مشكلتي مخطوبة وحايرة

مشكلتي · 2012-09-10, 16:49

سلام كتبت موضوع في قسم مشكلتي وحدفوه لا ادري ما السبب رغم انه ليس بمخالف نتمنى ميزيدش يتحدف

انا مخطوبة وكما علابالك لازم نشري الذهب

وقالولي اشري تاع ايطاليا كيعاد تاع دزاير يخدعو فيه وانا حرت .

تاع ايطاليا كيعاد فيه ختم تاع 750 يعني ميقدروش يخدعو فيه هكا قالولي

دك اللي عندو خبرة في الذهب ينصحني ويخبرني اسكو حتى الذهب تاع ايطاليا يقدر يكون مخدوع او لما يحمل الختم 750 يعني مشي مخدوع خاصة اني شريت سنسلة تحمل 750 , فيدوني الله يعيشكم كيعاد منيش باغية نطيش دراهمي هكاك والذهب غالي

متقولوليش شوفي كاش صايغي ثقة لانو منعرفش

ونتمنى ميتحدفش الموضوع لاني مزروبة الله عيشكم متبخلونيش

z.abdo · 2012-09-10, 23:27

بصراحة اختي انا لا افقه في مثل هذه الأمور لكن نعطيك واش نعرف

يجب أن يكون على الخاتم طابع كذالك لازم بعد الشراء يعطيك البائع وثيقة تثبت أنك إشتريت من عنده يعني (bonne)

الحطاب سهام · 2012-09-11, 08:12

اختي مايثبت صفاء الذهب من عدمه هو وجود كيما نقولو بالعامية مطبوع المطبوع حتى وحبيتي من بعد تبيعيه ينباعلك بسهولة وانا رايي اشري الجزائري لانو ارخس وهكا تكسبي قرامات اكثر لانو نهار تحبي مثلا تبيعيه باه تبدلي او اي شيء راكي رايحا تبيعي بنفس السعر كي الجازائري كي الطلياني اما اختي اذا كنت تبحثي على الموتيف الشباب فالطلياني متحوف احسن وموديلاته اكثر اناقة واكثر جمال
مبروك اختي وماتخميش بزاف اشري من عند البيجوتري بالاوراق وماتخافيش

السَّحابة البيضاءْ · 2012-09-11, 11:48

موضوعك ليس بالمشكلة الكبيرة

قسم العرائس هنا بالمنتدى إذهبِ هناك { يقولولك كيفاش تعرفي نوعية الذهب }

ويمكنك التفاعل هناك بطرح مزيد من الاسئلة التي ترادوك

صدّقيني هناك أفضل من هنا

aminahassiba · 2012-09-11, 12:06

ربي يبارلك اشري الجزائري

ايمان نور الجزائر · 2012-09-11, 12:36

ربي يباركلك اختي
الذهب الجزائري ليس دائما مخدوع
كما انو في وقتنا الحالي يمدولك وثيقة بعد ما تشتري احتفظي بيها وبيها تجيبي حقك
+++
ايضا ثمنه ماشي كيما نتاع الطاليان لي معروفين يخدمو سيرتو لي موتيف وايضا لمناقش

lilou f lilou a · 2012-09-12, 11:57

ربي يهنييييك

عطور المعاني · 2012-09-12, 12:11

السلام عليكم ارواحي اشري من عندنا في غرداية الذهب الاصلي يبعيوه هنا ومع تانيت رخيس علا جوايه اخرى

la manita · 2012-09-17, 14:29

مبروك اختي وماتخميش بزاف اشري من عند البيجوتري بالاوراق وماتخافيش

aminaskikda · 2012-09-19, 21:38

هده مشكلة............................................. .......................عجب

sassah · 2012-09-21, 13:05

bedli le3erise jibi ta3e taleyan lejazayeri aw maghechouche hhhhhhhhhhhhhhhhhhhhhhhhhhhhh hada mahouche mochekle barekawna