اختي

[مشكلتي]

عايشة مع يما و أختي و بابا متوفي من خمس سنين و بابا ما خالى لينا والو ربي يرحمو .. هو كان عامل يومي و بموتو خلى لينا فراغ كبير بزاف .و انا في عمري 25 سنة موظفة بسيطة مي أنا عندي شهادة جامعية و نقولو الحمد لله
اختي لكبيرة عليا خدامة في إطار الإدماج عندها تقريبا 3 سنوات ، مند أن توظفت و انا العائل الوحيد لعايلتي أما أختي لكبيرة كانت تقول دايما انو عندها مشكل لم يدفعوا مستحقات كل عمال لانام
انا جامي حاسبتها و كنت ديما نقولها روحي حلي مشكلتك باش تعاونيني في الدار . مرة دبر عليا واحد في الخدمة و حكا ليا بالتفصيل علي مشروع فيه دراهم باش نعاون روحي و قالي إذا حبيتي نعاونك من باب إستشاري هذا مكان ، و قالي انا راني ماشي في نفس المشروع انا البروجي عجبني .و هو صح فيه دراهم، قلت ليما و تناقشنا في السيوجي و حنا نهدروا جات أختي لكبيرة و قالتلي انا تانيك ندخل معاك شراكة ، قتلها مي نتي ماعندكش دراهم ؟
المفاجئة قالت لي أن عندها المال ..بالاضافة هي تملك أكثر من 15 مليون . و السؤال الذي يطرح . لماذا كذبت علي . و لا أخفي عليكم
حسيت روحي كشما طفلة غبية أو حاجة وحدخرة تخيل قارورة غسول مادخلهاش للدار تفليكسيلي تحاسبني و أنا الدار كاملة على راسي كي جبت البروجي بانت دراهما ؟ قولولي يا عباد ربي أنا غالطة
و انا كنت نقول مسكينا 3 سنين خدامة و ما خلصوهاش و كنت مرة مرة نعطي ليما باش تعاونها و في النهاية هي تخبي في دراهمها ؟
سمحولي مانعرفش للعربية مي راسي حبس مع الأنانية هاذي و هاذ لو سيت وحدة برك قاتلي عليه
ربما تجدون لي الحل مع أختي و شكرا لكم جميعا