صباح الخير
دوبارة بسكرية
حمص _ بصلة صغيرة _ ثوم _ طماطم كعاب _ فلفل اخضر حار واخر حلو _ معجون طماطم _ هريسة _ فلفل مرقد احسن نوع طويل ورقيق _ قارص _ دبشة _ زيتون اخضر _ بصل اخضر صغير _ زيت _ راس الحانوت (بهارات جزائرية واحسن نوعية في بسكرة) _ كمون _ شوية فلفل اكحل _ فلفل احمر غبرة حار _ شوية كسبر غبرة _ ملح
التحضير
اولا الحمص يترنخ (ينقع) بليلة قبل وترمي ماه ومنبعد تحطوه في الكوكوط (قدرالضغط) وديرلوا ماء اخر حتي يطيب
اما الصوص
تقطع الطماطم والبصل والثوم والفلفل لخضر وترحيهم و تحطهم في صحن و تضيفلهم التوابل بكل والزيتون والفلفل لمرقد والملح والقارص مقطع شرائح والدبشة مقطعة رقيقة والبصل الاخضر يتقطع رقيق
ومنبعد تسخن الحمص بالدرجة لي تحتاجها وتحط الكمية في صحن ومن تزيد عليها الصوص شوية وتخلط وتذوق واذا ناقص زيد شوي
المعنى ان صوص الدوبارة ماينطبخ والحمص هو لي يسخن
وهذا هو لغز الدوبارة تخلط غير الكمية لي راح تاكلها وبالزيادة الحرارة
* ممكن دير دوبارة حمص او فول او حمص وفول والاحسن حمص وفول
والفول يترنخ يومين قبل الطياب
( تقرير عن مشاركة سيئة )، و الموجودة أسفل كل مشاركة .
2012-02-19, 12:46
فضلا لا امرا وصفة الدوبارة البسكرية
راني حابة نعرف كيفية الدوبارة تاع الفول و لحميصة راجلي راهو مهبلني عليها و شكرا
العرض العادي
