متسويلون ام محتالون ........

~~knives55~~ · 2012-09-11, 20:23

سلام عليكم

ما تستخربوش من العنوان

هي حقيقة مرة

شيئ لخلاني نكتب هذ الموضوع هو

( متسحيلون)

متسولون + محتلون

المهم

منذ يومين كنت نمشي في سوق حتي شفت طلابة يعني متسولة تتكلم في التلفون بورتابل

شيئ غريب متسولةتتكلم في تلفون وزيد البورتابل لكانت تتكلم فيه يسوى تقريبا 7500دج

من أين لها هذ

وحالة الثانية هذي قاتلهم روح تربحوا

هذ واحد راجل معه ولد الله العم اذ كان ولدوا

هذ زعما مايشوفش أعما وهذك لولد ديما به زعما عينه

المهم

هذي في رمضان قبل عام كنت نميش حتي شفت هذك أعمي في يدوا بورتابل وكتب في نمروا

أعمي واش يدير بتلفون

والله غير راسي حبس حال عين وحدة وكتب في نيمروا

والله غير عجب

هذي تاع متسحيلون

************************************************** ********************

أما هذ القصة حبستلي راسي

هذي مليهاش بزاف خويا كان راجع من الخدمة انتاعوا حتي شاف واحد جان .لباس بيه

دارب فيها حطة يحوس في القمامة ... زبلة أكرمكم الله

حتي عيطلوا خويا قالوا يخي راك لباس انت قاعد تحوس في القمامة

قالوا هذك انا راني زوالي راه طيحا بيا ومالقيتش واش ناكل

قالوا والله منقدر نطلب في ناس قالوا ناكل من القمامة وما نطلبش

يعني فهموني

ضرك

الفرق يبين هذ وهذ

واقسم بالله ما زدة حاجة من عندي

والله غير راسي حبس منهم هذ الناس

ولكم التعليق

وشكرا

مريم الصابرة · 2012-09-11, 20:28

السلام عليكم اخي ههههه والله ضحكتني ما تنخلع ما والو انا سبق وكتبت موضوع على المتسولون لكن طلبت آرائهم كان يمدو الدراهم او لا
نحكيلك انا مرة جات فتاة والله صدقني الحوايج اللي لابتهم من الغاليين ودايرة ماكياج ومتهلية في روحها واش نقولك طبطبت في باب دارنا وطلبت الصدقة الصراحة انا نقولها قتلها ختي علاه ما تروحيش تخدمي راكي صغيرة وبصحتك ما تخافيش طبطبي فالبيوت ممكن يفتحلك شاب او شباب ما يخافوش ربي ويتعداو عليك قاتلي اواه ما نروحش نخدم وجاوبتني بالفرنسية الي ندخلها في نهار خير من الشهرية اللي نستناها الشهر كامل
قتلها وي عندك الحق إستنايني دقيقة نبدل حوايجي ونجي معاك هههههههه ياخي حالة ربي يهديهم رجعت مهنة وممكن قريب المهنة هذي تولي قانونية ربي يستر

~~knives55~~ · 2012-09-11, 20:45

اقتباس:

المشاركة الأصلية كتبت بواسطة مريم الصابرة

السلام عليكم اخي ههههه والله ضحكتني ما تنخلع ما والو انا سبق وكتبت موضوع على المتسولون لكن طلبت آرائهم كان يمدو الدراهم او لا
نحكيلك انا مرة جات فتاة والله صدقني الحوايج اللي لابتهم من الغاليين ودايرة ماكياج ومتهلية في روحها واش نقولك طبطبت في باب دارنا وطلبت الصدقة الصراحة انا نقولها قتلها ختي علاه ما تروحيش تخدمي راكي صغيرة وبصحتك ما تخافيش طبطبي فالبيوت ممكن يفتحلك شاب او شباب ما يخافوش ربي ويتعداو عليك قاتلي اواه ما نروحش نخدم وجاوبتني بالفرنسية الي ندخلها في نهار خير من الشهرية اللي نستناها الشهر كامل
قتلها وي عندك الحق إستنايني دقيقة نبدل حوايجي ونجي معاك هههههههه ياخي حالة ربي يهديهم رجعت مهنة وممكن قريب المهنة هذي تولي قانونية ربي يستر

شكرا أختي

المشكل ليس هنا المشكل هذ الناس رهم يفسدوا علي فقراة ومحتجين تاع الصح

وهذ لمقلقني

انا والله غير نحب نعاون فقراء

بصح هذ نوع من ناس عادة يخلطلي حسابات وعدة نكره نمد حتي 5دج

وشكرا

سومية88 · 2012-09-11, 21:36

انا لوكان نحكيلكم عندنا جارتنا تروح المقبرة بالجمعة تتطلب لوكان تشوفوا دارها طيحوا تتغاشاو كل عام تسبخ ب 10 ملاين وزيد تبدل فراش دارها تشري غير تع مليون وزيادة زنزيدكم ماتروحش المارشي تشري بل تروح الحوانت الغالين وزيد عندها فاميلتها قاع مرفهين لي تروح ليه يعطيها غير بالمليون والله وليت كي نشوف واحد يطلب نجي نعطيلوا ابعد قول وقيلة مايسحقهاش لي محتاج عمروا ويلا يمد يدوا وتصيبو صابر ياربي اعطينة القناعة

