بنتهم كيفاه يفكر وواش يكون وووو
وزيد كيما قلتي كاين اللي تتزوج صغيرة وماشي حتى عارفة تحصل علابيها الطلاق كثر وحتلى الرجال بزاااف منهم تزوجو صغار بزاااف وندمو
عندك الحق انا راني اكبر منك وكي يجيني خطاب نخمم وندير الف حساب مش المهم وقتاه نتزوج المهم معامن نتزوج على هذا الوحدة دايمن تدعي ربي يرزقها زوج صالح ماتحلم لا تكون في فيلا لا عنده سيارة لا شباب لا مشي شباب وحدة تقول خطيبي يشبه لعمار ووحدة تقول يشبه لغزال ولا زياني وكل وحدة ولمن تشبهو كي يكون صالح هذاك الاهم يغير عليها ويخاف ربي فيها

سعدت بالمشاركة في موضوعك حتى اني نسيت بلي راني فالمنتدى كتبت وكاني اخاطبك على الخاص ::::::::: ليلة سعيدة

اسعى لرضى الله · 2012-09-16, 03:29

اقتباس:

المشاركة الأصلية كتبت بواسطة فتـ حييةـاة

بعض الوالدين غير يجيهم خطاب يقبلو بيه يقولو نرتاحو من بنت وخاصة اذا كانو عندهم بنات اخرين واول سؤال يسالوه على العريس هو واش يخدم مايهمهم لا شارب خمر ولا تارك صلاة ولا اخلاقة سيئة المهم يعطيهم مهر مليح وخلاص في حين كاين والدين لاااا يهمهم زوج بنتهم كيفاه يفكر وواش يكون وووو
وزيد كيما قلتي كاين اللي تتزوج صغيرة وماشي حتى عارفة تحصل علابيها الطلاق كثر وحتلى الرجال بزاااف منهم تزوجو صغار بزاااف وندمو
عندك الحق انا راني اكبر منك وكي يجيني خطاب نخمم وندير الف حساب مش المهم وقتاه نتزوج المهم معامن نتزوج على هذا الوحدة دايمن تدعي ربي يرزقها زوج صالح ماتحلم لا تكون في فيلا لا عنده سيارة لا شباب طويل وكذا وكذا كي يكون صالح هذاك الاهم يغير عليها ويخاف ربي فيها

سعدت بالمشاركة في موضوعك ليلة سعيدة

صحيح اختي ما ذكرتي بارك الله فيك

والله كما قلتي مرجعوش يبحثو اسكو يصلي ولالالا يصوم عادو يسقسيو وشحال يسلك مرة واحد راح يخطب قالو باباها هاتلي ورقة تاع السلاك نشوف وشحال تسلك !!!!!

والله يا اختي كما قلتي ميهمش وكتاش المهم الوحدة تزوج باش تتهنا ودوم عشرتها مع راجلها

واش هي الفايدة كي تزوج على 18 وترجع مطلقة؟

كما يفولو في التاني السلامة وفي العجلة الندامة

بارك الله فيك على الردود

ليلتك اسعد

karimblida · 2012-09-16, 03:37

اقتباس:

المشاركة الأصلية كتبت بواسطة sawsan bd.am

واش تقولوا في الزواج تاع بكري هل هو ناجح حقا . تحبي تكوني زوجة كيما الوالدة أو تحبي أن يكون زوجك مثل الوالد و الله أعلم ربما نجد الحل في الزواج تاع بكري

قصدك كيما بكري........
كي يرجع من العسكر يلقاها فالدار؟؟؟؟؟؟؟؟؟؟