مسلم سني · 2012-09-11, 23:29

السلام عليكم
أصبح الواحد منا لا يفرق بين المحتاج فعلا ومن يدعي ذلك لكن وفي رأيي وكما أعمل أنا أحيانا
نمدلو لكتبها ربي وننويها صدقة لوجه الله وما يهمنيش إذا كان يمثل أو كان متسولا حقيقة
وزد أنا أصبحت أرى أن المتسولين لايقبلون اللباس والخبز بل يقبلون الدراهم فقط
هذا الذي يبقى محيرا
وعلى كل حال من يخدع الناس فهو يخدع نفسه ويعصي ربه
اللهم اهدنا وثبتنا على هدايتك
شكرا لك على الموضوع
احترماتي

اِشراقـة أمل · 2012-09-12, 01:17

السّلام عليكم

ولأنّنا في زمن غطت الأغلبية على الأقلية

فقد اختلطت الأمور

لهذا نعمل بالنية ونخليها على الله

بارك الله فيك

اسعى لرضى الله · 2012-09-12, 03:24

نقولك اللي معندوش والله غير يحشم يمد يدو ولا يشكي

اسعى لرضى الله · 2012-09-12, 03:27

مرة جات عندنا طلابة طبطبت مدتلها امي اللباس القديم تاعنا

مالا دارت ورا دارنا وطليت عليها قلت والله غير نشوف واش راهي دير ورا الدار

انا طليت لقيتها تخير في القش ومن بعد كي معجبهاش خلاتو ورا دارنا وراحت لجارتنا لخرا

قاعدة حايرة وقلت لامي تجي مناوهك طبطب قوليلها ربي ينوب ومتزيديش تحلي عليها الباب

هاه الطلابات رجعو يخيرو في القش

طارق2518 · 2012-09-12, 08:48

لا حول ولا قوة إلا بالله

~~knives55~~ · 2012-09-12, 09:47

اقتباس:

المشاركة الأصلية كتبت بواسطة مسلم سني

السلام عليكم
أصبح الواحد منا لا يفرق بين المحتاج فعلا ومن يدعي ذلك لكن وفي رأيي وكما أعمل أنا أحيانا
نمدلو لكتبها ربي وننويها صدقة لوجه الله وما يهمنيش إذا كان يمثل أو كان متسولا حقيقة
وزد أنا أصبحت أرى أن المتسولين لايقبلون اللباس والخبز بل يقبلون الدراهم فقط
هذا الذي يبقى محيرا
وعلى كل حال من يخدع الناس فهو يخدع نفسه ويعصي ربه
اللهم اهدنا وثبتنا على هدايتك
شكرا لك على الموضوع
احترماتي

المشكل راه يفسد على محتاج تاع الصح

اقتباس:

المشاركة الأصلية كتبت بواسطة اِشراقـة أمل

السّلام عليكم

ولأنّنا في زمن غطت الأغلبية على الأقلية

فقد اختلطت الأمور

لهذا نعمل بالنية ونخليها على الله

بارك الله فيك

بصح هكذ وما تحس بلرك فرحة هذ أنسان

اقتباس:

المشاركة الأصلية كتبت بواسطة سومية88

انا لوكان نحكيلكم عندنا جارتنا تروح المقبرة بالجمعة تتطلب لوكان تشوفوا دارها طيحوا تتغاشاو كل عام تسبخ ب 10 ملاين وزيد تبدل فراش دارها تشري غير تع مليون وزيادة زنزيدكم ماتروحش المارشي تشري بل تروح الحوانت الغالين وزيد عندها فاميلتها قاع مرفهين لي تروح ليه يعطيها غير بالمليون والله وليت كي نشوف واحد يطلب نجي نعطيلوا ابعد قول وقيلة مايسحقهاش لي محتاج عمروا ويلا يمد يدوا وتصيبو صابر ياربي اعطينة القناعة

الله لا تربحها

~~knives55~~ · 2012-09-12, 09:50

اقتباس:

المشاركة الأصلية كتبت بواسطة اسعى لرضى الله

نقولك اللي معندوش والله غير يحشم يمد يدو ولا يشكي

كاين منها عندك الحق

اقتباس:

المشاركة الأصلية كتبت بواسطة اسعى لرضى الله

مرة جات عندنا طلابة طبطبت مدتلها امي اللباس القديم تاعنا

مالا دارت ورا دارنا وطليت عليها قلت والله غير نشوف واش راهي دير ورا الدار

انا طليت لقيتها تخير في القش ومن بعد كي معجبهاش خلاتو ورا دارنا وراحت لجارتنا لخرا

قاعدة حايرة وقلت لامي تجي مناوهك طبطب قوليلها ربي ينوب ومتزيديش تحلي عليها الباب

هاه الطلابات رجعو يخيرو في القش

ههه

تاع لبساء

عدنا جرتنا مسكينا ديما وين يجوها هذ طلبات تمدلهم لبسة ومبعد يلحقوا عند الدارة

ويرموهم

حتي هدرت معاه قتلها متزديش مدليلهم وطردتهم من الحوما

اقتباس:

المشاركة الأصلية كتبت بواسطة طارق2518

لا حول ولا قوة إلا بالله

حسبنا الله ونعم الوكيل فيهم

أم احمد3 · 2012-09-12, 10:00

زوجي ايضا له نفس الراي يقولي متحليش الباب للمتسولين
هو يصدق للناس في بلديتنا يعرفهم مليح كاين لدير عرس يعاونو كاين ليشري تلفزيون هذية للزوالية
لكن انا لست مقتنعة برأيه
لان الله قال اما السائل فلا تنهر وين علابالاك بحالتو
لذا نطبق قول الله خير منحسب واش عندو الله هو الذي يرزق الناس

ايضا عندما مرض ابني قالوا الصدقات تنحي الهموم
لذا قلت لزوجي عندما يصادف اي انسان مد يده لا يحرمه من العطاء
واش فيها 10دج
لذا انا ضد الامتناع عن الصدقة بداعي الاحتيال خلى يحتال راه يحتال على نفسوا فقط

أم احمد3 · 2012-09-12, 10:02

عندي واحدةة في الفاميليا تجي اي واحدة تحوزها لكن الا قالتها نقرا الكف تامنها وتعطيها
لذا لا احب الناس التي تمنع الخير
مد ولو القليل ل لعلها تنفعك

أمال2008 · 2012-09-12, 10:16

ههه كاينة منها .انا وحد النهار جا طلاب طبطب عا الباب كان جيعان مسكين ايا مدتلو ماما الكسرة وكلا المهم ومبعد حكمت حوايج قدم تاع الاب قالت نمدهملو- لاباس بيهم تلبسوا صح مي ملاح ايديبانيو.-هه المهم كي مدتهملو خرج الصباط وبدا يعاين فيه ما عجبوش قلنا او قديم اذا وقلي رجعيه لامك قلها شوفي كشما واحد خير ولات ماما قتلي قوليلو ربي اينوب مالا هه .من ثم a chaque fois يتلاقاها في الزقاق يقول اذيكا وحد المسمامة كبيرة هه.
كاين ثاني وحايد كانو جيرانا...لي عودة لإتمام القصة

~~knives55~~ · 2012-09-12, 10:33

اقتباس:

المشاركة الأصلية كتبت بواسطة samra3

زوجي ايضا له نفس الراي يقولي متحليش الباب للمتسولين
هو يصدق للناس في بلديتنا يعرفهم مليح كاين لدير عرس يعاونو كاين ليشري تلفزيون هذية للزوالية
لكن انا لست مقتنعة برأيه
لان الله قال اما السائل فلا تنهر وين علابالاك بحالتو
لذا نطبق قول الله خير منحسب واش عندو الله هو الذي يرزق الناس

ايضا عندما مرض ابني قالوا الصدقات تنحي الهموم
لذا قلت لزوجي عندما يصادف اي انسان مد يده لا يحرمه من العطاء
واش فيها 10دج
لذا انا ضد الامتناع عن الصدقة بداعي الاحتيال خلى يحتال راه يحتال على نفسوا فقط

نعم كلامك صح

نعم هي ميش مليح تعيط في وجه طلاب

اما سائل فلا تنهر

انا ندور وجهي ولا هبط رسي وما نهدرش

هكذ خير

اقتباس:

المشاركة الأصلية كتبت بواسطة samra3

عندي واحدةة في الفاميليا تجي اي واحدة تحوزها لكن الا قالتها نقرا الكف تامنها وتعطيها
لذا لا احب الناس التي تمنع الخير
مد ولو القليل ل لعلها تنفعك

ربي يهديها مزال كاين ناس يصدقوا تاع الكف وكاس القهوي وما علبليش

اقتباس:

المشاركة الأصلية كتبت بواسطة أمال2008

ههه كاينة منها .انا وحد النهار جا طلاب طبطب عا الباب كان جيعان مسكين ايا مدتلو ماما الكسرة وكلا المهم ومبعد حكمت حوايج قدم تاع الاب قالت نمدهملو- لاباس بيهم تلبسوا صح مي ملاح ايديبانيو.-هه المهم كي مدتهملو خرج الصباط وبدا يعاين فيه ما عجبوش قلنا او قديم اذا وقلي رجعيه لامك قلها شوفي كشما واحد خير ولات ماما قتلي قوليلو ربي اينوب مالا هه .من ثم a chaque fois يتلاقاها في الزقاق يقول اذيكا وحد المسمامة كبيرة هه.

اقتباس:

المشاركة الأصلية كتبت بواسطة أمال2008

كاين ثاني وحايد كانو جيرانا...لي عودة لإتمام القصة

هذ نوع هو لطلعلي دم

محتاج ويتشرط

كاش يوم يجي واحد يقولك اعطني ميكروا